Interesting Facts: நாம் வாங்கும் ஆடைகளில் X, XL, XXL ஆகிய குறியீடுகள் குறிக்கப்பட்டிருக்கும். ஆனால் இது குறித்து பலருக்கும் முழுமையாக தெரிவதில்லை. அது பற்றி இங்கு பார்க்கலாம் வாருங்கள்.
முன்பெல்லாம் ஒரு ஆடை வேண்டும் என்றால், அதை துணியாக எடுத்து வந்து டைலரிடம் அளவு கொடுத்து ஆடையாக தைப்பது வழக்கமாக இருந்தது. ஆனால் தற்போது வளர்ந்து வரும் நவீன யுகத்தில் பலரும் ரெடிமேடு ஆடைகளையே விரும்புகின்றனர். துணி எடுப்பது, அதை டைலரிடம் கொடுத்து தைப்பது, ஆடை தயாராகும் வரை காத்திருப்பது என்று நேரமும் அலைச்சலும் அதிகமாகும். தற்போதைய காலத்தில் நேராக கடைக்குச் சென்று, சரியான அளவு ரெடிமேட் ஆடையை எடுத்து அதை டிரையல் பார்த்து வாங்கி வருவது தான் இப்போதைய பேஷன். அப்படி ஆடைகள் வாங்கும் பொழுது, XS, L, Xl, XXL போன்ற குறியீடுகள் ஆடைகளில் பயன்படுத்தப்படுகின்றன. அதன் உண்மையான அர்த்தம் என்ன என்பது பற்றி பார்க்கலாம் வாருங்கள்.
துணிகளில் எழுதப்பட்டிருக்கும் இந்த எழுத்துக்களில் XS என்பது ஸ்மால் என்பதை குறிக்கும். M என்பது மீடியம், l என்பது லார்ஜ் என்பதை குறிக்கும். ஆனால் x என்பது எக்ஸ்ட்ரா என்பதை குறிக்கிறது. XL என்பது எக்ஸ்ட்ரா லார்ஜ் என்றும், XXL என்பது எக்ஸ்ட்ரா எக்ஸ்ட்ரா லார்ஜ் என்றும், XS என்பது எக்ஸ்ட்ரா ஸ்மால் என்பதையும் குறிக்கிறது. XL அளவிலான சட்டைகள் பொதுவாக 42 முதல் 44 அங்குலம் வரை மார்பளவை கொண்டவர்களுக்கு ஏற்றதாக இருக்கும். XXL அளவிலான ஆடைகள் 44 முதல் 46 அங்குலம் வரை மார்பளவை கொண்டவர்களுக்கு பொருத்தமாக வடிவமைக்கப்பட்டிருக்கும். இந்த அளவுகள் ஆடை தயாரிக்கும் நிறுவனங்களுக்கு ஏற்ப சிறிய வேறுபாடுகளைக் கொண்டிருக்கலாம்.
பலரும் நினைப்பது போல இந்த அளவுகள் உலகெங்கிலும் உள்ள பிராண்டுகளுக்கு ஒரே மாதிரியாக இருப்பதில்லை. அதற்குப் பின்னால் சில முக்கிய காரணங்கள் உள்ளன. ஒரு கடையில் உங்களுக்கு M அளவு சரியாக இருந்தால் வேறொரு பிராண்ட் கடையில் L அல்லது S அளவு தான் சரியாக இருக்கும். வாடிக்கையாளர்களை மகிழ்ச்சிப்படுத்த சில பிராண்டுகள் பெரிய அளவிலான துணிகளுக்கு M அல்லது S என்று லேபிள் ஒட்டுவார்கள். இதற்கு வேனிட்டி சைஸ் என்று பெயர்.
பொதுவாக ஏசியாவில் வாழும் மக்களின் உடல்வாகு சற்று சிறியதாக இருப்பதால் இங்குள்ள L அளவு என்பது அமெரிக்க அல்லது ஐரோப்பிய நாடுகளில் M அல்லது S அளவுக்குத்தான் சமமாக இருக்கும். வெளிநாட்டு பிராண்ட் துணிகளை வாங்கும் பொழுது இந்த அளவுகள் மாறுபடுவதற்கு, இந்த அளவுகள் மாறுபாடும் ஒரு காரணமாகும். துணிகளில் X என்ற எழுத்து அளவுகளில் பெரிதாக செல்லச் செல்ல X எண்ணிக்கை கூடும். (எ.கா - XL, XXL, XXXL) அதேபோல சிறிதாக செல்ல X இன் எண்ணிக்கையும் கூடும். ( எ.கா - XS, XXS)
நீங்கள் துணிகளை கடைகளில் வாங்கும் பொழுதோ அல்லது ஆன்லைன் ஷாப்பிங் செய்யும் பொழுது S, M, L குறியீடுகளை மட்டும் நம்பாமல் அங்குள்ள சைஸ் சார்ட்டைப் பார்த்து மார்பளவு, இடுப்பளவு, இன்ச் அளவுகளைப் பார்த்து வாங்குவது ஏமாற்றத்தை தவிர்க்கும் சிறந்த வழியாகும். நேராக கடைகளில் சென்று வாங்குபவர்கள் மறக்காமல் ட்ரையல் செய்து பார்த்து வாங்குவது நல்லது.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
