காலை டிபனுக்கு இனி மாவு அரைக்க வேண்டிய அவசியமே இல்லை! வெறும் 15 நிமிடங்களில் சத்தான, மென்மையான ராகி இட்லி ரெடி. உடலுக்கு தேவையான கால்சியம், இரும்புச்சத்து நிறைந்த இந்த ஹெல்தி ரெசிபி குழந்தைகள் முதல் பெரியவர்கள் வரை அனைவருக்கும் பிடிக்கும்.
இன்ஸ்டன்ட் ராகி இட்லி செய்ய, முதலில் ஒரு கடாயில் ரவையை எடுத்து மிதமான தீயில் 2-3 நிமிடங்கள் வறுக்கவும். பிறகு, அதை ஆற வைப்பதற்காக தனியாக எடுத்து வைக்கவும்.
28
உப்பு மற்றும் தயிர் சேர்க்கவும்
வறுத்த ரவையை ஒரு பெரிய பாத்திரத்தில் கொட்டி, அதனுடன் ராகி மாவு, தேவையான அளவு உப்பு மற்றும் தயிர் சேர்த்து நன்றாகக் கலந்துகொள்ளுங்கள்.
38
கொஞ்சம் கொஞ்சமாக சேர்ப்பது முக்கியம்
இந்தக் கலவையை இட்லி மாவு பதத்திற்கு கொண்டு வர, தேவையான அளவு தண்ணீர் சேர்த்து மாவை தயாராகுங்கள். தண்ணீர் அதிகமாகிவிடாமல் இருக்க, கொஞ்சம் கொஞ்சமாக சேர்ப்பது முக்கியம்.
தயாரான மாவை 10 நிமிடங்கள் ஊற வைக்கவும். இந்த நேரத்தில், இட்லி பாத்திரத்தில் (ஸ்டீமர்) தண்ணீர் ஊற்றி சூடு செய்யுங்கள். இட்லி தட்டுகளில் சிறிது எண்ணெய் தடவி தயாராக வையுங்கள்.
58
நுரை வரும் வரை நன்கு கலக்குங்கள்
இட்லியை வேக வைப்பதற்கு சற்று முன்பு, மாவில் ஒரு சிட்டிகை பேக்கிங் சோடா சேர்த்து, நுரை வரும் வரை நன்கு கலக்குங்கள். உடனே மாவை இட்லி தட்டுகளில் ஊற்றி 8-10 நிமிடங்கள் ஆவியில் வேக வையுங்கள்.
68
தேங்காய் சட்னி மற்றும் சாம்பாருடன் பரிமாறுங்கள்
10 நிமிடங்களுக்குப் பிறகு, அடுப்பை அணைத்துவிட்டு இட்லியை ஆறவிடுங்கள். பின்னர், தட்டுகளில் இருந்து இட்லியை எடுத்து, சூடான தேங்காய் சட்னி மற்றும் சாம்பாருடன் பரிமாறுங்கள்.
78
தேங்காய் சட்னி இப்படி செய்யலாம்
தேங்காய் சட்னி செய்ய, ஒரு கப் துருவிய தேங்காய், ஒரு கப் வேர்க்கடலை, கொத்தமல்லி, இரண்டு-மூன்று பச்சை மிளகாய் ஆகியவற்றை உப்பு சேர்த்து மிக்ஸியில் அரைக்கவும். பிறகு, அதில் சிறிது தயிர் கலந்து கொள்ளுங்கள்.
88
இப்படி தாளிக்கனும் சட்னிய
சட்னியைத் தாளிக்க, ஒரு பாத்திரத்தில் சிறிது எண்ணெய் விட்டு சூடாக்கவும். எண்ணெய் காய்ந்ததும் கடுகு, ஒரு காய்ந்த மிளகாய், மற்றும் கறிவேப்பிலை சேர்த்து தாளித்து, சட்னியில் கலக்கவும். இதை இட்லியுடன் பரிமாறவும்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
