Kitchen Hacks : லூசான மிக்ஸி ஜார் மூடியை வீட்டிலயே ஈசியா சரி பண்றது எப்படி?

Kitchen Hacks : லூசான உங்க மிக்ஸி ஜார் ரப்பர்னால ஒரே தொல்லையா இருக்கா? அரைக்கும்போது மூடி திறந்துக்குதா? கவலைப்படாதீங்க. ரிப்பேர் பண்ண கடைக்கெல்லாம் எடுத்துட்டு போக வேண்டாம். சில சிம்பிள் டிப்ஸ் வெச்சு வீட்டுலயே ஈசியா சரிபண்ணலாம்.

இந்த டிப்ஸை பயன்படுத்துங்க, புதுசு மாதிரி டைட் ஆகிடும்

நாம அடிக்கடி மசாலா அரைக்க மிக்சி இல்லாம ரொம்ப கஷ்டம். மசாலா அரைக்குறதுனால ஜார் மூடியும் லூசாகும். மிக்ஸியை ஆன் செய்ததும் உள்ளே இருக்கும் பொருட்கள் வெளியே சிதறும். இனி அந்த கவலை வேண்டாம். சில எளிய வழிமுறைகள் மூலம் இதை சரிசெய்யலாம்.

சூடான நீர் மற்றும் ஐஸ் பயன்பாடு

மூடி லூசாக முக்கிய காரணம் அதன் ரப்பர் கேஸ்கெட் விரிவடைவதுதான். இதை சரிசெய்ய, ரப்பரை கழற்றி கொதிக்கும் நீரில் சிறிது நேரம் போடவும். உடனே அதை எடுத்து, 5-10 நிமிடங்கள் ஐஸ் அல்லது குளிர்ந்த நீரில் வைக்கவும். திடீர் வெப்பநிலை மாற்றத்தால் ரப்பர் சுருங்கி, பழைய நிலைக்கு வந்துவிடும். மூடியும் டைட்டாகிவிடும்.

நேரம் குறைவாக இருந்தால்

உங்களுக்கு நேரம் குறைவாக இருந்து, உடனடியாக மிக்ஸியை பயன்படுத்த வேண்டும் என்றால், ஜார் மூடி பொருந்தும் இடத்தில் ஒன்று அல்லது இரண்டு தடிமனான ரப்பர் பேண்டுகளைச் சுற்றவும். அதன் பிறகு மூடியைப் போட்டால், ரப்பர் பேண்ட் கூடுதல் பிடிப்பைக் கொடுக்கும். இதனால் மிக்சி ஓடும்போது மூடி நகராது.

டைட்டாக பொருந்தும்

மூடியின் ரப்பர் ரிங்கை வெளியே எடுங்கள். ரப்பர் பொருந்தும் இடத்தில், ஹேர் பேண்ட், தடிமனான பருத்தி நூல் அல்லது செலோடேப்பை இரண்டு மூன்று முறை சுற்றவும். அதன் பிறகு ரப்பரை மீண்டும் மாட்டினால், அது ஜாரில் கச்சிதமாகப் பொருந்தி, மூடி டைட்டாகிவிடும்.