High Cholesterol: ஆண்களை விட பெண்களுக்கே அதிகமாக இந்தப் பிரச்சனை தாக்குவதால் அவர்கள் தங்கள் உடல் ஆரோக்கியத்தில் கூடுதல் கவனமாக இருத்தல் அவசியம்.
நாம் உண்ணும் உணவு மற்றும் வாழ்க்கைமுறை மாற்றம் தான் நமது ஆரோக்கியம் எப்படி இருக்க வேண்டும் என்பதை தீர்மானிக்கிறது. சமீப காலமாக கொலஸ்ட்ரால் பிரச்சனை அதிகரித்து காணப்படுகிறது. அதன் எதிரொலியாக ஹார்ட் அட்டாக் மற்றும் கார்டியாக் அரெஸ்ட் போன்ற பிரச்சனைகள் ஏற்படுகின்றன. இது ஆண்களை விட பெண்களுக்கு அதிக அளவில் பாதிப்பை உண்டு பண்ணுகிறது.
ஆம், மாதவிடாய் சுழற்சி நின்ற பெண்களுக்கு வயிற்றை விட காலில் அதிக கொழுப்பு இருப்பது ஒப்பீட்டளவில் இதயம் சார்ந்த பாதிப்புகள் ஏற்பட காரணமாக இருப்பதாக ஆராய்ச்சியின் முடிவில் தெரிய வந்துள்ளது.எனவே, 'ஆப்பிள் போன்ற உடலமைப்பை கொண்ட பெண்கள்' தொப்பையை குறைக்க வேண்டியது மிகவும் அவசியமானது என்று ஆராய்ச்சியாளர்கள் தெரிவிக்கின்றனர்.
யூரோபியன் ஹார்ட் ஜர்னல் சுமார் 18 முதல் 25 வயதிற்கு உட்பட்ட 2,600 பெண்களிடம் மேற்கொண்ட ஆய்வின் முடிவில், இடுப்பு , தொடையில் அதிகக் கொழுப்புக் கொண்ட பெண்களைக் காட்டிலும் வயிற்றில் அதாவது தொப்பை அதிகமாகக் கொண்ட பெண்களுக்குத்தான் அதிக அளவிலான இதயப் பிரச்சனை இருப்பது தெரிய வந்துள்ளது.
எனவே, ஒவ்வொரு பெண்ணும் உடல் எடையைக் கட்டுக்கோப்பாக வைத்துக் கொள்வதற்கு, உடற்பயிற்சி மற்றும் ஆரோக்கியமான உணவுப் பழக்கத்தை பின்பற்ற வேண்டியது அவசியம். அதேசமயம், முப்பது வயதைக் கடந்த பெண்களுக்கே அதிகமாக இந்தப் பிரச்சனை தாக்குவதால் அவர்கள் தங்கள் உடல் ஆரோக்கியத்தில் கூடுதல் கவனமாக இருத்தல் அவசியம் என்கின்றது ஆய்வு முடிவு.