ஃபிரிட்ஜில் உணவுகளை நீண்ட நாட்கள் வைப்பது அவற்றின் ஊட்டச்சத்தை அழித்து, நஞ்சாக மாற்றிவிடும். எனவே, கால அளவை அறிந்து ஆரோக்கியமாகப் பயன்படுத்துவது மிகவும் அவசியமாகும்.
இன்றைய அவசர உலகத்துல 'ஃபிரிட்ஜ்' இல்லாத வீடே இல்லைனு சொல்லலாம். மிச்சமான சாப்பாடு, காய்கறிகள், பால், பழங்கள்னு எதை எடுத்தாலும் "ஃபிரிட்ஜில் வை, அப்புறம் பாத்துக்கலாம்" என்ற மனநிலை நமக்கு வந்துடுச்சு. ஆனா, ஃபிரிட்ஜ்ங்கிறது உணவை எத்தனை நாட்கள் வேணாலும் கெடாம வச்சிருக்கப் போற மந்திரப் பெட்டி இல்லைங்க.!
நம்மள பல பேரு "ஃபிரிட்ஜில் தானே இருக்கு, எதுவும் ஆகாது"னு வாரக்கணக்குல உணவை வச்சு சாப்பிடுறோம். ஆனா, குறிப்பிட்ட நாட்களைத் தாண்டினா அந்த உணவுகள்ல பாக்டீரியா, பூஞ்சை காளான்கள் (Fungus) மற்றும் நச்சுப் பொருட்கள் உருவாகி, அதுவே ஒரு 'ஸ்லோ பாய்சனா' மாறிடும். இதைத்தான் 'ஃபுட் பாய்ஸனிங்' (Food Poisoning) அல்லது உணவு நச்சாக்கம்னு சொல்றாங்க. நாள் கணக்கை மறந்து ஃபிரிட்ஜ் உணவை சாப்பிட்டா, உயிருக்கே ஆபத்தாகிடும். எந்தெந்த உணவை எத்தனை நாள் தான் வைக்கணும்? எப்போ தூக்கி வீசணும்? இதோ ஒரு ஷாக்கிங் லிஸ்ட்.!
முட்டையை ஃபிரிட்ஜில் 3 முதல் 4 வாரங்கள் வரை தாராளமாக வைக்கலாம். ஆனா, ஒருமுறை முட்டையை உடைச்சு கிண்ணத்துல வச்சுட்டீங்கன்னா, அதை 1 அல்லது 2 நாட்களுக்குள்ள பயன்படுத்திடணும். பழைய முட்டைகள்ல 'சால்மோனெல்லா' தொற்று ஏற்படும் ஆபத்து மிக அதிகம்.
58
காய்கறிகள் மற்றும் பழங்கள்: பச்சையா இருந்தாலும் பாய்சன் ஆகும்.!
கீரை மற்றும் இலைக் காய்கறிகள் (2 – 3 நாட்கள்): கீரைகளை ரொம்ப நாள் வச்சா அது வாடிப் போறது மட்டுமில்லாம, அதுல 'நைட்ரேட்' அளவு ஆபத்தான முறையில அதிகரிக்கும். இது குறிப்பா குழந்தைகளுக்கு ரொம்பவே விஷம்.!
நறுக்கிய காய்கறிகள் (1 – 2 நாட்கள்): காய்கறிகளை வெட்டி வச்ச உடனே அதுல ஆக்சிஜனேற்றம் (Oxidation) ஆரம்பிச்சுடும். சத்துக்கள் அழியுறது மட்டுமில்லாம, பாக்டீரியாவும் குடியேறிடும்.
வெட்டிய பழங்கள் (1 நாள் மட்டுமே): தர்பூசணி, பப்பாளி போன்ற பழங்களை வெட்டி ஃபிரிட்ஜில் வச்சா, 24 மணி நேரத்துக்குள்ள சாப்பிட்டுடனும். இல்லைன்னா அது பாக்டீரியாக்களின் கூடாரமாக மாறிடும்.
முழு காய்கறிகள்: உருளைக்கிழங்கு, வெங்காயத்தை ஃபிரிட்ஜில் வைக்கவே கூடாது. மற்ற காய்கறிகளை 5-7 நாட்கள் வரை வைக்கலாம்.
68
நாள் கணக்கை மறந்தால் அவ்ளோதான்.! என்னென்ன நோய்கள் வரும்?
"பார்க்க நல்லாதான் இருக்கு, வாசனையும் வரலை"னு பழைய உணவை சாப்பிட்டா, உடம்புக்குள் நடக்கும் விபரீதங்கள் இதோ.
ஃபுட் பாய்ஸனிங்: கடுமையான வயிற்று வலி, நிற்காத வாந்தி, வயிற்றுப்போக்கு.
டைபாய்டு & காய்ச்சல்: 'சால்மோனெல்லா' பாக்டீரியாவால் காய்ச்சலும், உடல் நடுக்கமும் ஏற்படும்.
கர்ப்பிணிகளுக்கு ஆபத்து: 'லிஸ்டீரியா' (Listeria) என்கிற பாக்டீரியா தொற்று ஏற்பட்டால், கர்ப்பிணிப் பெண்களுக்கு கருச்சிதைவு ஏற்படும் அளவுக்கு ஆபத்து உண்டு.
சிறுநீரக பாதிப்பு: 'ஈ-கோலை' (E.coli) பாக்டீரியா நச்சு முற்றிப்போனால் சிறுநீரகமே செயலிழக்க வாய்ப்புள்ளது.
புற்றுநோய் அபாயம்: பூஞ்சை பிடித்த உணவுகளில் 'மைக்கோடாக்ஸின்' (Mycotoxin) என்ற விஷம் உருவாகும். இதைத் தொடர்ந்து சாப்பிட்டு வந்தால் நீண்ட காலத்தில் புற்றுநோய் வரலாம்.
முக்கிய குறிப்பு: ஆபத்தான பாக்டீரியாக்கள் உணவில் பெருகும்போது பல நேரங்களில் வாசனை, நிறம், சுவை எதுவுமே மாறாது. அதனால், "நல்லாத்தானே இருக்கு"னு வாசனை பார்த்து ஏமாந்துடாதீங்க.!
78
ஃபிரிட்ஜை 'ஹெல்தி'யாக கையாள சில டிப்ஸ்: தேதி குறியுங்கள்
ஃபிரிட்ஜில் வைக்கும் டப்பாக்களின் மேல் எந்த தேதி வச்சீங்கன்னு ஒரு ஸ்டிக்கர் ஒட்டி வைங்க. நாள் கணக்கு மறக்காது.
சூடாக வைக்காதீங்க: சமைத்த உணவை அப்படியே சூடோடு ஃபிரிட்ஜில் வைக்கக் கூடாது. நன்றாக ஆறிய பிறகே வைக்க வேண்டும்.
டெம்பரேச்சர் செக்: ஃபிரிட்ஜின் வெப்பநிலை எப்போதும் 4°C அல்லது அதற்குக் கீழ் இருக்க வேண்டும்.
மூடி வைங்க: எல்லா உணவுகளையும் தனித்தனி காற்றுப்புகாத (Air-tight) டப்பாக்கள்ல மூடி வைங்க.
சந்தேகமா இருந்தா தூக்கிப் போடுங்க: "இந்த சாப்பாடு நல்லா இருக்குமா, கெட்டுப்போயிருக்குமா?"னு லேசான சந்தேகம் வந்தா கூட, யோசிக்காம குப்பையில போடுங்க (When in doubt, throw it out). ஆரோக்கியத்தை விட உணவு முக்கியமில்லை.!
88
ஃபிரிட்ஜ் நமக்கு வரம் தான், ஆனா...!
ஃபிரிட்ஜ் நமக்கு வரம் தான், ஆனா அதை நாம முறையா பயன்படுத்தலைனா அதுவே நமக்கான எமனாக மாறிடும். "ஃபிரிட்ஜில் இருக்கிறதே" என்ற அலட்சியத்தை தூக்கிப் போட்டுட்டு, எந்த உணவை எத்தனை நாள் வைக்கணும்ங்கிற விழிப்புணர்வோடு செயல்படுவோம். ஆரோக்கியமான உணவை உண்போம், ஆபத்துகளைத் தவிர்ப்போம்.!
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
