சாப்பிட்ட உடன் சோடா குடிப்பது செரிமானத்திற்கு உதவுமா? அது நல்லதா? கெட்டதா?
உண்மையிலேயே சோடா குடித்தால் உணவு நன்றாக செரிமானம் ஆகுமா? சோடா குடிப்பாதால் ஏற்படும் பாதிப்புகள் என்ன என்று இந்த பதிவில் பார்க்கலாம்.
ஒட்டுமொத்த உடல் ஆரோக்கியத்தில் செரிமானம் முக்கிய பங்கு வகிக்கிறது. செரிமான பிரச்சனைகள் ஏற்பட்டால் அது பல மேலும் பிரச்சனைகளை ஏற்படுத்தும். வயிற்று வலி தொடங்கி ஆபத்தான நோய்களை கூட செரிமான பிரச்சனைகள் ஏற்படுத்தலாம். நாம் உணவு சாப்பிட்ட பிறகு 3 முதல் 4 மணி நேரத்திற்குள் அந்த உணவு செரிமானம் ஆகி விட வேண்டும். அப்போது தான் நம் ஆரோக்கியமாக இருக்கிறது என்று அர்த்தம்.
ஆனால் நாம் சாப்பிட்ட உணவு செரிமானம் ஆகவில்லை என்றால் வாயு பிரச்சனை, வயிறு வீக்கம் போன்ற பிரச்சனைகள் ஏற்படும். எனவே பலரும் சாப்பிட்ட பிறகு சோடா குடிப்பதை பழக்கமாக கொண்டுள்ளனர். சோடா செரிமானத்திற்கு உதவும் என்று பரவலாக நம்பப்படுகிறது. ஆனால் உண்மையிலேயே சோடா குடித்தால் உணவு நன்றாக செரிமானம் ஆகுமா? இதுகுறித்து இந்த பதிவில் பார்க்கலாம்.
சோடி குடிப்பதால் செரிமானத்திற்கு உதவுமா என்றால் இல்லை என்பதே பதில். சோடா என்பது முழுக்க முழுக்க வாயுக்களால் ஆன திரவம். எனவே அதை குடிக்கும் போது இரைப்பையில் அந்த வாயு வெளிப்பட்டு ஏப்பமாக வருகிறது. சாப்பிட்ட உடன் சோடா குடிக்கும் போது மட்டுமல்ல, எந்த நேரத்தில் சோடா குடித்தாலும் ஏப்பம் வரும். ஆனால் சாப்பிட்ட பின்னர் சோடா குடிக்கும் போது ஏப்பம் வருவதால் செரிமானம் ஆகிவிட்டது என்று எண்ணம் ஏற்படுகிறது.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.