முட்டை அதிகமா சாப்பிட்டா என்னென்ன பிரச்சனைகள் வரும் தெரியுமா?

Eggs Side Effects : முட்டை ஆரோக்கியத்திற்கு ரொம்பவே நல்லது தான். ஆனால், அதை அளவாக சாப்பிடவில்லை என்றால் பல சிக்கல்களை உண்டாக்கும் தெரியுமா?  

முட்டை நம்முடைய உடல் ஆரோக்கியத்திற்கு ரொம்பவே நல்லது என்று நாம் அனைவரும் அறிந்ததே. கூடுதலாக இதில் புரதமும் நிறைந்துள்ளது. இதனால்தான் பலர் தங்களது காலை உணவில் இதை சேர்த்துக் கொள்கிறார்கள். முட்டையில் ஊட்டச்சத்துக்கள் இருந்தாலும், அவை ஆரோக்கியத்திற்கு நல்லது என்றாலும், அதிக முட்டைகளை சாப்பிடுவது ஆரோக்கியத்திற்கு தீங்கு விளைவிக்கும் தெரியுமா..? அளவுக்கு அதிகமாக முட்டை சாப்பிட்டால் உடலுக்கு எந்த மாதிரியான தீங்கு விளைவிக்கும் என்பதை குறித்து கீழே கொடுக்கப்பட்டுள்ளன. அவற்றைப் படித்து அறிந்து கொள்ளுங்கள்.

இதையும் படிங்க:  Health Tips : நீங்கள் ஒரு மாதம் முட்டை சாப்பிடவில்லை எனில் உடலில் என்னென்ன மாற்றங்கள் நடக்கும்?

அதிக முட்டை சாப்பிட்டால் உடலுக்கு ஏற்படும் பக்கவிளைவுகள் :

முட்டை ஆரோக்கியமானது என்றாலும், அதை அதிகமாக சாப்பிட்டால் சிலருக்கு வயிற்று வலி போன்ற செரிமான பிரச்சனைகளை உண்டாக்கும். அதுமட்டுமின்றி, அஜீரணம், வாயு தொல்லை, வயிற்று உப்புசம் போன்ற பிரச்சினைகளும் வரும். இது தவிர, வயிற்றுப்போக்கு, எரிச்சல் போன்றவையும் ஏற்படும். இதனால் குடல் பிரச்சனைகளையும் சந்திக்க நேரிடும். அதிலும் குறிப்பாக, அதிக கொழுப்புள்ள உணவுகளுடன் முட்டையும் சேர்ந்து சாப்பிட்டால், கண்டிப்பாக மலச்சிக்கல் ஏற்பட வாய்ப்பு அதிகம் உள்ளது.

பொதுவான ஒவ்வாமை ஏற்படுத்தும் உணவுகளில் ஒன்று முட்டை. நீங்கள் முட்டை சாப்பிடுட்ட பிறகு எரிச்சல், தோல் அலர்ஜி, சொறி, சுவாசிப்பதில் சிரமம், கண்கள் சிவத்தல், நீர் வழிதல், தலை சுற்றல், மார்பு இறுக்கம் இதுபோன்ற அறிகுறிகளை சந்தித்தால் உடனே மருத்துவரை சந்தித்து, அதற்கான சிகிச்சையை எடுத்துக் கொள்ளுங்கள். முக்கியமாக இது போன்று அதிகரிகளில் சந்தித்தால் கண்டிப்பாக முட்டை சாப்பிடுவதை தவிர்க்க வேண்டும்.

குமட்டல், வாந்தி, வயிற்றுப்போக்கு, வயிற்று வலி போன்ற பிரச்சனைகளை நீங்கள் சந்தித்தால், காரணம் சால்மோனெல்லா நோய் தொற்று. அதாவது நீங்கள் முட்டையை பச்சையாகவோ அல்லது குறைவாக வேக வைத்து சாப்பிட்டால் தான் இது போன்ற அறிகுறிகள் உங்களுக்கு தென்படும். இந்த நோய் தொற்றானது கோழிகள் மூலம் முட்டைக்கு பரவுகிறது. இது பொதுவானது தான் எனவே இது போன்ற அபாயத்தை தவிர்க்க, நீங்கள் சாப்பிடும் முட்டை நன்றாக வேக வைத்ததா என்பதை உறுதிப்படுத்திக் கொள்ளுங்கள்.

முட்டையில் இருக்கும் டயர் கறி கொலஸ்ட்ரால் சிலருக்கு உயர்த்த கொழுப்பின் அளவை ஏற்படுத்தும். முக்கியமாக இந்த கொலஸ்ட்ரால் மஞ்சள் கருவில் தான் உள்ளது. எனவே, அதிக அளவு கொலஸ்ட்ரால் உள்ளவர்கள், தினமும் அதிக அளவு முட்டை சாப்பிடுவது தவிர்க்கவும். அதுபோல, உங்களுக்கு இதய நோய் அபாயம் இல்லை என்றால், நீங்கள் முட்டையை அளவோடு சாப்பிடலாம்.

இதையும் படிங்க:  இதனால தான் முட்டை ஒரு சூப்பர் ஃபுட்.. ஏன்னா அவ்வளவு நன்மைகள் இருக்கு..

முட்டை சத்தான உணவாக இருந்தாலும், இதில் பயோட்டின் உள்ளது. இது இன்சுலின் உற்பத்தி செய்யும். எனவே, முட்டையை அளவோடு சாப்பிட்ட ரத்த சர்க்கரை அளவை சுலபமாக கட்டுப்படுத்தலாம். அதுவே, நீங்கள் அளவுக்கு அதிகமாக சாப்பிட்டால் கண்டிப்பாக சர்க்கரை நோய் வரும்.

வாரத்திற்கு எத்தனை முட்டை சாப்பிட வேண்டும்?:

நீங்கள் வாரத்திற்கு எத்தனை முட்டை சாப்பிட வேண்டும் என்பது உங்களது ஆரோக்கியத்தை பொறுத்துதான் அமையும். அதாவது, நீங்கள் உடல் ஆரோக்கியமான நபராக இருந்தால் வாரத்தின் 7 நாளும் சாப்பிட்டால் எந்த ஆபத்தும் இல்லை. 

ஒருவேளை உங்களுக்கு கொலஸ்ட்ரால் பிரச்சனை இருந்தால் வாரத்திற்கு 2-3 முட்டைகளை சாப்பிடலாம். 

இதய பிரச்சினை உள்ளவர்கள் வாரத்திற்கு மூன்று அல்லது நான்கு முட்டைகளை சாப்பிடலாம்.

சர்க்கரை நோய் உள்ளவர்கள் வாரத்திற்கு ஐந்து முட்டைகளை சாப்பிடலாம்.

இது தவிர, உங்களுக்கு வேறு ஏதேனும் அடிப்படை நோய்கள் இருந்தால் மருத்துவரிடம் ஆலோசனை பெற்ற பிறகு முட்டை சாப்பிடுங்கள். அப்போதுதான் சிக்கலை தவிர்க்க முடியும்.