சமையலுக்கு எண்ணெய் ரொம்ப முக்கியம் தான். ஆனா, அளவுக்கு அதிகமா எண்ணெய் யூஸ் பண்றது உடம்புக்கு நல்லது இல்ல. கொலஸ்ட்ரால், ஹார்ட் பிளாக்னு பல பிரச்னைகளுக்கு இதுதான் காரணம். உங்க சமையல்ல எண்ணெய் பயன்பாட்டைக் குறைக்க சூப்பரான 7 டிப்ஸ் இதோ...
சமையலில் எண்ணெய் பயன்பாட்டைக் குறைக்க நான்-ஸ்டிக் பாத்திரங்கள் ஒரு சூப்பர் வழி. நல்ல தரமான நான்-ஸ்டிக் பாத்திரத்தில், வெறும் 1 ஸ்பூன் எண்ணெயிலேயே சுவையான சாப்பாடு செஞ்சிடலாம். சாதாரண பாத்திரங்களை விட இது கொஞ்சம் காஸ்ட்லிதான், ஆனால் உங்கள் ஆரோக்கியத்திற்கு ரொம்ப நல்லது.
27
ஸ்பூன் வைத்து அளந்து ஊற்றுங்கள்.!
நிறைய பேர் சமைக்கும்போது, பாட்டிலில் இருந்து நேரடியாக எண்ணெயை ஊற்றுவார்கள். இதில் அளவு தெரியாமல் எண்ணெய் அதிகமாகிட வாய்ப்புள்ளது. அதனால், இனிமேல் ஸ்பூன் வைத்து அளந்து ஊற்றுங்கள். சரியான அளவு, சரியான ஆரோக்கியம்.
37
மாறுபட்ட யோசனை நல்ல பலனை தரும்
ஒரு பொருளை டீப்-ஃப்ரை செய்யும்போது நிறைய எண்ணெய் தேவைப்படும். அதற்குப் பதிலாக, நீங்கள் பேன்-ஃப்ரை அல்லது ஷாலோ-ஃப்ரை முறையைத் தேர்ந்தெடுக்கலாம். உதாரணமாக, பன்னீரை எண்ணெயில் மூழ்கிப் பொரிப்பதற்குப் பதிலாக, தோசைக்கல்லில் கொஞ்சமாக எண்ணெய் விட்டு வறுக்கலாம்.
சமைக்கும்போது பாத்திரத்தை மூடி வைத்து சமைத்தால், எண்ணெய் பயன்பாடு குறையும். ஏனென்றால், மூடி போடும்போது உருவாகும் ஈரப்பதத்திலேயே உணவு சீக்கிரமாக வெந்துவிடும். குறைவான எண்ணெயில் சமைத்தாலும் பாத்திரத்தில் ஒட்டாது.
57
ஆற்றலை தரும் ஆவியில் சமைக்கும் உணவுகள்
ஆவியில் வேகவைப்பது உடலுக்கு ரொம்பவே நல்லது. இது எண்ணெய் பயன்பாட்டை கணிசமாகக் குறைக்கும். காய்கறிகளை சமைப்பதற்கு முன்பு, சுடுதண்ணீரில் லேசாக வேகவைக்கலாம் அல்லது பிரஷர் குக்கரில் சமைக்கலாம். இதனால் எண்ணெய் தேவை குறையும்.
67
எண்ணெய் பயன்பாடு மிகவும் குறைவாக இருக்கும்
பேக்கிங் முறையில் மிகக் குறைவான எண்ணெய்தான் தேவைப்படும். கடினமான காய்கறிகளை பேக் செய்வதற்கு முன்பு, அவற்றை வேக வைத்துக்கொள்ளலாம். சிக்கன் அல்லது மட்டனை மாரினேட் செய்து, கொஞ்சமாக எண்ணெய் தடவி ஓவனில் பேக் செய்தால், எண்ணெய் பயன்பாடு மிகவும் குறைவாக இருக்கும்.
77
இரண்டே சொட்டு எண்ணெயில் பொரிக்கலாம்
இந்த டெக்னாலஜி காலத்தில், ஏர் ஃபிரையர் ஒரு வரப்பிரசாதம் என்றே சொல்லலாம். இதில் மிகக் குறைவான எண்ணெயிலேயே பொரித்த உணவுகளைச் செய்யலாம். நீங்கள் ஒரு நல்ல கிச்சன் சாதனம் வாங்க வேண்டும் என்று நினைத்தால், ஏர் ஃபிரையர் ஒரு பெஸ்ட் சாய்ஸ். இது 5,000-லிருந்து 10,000 ரூபாய் விலையில் கிடைக்கும். இதில் சமோசா, பஜ்ஜியில் இருந்து சிக்கன், பன்னீர் வரைக்கும் இரண்டே சொட்டு எண்ணெயில் பொரிக்கலாம்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
