Chicken Cleaning Tips: சிக்கனில் வரும் கவுச்சி வாடையை 5 நிமிடத்தில் போக்கலாம்! இந்த 5 டிப்ஸை ட்ரை பண்ணுங்க!

Kitchen Hacks: சிக்கன் சமைக்கிறதுக்கு முன்னாடி, அதை நல்லா சுத்தம் பண்றது ரொம்ப முக்கியம். இல்லைனா, அந்த கவுச்சி வாடை மொத்த சாப்பாட்டோட சுவையையும் கெடுத்துடும். சிக்கனை ஈஸியா சுத்தம் செய்ய 5 சூப்பர் டிப்ஸ் இதோ...

வழவழப்புத்தன்மையும் அழுக்கும் எளிதாக நீங்கிவிடும்

கடையிலிருந்து சிக்கன் வாங்கி வந்ததும், அதை ஒரு பெரிய பாத்திரத்தில் போடுங்கள். அதில் 1-2 ஸ்பூன் உப்பு சேர்த்து, சுத்தமான கைகளால் சிக்கன் முழுவதும் படும்படி நன்கு தேய்க்கவும். இப்படிச் செய்தால், சிக்கனில் உள்ள வழவழப்புத்தன்மையும் அழுக்கும் எளிதாக நீங்கிவிடும்.

ஒரு ஸ்பூன் எலுமிச்சை சாறு

சிக்கனின் கவுச்சி வாடையை நீக்க, ஒரு ஸ்பூன் எலுமிச்சை சாறு அல்லது ஒரு ஸ்பூன் வினிகரை பயன்படுத்தலாம். இதை சிக்கனில் ஊற்றி 5 நிமிடங்கள் அப்படியே விட்டுவிடுங்கள். பிறகு, மெதுவாக கைகளால் தேய்த்து தண்ணீரில் கழுவினால், வாடை முற்றிலும் போய்விடும்.

கோதுமை மாவு ரகசியம்

ஆமாம், கோதுமை மாவை வைத்தும் சிக்கனை சுத்தம் செய்யலாம் என்பது பலருக்கும் தெரியாது. சிறிதளவு கோதுமை மாவை சிக்கன் மீது தூவி நன்றாக தேய்த்து, பிறகு தண்ணீரில் கழுவுங்கள். இதனால் சிக்கன் மிகவும் சுத்தமாகவும் ஃப்ரெஷ்ஷாகவும் ஆகிவிடும்.

ஆரோக்கியத்தை கொடுக்கும் மஞ்சள் தூள்

ஒரு பெரிய பாத்திரத்தில் தண்ணீர் எடுத்துக்கொள்ளுங்கள். அதில் அரை ஸ்பூன் மஞ்சள் தூள் கலந்து, சிக்கனை 5 முதல் 7 நிமிடங்கள் வரை ஊற வைக்கவும். பிறகு, மெதுவாக கைகளால் தேய்த்துவிட்டு, சாதாரண தண்ணீரில் கழுவவும். இது சிக்கனில் உள்ள பாக்டீரியாக்களை அழித்து, சிக்கனை சுத்தமாகவும் சுகாதாரமாகவும் மாற்றுகிறது.

ஓடுகிற தண்ணியில

சிக்கனை கடைசியாகக் கழுவும்போது, குழாயிலிருந்து வரும் ஓடும் நீரில் (running water) நன்கு கழுவ வேண்டும். இதனால், அதில் ஒட்டியிருக்கும் உப்பு, மஞ்சள், எலுமிச்சை துகள்கள் அனைத்தும் நீங்கிவிடும். சிக்கன் ஃப்ரெஷ்ஷாகவும், மென்மையாகவும் மாறும். கவுச்சி வாடையும் வராது.