Lemon Tea : தினமும் லெமன் டீ குடித்தால் பிரச்சனைகள் வருமா?

தினமும் லெமன் டீ குடிப்பதால் என்னென்ன பிரச்சனைகள் வரக்கூடும் என்பதை குறித்து இந்த பதிவில் காணலாம்.

லெமன் டீ

உலகம் முழுவதும் பெரும்பாலானோர் விரும்பி குடிக்கும் பானம் டீ. அது அனைவருக்கும் தெரிந்த ஒன்றுதான். டீ குடிக்கவில்லை என்றால் சிலருக்கு வேலையே செய்யத் தோன்றாது. கொஞ்சம் பதட்டமாகவே இருப்பார்கள். இப்படி இருக்கும் பட்சத்தில் சிலர் லெமன் டீ குடிப்பதை தினசரி பழக்கமாகவே வைத்துள்ளனர். லெமன் டீயில் ஆன்டி-ஆக்ஸிடன்ட்கள் நிறைந்துள்ளதால் நம்மில் பலரும் எடை இழப்புக்காக இதை குடிக்க விரும்புகிறார்கள். ஒரு கப் லெமன் டீ ஆரோக்கியத்திற்கு நல்லது என்றாலும், அது தினமும் குடிப்பது உடலில் சில பிரச்சினைகள் வருவதற்கு வழிவகுக்கும் தெரியுமா? அது என்ன என்பது குறித்து இந்த பதிவில் விரிவாக காணலாம்.

லெமன் டீ ஏன் ஆபத்து?

எலுமிச்சை பழம் தேநீரில் இயற்கையாகவே இயற்கையாகவே அமலத்தன்மை உள்ளன. இவை இரண்டும் ஒன்றாக சேர்ந்தால் அமிலத்தன்மை அதிகரிக்கும் அதிகப்படியான அமிலத்தன்மை நம்முடைய ஆரோக்கியத்திற்கு மோசமான விளைவை ஏற்படுத்தும். சரி இப்போது தினமும் லெமன் டீ குடிப்பதால் ஏற்படும் பக்க விளைவுகள் என்ன என்பது குறித்து பார்க்கலாம்.

1. செரிமான பிரச்சனைகள் அதிகரிக்கும் :

லெமன் டீயில் அமிலத்தின் அளவு அதிகமாக இருப்பதால் இது உடலில் செரிமான செயல் முறையை மெதுவாக்குவது மட்டுமல்லாமல் நெஞ்செரிச்சல், வீக்கம், மலச்சிக்கல், அமில ரிஃப்ளக்ஸ் போன்ற பிரச்சனைகளையும் தூண்டும்.

2. நீரிழப்பு ஏற்படும் :

லெமன் டீ யில் அமிலத்தின் அளவு அதிகமாக இருப்பதால் அது உடலின் அமிலத்தின் அளவை அதிகரித்து வளர்ச்சிதை மாற்றத்தை மோசமாக பாதிக்கும். அதுமட்டுமின்றி நீரிழப்பையும் ஏற்படுத்தும். இதனால் உடலில் பல்வேறு பிரச்சனைகள் வரும்.

3. பல் ஆரோக்கியம் பாதிக்கப்படும் :

எலுமிச்சையில் இருக்கும் அமிலத்தின் அளவு பற்களின் பற்சிப்பியை மோசமாக பாதிக்கும். அமிலத்தின் அளவு அதிகரிப்பின் காரணமாக பல் அரிப்பு ஏற்பட்டு, விரைவில் பல் உடைந்து விடும்.

பிற பிரச்சினைகள் :

- தேனீரில் டானின்கள். எனவே வெறும் வயிற்றில் லெமன் டீ குடித்தால் இரும்பு சத்து மற்றும் பிற ஊட்டச்சத்துக்கள் உறிஞ்சுவதில் தலையிடும்.

- தேனீரில் காஃபின் உள்ளதால் அதனுடன் எலுமிச்சை சேர்த்து குடிக்கும் போது சிலருக்கு பதட்டம், நடுக்கம் மற்றும் தூக்குமின்மையை ஏற்படுத்தும்.

- லெமன் டீயின் டையூரிக் விளைவு அடிக்கடி சிறுநீர் கழிக்க தூண்டும். இதனால் நீரிழுப்பு ஏற்பட வாய்ப்பு உள்ளன.

- வெறும் வயிற்றில் லெமன் டீ குடித்தால் சிலருக்கு வயிற்று வலி அல்லது அசெளகரியத்தை ஏற்படுத்தும்.

நிபுணர்கள் என்ன சொல்கிறார்கள்?

நிபுணர்களின் கூற்றுப்படி எலுமிச்சையில் இருக்கும் ஆக்சலேட்டுகள் சிறுநீர் கற்களை உருவாக்கும். அதே நேரத்தில் காஃபின் தூக்கமின்மை, பதட்டம் மற்றும் அதிகப்படியான இதயத் துடிப்பிற்கு வழிவகுக்கும். எலுமிச்சையில் இருக்கும் வைட்டமின் சி கால்சியம் உறிஞ்சுதலை தடுக்கும். இதனால் எலும்பு பலவீனமடையும்.

ஒரு நாளைக்கு எவ்வளவு குடிக்கலாம்?

நிபுணர்களின் கூற்றுப்படி, ஒரு நாளைக்கு ஒன்று அல்லது இரண்டு கப்புக்கு மேல் குடிக்க வேண்டாம். சிலர் லெமன் டீ யை மாலை அல்லது இரவு நேரத்தில் குடிக்க விரும்புவார்கள் ஆனால் அது நல்லதல்ல. ஏனெனில் அது தூக்கத்தை பாதிக்கும்.