ஒரு வாரம் தொடர்ந்து திரிகோணாசனம் செய்வதன் மூலம், கொழுப்பு கரைந்து,பருமனான உடல் தோற்றம் மாறும். மேலும் இதை தினமும் செய்ய செய்ய உங்கள் விருப்படி உடலை கட்டுக்கோப்பாக வைத்துக் கொள்ள முடியும்.இதனை எப்படி செய்வது என்று இந்த பதிவில் பார்க்கலாம்.
நவீன மற்றும் இயந்திர வாழ்வியல் முறையாலும், துரித உணவுகளாலும், தற்போது பள்ளி செல்லும் குழந்தைகள் முதல் பெரியவர்கள் வரை பலரும் மிகுந்த உடல் எடையால் அவதிப்படுகிறார்கள். அதில் பலரும் பல்வேறு விதமான முயற்சிகள் செய்தும் உடல் எடை குறைந்த பாடில்லை என்று மிகவும் வருத்தப்படுவதை நாம் பார்த்து வருகிறோம்.
உடல் எடையை குறைக்க, முதலில் உடலில் இருக்கும் கொழுப்பினை கரைத்தாலே போதும். உண்ணும் உணவில் சில மாற்றத்துடன் ,உடற்பயிற்சி, நடை பயிற்சி மற்றும் யோகா மூலமாக நாம் நமது உடல் எடையை குறைக்க முடியும். யோகா என்று சொல்லப்படும் பொழுது பல்வேறு விதமான ஆசனங்கள் உள்ளன. உடலில் இருக்கும் கொழுப்பை கரைத்து உடல் எடையை குறைக்க உதவும் ஒரு ஆசனத்தை தான் இன்றைய பதிவில் பார்க்க உள்ளோம்.
இந்த ஆசனத்தை செய்து வர 1 வாரத்திலியே உங்கள் எடையில் மாற்றம் உண்டாகும். உடல் எடையை குறைக்க இந்த திரிகோணாசனத்தை மட்டும் செய்தால் போதும். இதனை தினமும் செய்யும் போது உடல் எடை குறைவதோடு, பல்வேறு பிரச்சனைகளில் இருந்தும் நம்மால் விடுபட முடியும்
ஒரு வாரம் தொடர்ந்து திரிகோணாசனம் செய்வதன் மூலம், கொழுப்பு கரைந்து,பருமனான உடல் தோற்றம் மாறும். மேலும் இதை தினமும் செய்ய செய்ய உங்கள் விருப்படி உடலை கட்டுக்கோப்பாக வைத்துக் கொள்ள முடியும்.
ஸ்டெப் 1:
திரிகோணாசனம் செய்வதற்கு முதலில் நாம் இரு கால்களையும் பிரித்து நேராக நிற்க வேண்டும். இப்போது 2 கால்களிலும் உங்கள் உடல் எடை சமமாக இருத்தல் வேண்டும்.
ஸ்டெப் 2:
அடுத்தாக இடக் கையை மெதுவாக மேலே உயர்த்தி, வலக் கையால் கால்களை தொட வேண்டும். 2 கைகளும் நேர்கோட்டில் வருமாறு மெதுவாக தரையில்இறக்க வேண்டும்.
ஸ்டெப் 3:
பின் மறுபுறத்தில் இருந்து அதே போன்று செய்து இடக் கையை கீழே எடுத்து, வலக் கையை மேலே எடுக்க வேண்டும். இவ்வாறு முதல் இரண்டு நாட்களுக்கு 25-50 முறை செய்ய ஆரம்பித்து பின் தினமும் 100 முறை வரை செய்து வரலாம்
சர்க்கரை வியாதி பயமா? இந்த 5 வழிகள் மட்டும் போதும்.. நோய் உங்க கிட்டவே நெருங்காது!
திரிகோணாசனத்தை செய்வதால், ஒரு வாரத்திலேயே உடல் எடையில் மாற்றத்தை காண முடியும். விரைவாக உடல் எடையை குறைக்க விருப்புவோர், முதலில் இனிப்புகள் மற்றும் பொறித்த உணவுகளை அறவே தவிர்க்க வேண்டும். இந்த உணவுகளை சாப்பிடுவதன் மூலம் மேற்கொண்டு உடலில் கொழுப்பானது சேரும். இதனை செய்வதால் உடல் எடை குறைவதோடு அல்லாமல் பல்வேறு நன்மைகளையும் தருகிறது.
இந்த ஆசனத்தை தினமும் செய்வதால் கிடைக்கும் பலன்கள் :
மூட்டு வலி க்கு நல்ல நிவாரணம்
செரிமான பிரச்சனைகளை சரி செய்யும்
சர்க்கரை நோய் கட்டுப்படும்.
சருமத்திற்கு நன்மை தரும்.
மனத்தூய்மை மற்றும் மனம் பலம் பெரும்.
சேனலை கிளிக் செய்து பின்தொடரவும்