பொதுவாக பழங்கள் என்றாலே பலருக்கும் பிடித்தமான ஒரு உணவு வகை தான், குறிப்பாக இயற்கையாக விளைவிக்கப்படும் அனைத்து பழங்களிலும் ஏதோ ஒரு அருமருந்து ஒளிந்து இருக்கிறது. நாம் உண்ணும் உணவில் அதிக அளவில் பழங்களை எடுத்துக் கொண்டால், அது நமக்கு மிகப்பெரிய பலன்களை தரும். அந்த வகையில் நம் இதயத்திற்கு உகந்த சில பழங்கள் குறித்து இந்த பதிவில் காணலாம்.
ஒரு நாளைக்கு ஒரு ஆப்பிள்.. உங்களை மருத்துவரிடம் இருந்து வெகு தொலைவில் வைக்கும். என்ற வாக்கியத்தை சிறு வயது முதலிலேயே நாம் கேட்டு வந்திருப்போம். அது முற்றிலும் உண்மை தான், ஆப்பிள்களில் பெரிய அளவில் நார் சத்து இருக்கிறது அது மட்டும் இல்லாமல் பல பழங்களில் இருக்கக்கூடிய நமது எதிர்ப்பு சக்தியை அதிகரிக்க கூடிய Flavonoids ஆப்பிள்களில் அதிகம் உள்ளது. அதேபோல ஆப்பிள்களை அதிகம் உண்ணாத மக்களை விட, அதை அதிகம் உண்ணும் மக்களிடம் மிக குறைந்த அளவிலான ரத்த அழுத்தமே காணப்படுகிறது என்கிறது ஆய்வுகளின் முடிவுகள்.
வாழைப்பழங்கள்.. நம்மால் எளிதில் வாங்கி உண்ணக்கூடிய ஒரு சிறந்த பழம் என்றால் அது வாழைப்பழம். ஒவ்வொரு ரக வாழைப்பழத்திலும், பலநூறு சத்துக்கள் இருக்கிறது. குறிப்பாக வைட்டமின் பி6 மற்றும் சி வாழைப்பழத்தில் அதிகம் இருக்கிறது. இதில் பைபர், பொட்டாசியம் மற்றும் மெக்னீசியமும் இருப்பதினால் உங்கள் இரத்த அழுத்தத்தை சீராக வைத்திருக்கிற பெருமளவு உதவுகிறது. உங்கள் இதயத்தையும் வெகுவாக பாதுகாக்கிறது.
ஆரஞ்சு பழங்களில் சிட்ரஸ் அதிகம் உள்ளதை நாம் அறிவோம். ஆப்பிளை போலவே இதிலும் அதிக அளவில் flavonoids உள்ளது. வாழைப்பழத்தை போல இதிலும் அதிக அளவிலான பொட்டாசியம் மற்றும் நார் சத்துக்கள் அடங்கியிருக்கிறது. அதேபோல ஆரஞ்சு பழங்களை உண்ணும் பொழுது மிகவும் பழுத்த பழங்களை உண்பதை விட. காயிலிருந்து கனியாக மாறி வெகு சில நாட்கள் ஆனா ஆரஞ்சு பழங்களை எடுத்துக் கொள்வது இன்னும் நல்லது என்று பல ஆய்வுகள் கூறுகிறது.
பீச் பழங்கள்.. இதில் விட்டமின் சி இ மற்றும் கே உள்ளிட்டவை நிரம்பி இருக்கிறது. இதிலும் நார் சத்துக்களும் பொட்டாசியம் அதிகம் உள்ள நிலையில் இதை உண்ணாதவர்களை காட்டிலும் அதிகம் உண்பவர்களிடம் ரத்த அழுத்தத்திற்கான அளவு மிக குறைந்தே காணப்படுகிறது.
எச்சரிக்கை.. இந்த அன்றாட உணவுகள், புற்றுநோய் உள்ளிட்ட கொடிய நோய்களை ஏற்படுத்துமாம்..
சேனலை கிளிக் செய்து பின்தொடரவும்