சமீபத்தில் 'குடல் ஆரோக்கியம்', 'புரோபயாடிக்குகள்' பற்றிய பேச்சுகள் அதிகரித்துள்ளன. விளம்பரங்களில் இவை ஒரு மாயாஜால மருந்தாகக் காட்டப்பட்டாலும், புரோபயாடிக்குகள் உண்மையில் அனைவருக்கும் ஒரே மாதிரியான நன்மைகளைத் தருமா என்ற கேள்வி எழுகிறது.
மருந்துக் கடைகளுக்குச் சென்றால், புரோபயாடிக்ஸ் என்பது செரிமானப் பிரச்சனை உள்ள அனைவருக்கும் ஒரே மாதிரியான தீர்வு என்பது போல விளம்பரப்படுத்தப்படுகிறது. ஆனால் உண்மை அதுவல்ல. ஒவ்வொரு மனிதனின் உடலிலும் உள்ள குடல் நுண்ணுயிரிகளின் (Gut Microbiome) அமைப்பு முற்றிலும் தனித்துவமானது. ஒருவருக்கு நன்றாக வேலை செய்யும் புரோபயாடிக், இன்னொருவருக்கு எந்தப் பயனும் தராமல் போகலாம். எனவே, எல்லாரும் ஒரே மாதிரியான புரோபயாடிக் மாத்திரைகளை எடுப்பது சரியான தீர்வல்ல.
25
செரிமானப் பிரச்சனைகளுக்கு உணவு மட்டும்தான் காரணம் :
நாம் சாப்பிடும் உணவு செரிமானத்தை பாதிக்கும் என்பது உண்மைதான், ஆனால் அது மட்டுமே காரணம் கிடையாது. பலர் தங்களுக்கு அஜீரணம் ஏற்படும் போது உணவை மட்டுமே குறை கூறிக்கொண்டிருக்கிறார்கள். ஆனால், அளவுக்கு அதிகமான மன அழுத்தம் (Stress), போதிய தூக்கமின்மை, உடற்பயிற்சி செய்யாதது மற்றும் சில ஆங்கில மருந்துகள் கூட குடலில் உள்ள நல்ல பாக்டீரியாக்களின் சமநிலையைக் குலைத்து செரிமானப் பிரச்சனையை ஏற்படுத்தலாம்.
35
அறிகுறிகள் இல்லை என்றால் குடல் ஆரோக்கியமாக இருக்கிறது ;
வயிற்று வலி, நெஞ்செரிச்சல், அல்லது அஜீரணம் போன்ற எந்தவொரு வெளிப்படையான அறிகுறியும் இல்லை என்பதால் நம் குடல் மிகவும் ஆரோக்கியமாக இருக்கிறது என்று அர்த்தம் கொள்ள முடியாது. பல நேரங்களில் குடல் நுண்ணுயிரிகளில் ஏற்படும் மாற்றங்கள் மற்றும் பாதிப்புகள் வெளியே எந்த அறிகுறியும் காட்டாமல், உடலுக்குள் மெதுவாகத்தான் தொடங்கும். எதிர்காலத்தில் வரவிருக்கும் பெரிய உடல்நலப் பாதிப்புகளை குடல் பாக்டீரியாக்களின் மாறுபாட்டை வைத்தே முன்கூட்டியே கணிக்க முடியும் என்று ஆராய்ச்சியாளர்கள் கூறுகின்றனர்.
பொதுவாக பாக்டீரியா என்றாலே நோய்களை உண்டாக்குபவை, அவற்றை உடலில் இருந்து முழுமையாக அழிக்க வேண்டும் என்று பலர் நினைக்கிறார்கள். ஆனால், நம் குடல் சரியாகச் செயல்பட "நல்ல பாக்டீரியாக்கள்" (Good Bacteria) மிகவும் அவசியம். நாம் உண்ணும் உணவை ஜீரணிக்கவும், சத்துக்களை உடல் உறிஞ்சுவதற்கும், நோய் எதிர்ப்புச் சக்தியை முறைப்படுத்தவும் இந்த பாக்டீரியாக்கள் உதவுகின்றன. எனவே, பாக்டீரியாக்களை அழிப்பது நோக்கமல்ல, நல்ல பாக்டீரியாக்களைப் பெருக்குவதே முக்கியம்.
55
குடலில் பாக்டீரியாக்கள் மட்டும்தான் வாழ்கின்றன :
"குடல் நுண்ணுயிரி" என்று சொன்னதும் பலரும் பாக்டீரியாக்களைப் பற்றி மட்டும்தான் நினைக்கிறார்கள். ஆனால், நம் குடலில் பாக்டீரியாக்கள் மட்டுமின்றி பூஞ்சைகள் (Fungi) மற்றும் வைரஸ்களும் (Viruses) வாழ்கின்றன. இவை அனைத்தும் ஒன்றுக்கொன்று இணக்கமாகச் செயல்பட்டுதான் நம் உடலின் ஒட்டுமொத்த ஆரோக்கியத்தைப் பாதுகாக்கின்றன. இந்தச் சமநிலையில் மாற்றம் ஏற்படும் போதுதான் நோய்கள் ஏற்படுகின்றன.
