Milk and Cholesterol : பால் குடித்தால் கொலஸ்ட்ரால் அதிகமாகுமா? பலர் அறியா முக்கிய விஷயம்

அதிக கொலஸ்ட்ரால் உள்ளவர்கள் பால் குடிக்கலாமா? அப்படி குடித்தால் என்ன ஆகும்? என்பது குறித்து இந்த பதிவில் தெரிந்து கொள்ளலாம்.

Can Drinking Milk Raise Cholesterol Levels?

உங்களது உடலில் அதிக கொலஸ்ட்ரால் இருந்தால் உயர் இரத்த அழுத்தம், மாரடைப்பு, பக்கவாதம் போன்ற உடல்நல பிரச்சனைகள் ஏற்படும் அபாயம் அதிகரிக்கும். எனவே இவற்றை தவிர்க்க, கொழுப்பின் அளவை கட்டுக்குள் வைக்க, முதலில் உங்களது உணவு பழக்கத்தில் உடனடியாக மாற்றங்களை செய்வதுதான் நல்லது.

மேலும் கொலஸ்ட்ரால் பிரச்சினையை குறித்த பல கட்டுக்கதைகள் உள்ளது. அதாவது கொலஸ்ட்ரால் உடலில் அதிகமாக இருந்தால் பால் சம்பந்தப்பட்ட பொருட்களிலிருந்து விலகி இருக்க வேண்டும் என்று சொல்லப்படுகிறது. காரணம் இது பல வழிகளில் ஆரோக்கியத்திற்கு மோசமான தீங்கு விளைவிக்குமாம். சரி இப்போது அதிக கொலஸ்ட்ரால் உள்ளவர்கள் பால் குடிக்கலாமா? கூடாதா? என்பதை இந்த பதிவில் விரிவாக பார்க்கலாம்.

பால் கொலஸ்ட்ராலை அதிகரிக்குமா?

பால் கால்சியம் உள்ளிட்ட ஊட்டச்சத்துக்கள் நிறைந்த ஒரு நல்ல மூலமாக கருதப்படுகிறது. ஆனால் பாலில் நிறைவேற்ற கொழுப்புகள் இருப்பதால் இது கொலஸ்ட்ரால் அளவை அதிகரிக்க வாய்ப்புள்ளது. ஒருவேளை நீங்கள் பால் குடிக்க விரும்பினால் குறைந்த கொழுப்பு அல்லது கொழுப்பு நீக்கப்பட்ட பால் சிறந்த தேர்வாகும். இந்த வகையான பால் உங்களது உடலில் கொழுப்பின் அளவை அதிகரிக்கச் செய்யாது. மேலும் அத்தியாவசிய ஊட்டச்சத்துக்களை வழங்கும். மேலும் இதய ஆரோக்கியத்தை பராமரிக்கும். ஆனால், அதிகமாக எடுத்துக் கொள்ளக் கூடாது என்பதை நினைவில் வைத்துக் கொள்ளுங்கள்.

எந்த பால் கொலஸ்ட்ராலை அதிகரிக்கும்?

பாலில் முழு நிறைவேற்ற கொழுப்புகள் உள்ளன. அதாவது ஒரு கப் பாலில் சுமார் 24 முதல் 35 மில்லி கிராம் கொழுப்புகள் உள்ளதால் இது உடலில் கெட்ட கொழுப்பின் அளவை அதிகரிக்க வாய்ப்பு உள்ளன. ஆனால் நீங்கள் மிதமாக எடுத்துக் கொள்ளும்போது இதய ஆரோக்கியம் கணிச்சமாக பாதிக்காது என்று ஆய்வு சொல்லுகின்றது. எனவே அதிக கொலஸ்ட்ரால் உள்ளவர்கள் பால் குறைவாக எடுத்துக் கொள்வது நல்லது.

அதிக கொலஸ்ட்ரால் உள்ளவர்களுக்கு சிறந்த பால் எது?

அதிக கொலஸ்ட்ரால் பிரச்சனை உள்ளவர்கள் நிறைவேற்றுக் கொழுப்பு குறைவாக அல்லது கொழுப்பு நீக்கப்பட்ட பால் குடிப்பது நல்லது ஏனெனில், ஒரு கப்பில் சுமார் 5 மில்லி கிராம் மட்டுமே கொழுப்பு உள்ளன. உதாரணமாக பாதாம் பால், சோயா பால், ஓட்ஸ் பால் போன்றவை இதில் அடங்கும்.