Vazhaipoo Usili : வாழைப்பூ உசிலி செய்வது எப்படி? துவரம் பருப்பு, கடலைப் பருப்பு, வாழைப்பூ ஆகியவற்றைக் கொண்டு சுவையான பாரம்பரிய உசிலியை வீட்டிலேயே எளிதாகச் செய்யலாம். தேவையான பொருட்கள், செய்முறை மற்றும் முக்கியக் குறிப்புகளைத் தெரிந்துகொள்ளுங்கள்.
வழக்கமாக வாழைப்பூவை வைத்து வடை, பொரியல் எனச் செய்து சாப்பிட்டிருப்போம். ஆனால், வாழைப்பூவுடன் புரதச்சத்து நிறைந்த துவரம் பருப்பு, கடலைப் பருப்பு ஆகியவற்றைச் சேர்த்து ஒருமுறை வாழைப்பூ உசிலி செய்து பாருங்கள். சாதத்துடன் சேர்த்துச் சாப்பிடும்போது அதன் சுவை அட்டகாசமாக இருக்கும்.
பருப்பின் மணமும், வாழைப்பூவின் தனித்துவமான சுவையும் இணைந்து, மதிய உணவுக்கு ஏற்ற அருமையான சைடிஷாக இந்த உசிலி அமையும். காய்கறிகளைச் சாப்பிட விரும்பாதவர்களுக்குக்கூட வித்தியாசமான முறையில் வாழைப்பூவை உணவில் சேர்க்க இது ஒரு நல்ல வழி.
வீட்டிலேயே எளிய பொருட்களைக் கொண்டு, ஹோட்டல் பாணியில் உதிரி உதிரியாக வாழைப்பூ உசிலி செய்வது எப்படி என்று இப்போது பார்க்கலாம்.
212
வாழைப்பூ உசிலி செய்யத் தேவையான பொருட்கள்
முக்கியப் பொருட்கள்
வாழைப்பூ - 1
துவரம் பருப்பு - 1\2 கப்
கடலைப் பருப்பு - 1\2 கப்
காய்ந்த மிளகாய் - 4 முதல் 5
மஞ்சள்தூள் - 1\4 தேக்கரண்டி
உப்பு - தேவையான அளவு
தாளிக்கத் தேவையானவை
எண்ணெய் - 2 முதல் 3 மேசைக்கரண்டி
கடுகு - 1 தேக்கரண்டி
உளுத்தம் பருப்பு - 1 தேக்கரண்டி
குண்டு காய்ந்த மிளகாய் - 2
கறிவேப்பிலை - சிறிதளவு
பெருங்காயத்தூள் - 1\4 தேக்கரண்டி
312
வாழைப்பூ உசிலி செய்முறை - படி 1
பருப்புகளை ஊற வைக்கவும்
துவரம் பருப்பு, கடலைப் பருப்பு, காய்ந்த மிளகாய் ஆகியவற்றை ஒரு பாத்திரத்தில் சேர்த்து, தேவையான அளவு தண்ணீர் ஊற்றி சுமார் 2 மணி நேரம் ஊற வைக்கவும். இதனால் பருப்புகளை அரைப்பது எளிதாக இருக்கும்.
வாழைப்பூவின் ஒவ்வொரு இதழையும் பிரித்து, அதிலுள்ள நீளமான காம்பு போன்ற பகுதியையும் சிறிய பலூன் போன்ற அமைப்பையும் நீக்கவும். பின்னர் வாழைப்பூவைப் பொடியாக நறுக்கிக் கொள்ளவும்.
512
படி 3
வாழைப்பூ நிறம் மாறாமல் பார்த்துக்கொள்ளவும்
நறுக்கிய வாழைப்பூவை மஞ்சள்தூள், சிறிதளவு உப்பு கலந்த தண்ணீரில் போட்டு வைக்கவும். இதனால் வாழைப்பூ விரைவில் கருத்துப் போவதைத் தடுக்கலாம்.
612
படி 4
பருப்பு கலவையை அரைக்கவும்
ஊறவைத்த பருப்புகளில் உள்ள தண்ணீரை வடிகட்டவும். அதனுடன் மஞ்சள்தூள், உப்பு சேர்த்து, தண்ணீர் அதிகம் சேர்க்காமல் கொரகொரப்பாக அரைத்துக் கொள்ளவும். பருப்பு கலவை மிகவும் மென்மையாக இல்லாமல் உதிரக்கூடிய பதத்தில் இருக்க வேண்டும்.
712
படி 5
பருப்பு மற்றும் வாழைப்பூவை வேக வைக்கவும்
அரைத்த பருப்பு கலவை மற்றும் வாழைப்பூவை இட்லித் தட்டில் வைத்து ஆவியில் வேக வைக்கவும். சுமார் 10 - 15 நிமிடங்கள் அல்லது நன்றாக வேகும் வரை ஆவியில் வைக்கலாம். வாழைப்பூவை இதுபோன்று ஆவியில் வேகவைப்பதால் அதன் முழு சத்தும் பூவிலேயே இருக்கும். தண்ணீர் ஊற்றி வேகவைத்தால் சத்துக்கள் தண்ணீரில் இறங்கிவிடும்.
812
படி 6
தாளிக்கவும்
ஒரு கடாயில் எண்ணெய் ஊற்றி சூடானதும் கடுகு சேர்க்கவும். கடுகு பொரிந்ததும் உளுத்தம் பருப்பு, காய்ந்த மிளகாய், கறிவேப்பிலை ஆகியவற்றைச் சேர்த்து நன்றாகத் தாளிக்கவும்.
912
படி 7
பருப்பு கலவையை வதக்கவும்
தாளித்த கடாயில் ஆவியில் வேகவைத்த பருப்பு கலவையைச் சேர்த்து, கட்டிகள் இல்லாமல் உதிரி உதிரியாகப் பிரித்து நன்றாக வதக்கவும். பருப்பின் பச்சை வாசனை நீங்கி லேசாக வறுபடும் வரை கிளறவும்.
1012
படி 8
வாழைப்பூவைச் சேர்த்துக் கிளறவும்
இப்போது ஆவியில் வேகவைத்த வாழைப்பூவைச் சேர்த்து, பருப்புடன் நன்றாகக் கலக்கவும். தேவைக்கேற்ப உப்பு, பெருங்காயத்தூள் சேர்த்து, மிதமான தீயில் சில நிமிடங்கள் கிளறவும். ஈரப்பதம் குறைந்து உதிரி உதிரியாக வந்ததும் அடுப்பை அணைக்கவும்.
1112
படி 9
சுவையான வாழைப்பூ உசிலி தயார்
அவ்வளவுதான் மணம் கமழும், சுவையான வாழைப்பூ உசிலி தயார். இதனைச் சூடான சாதம், சாம்பார் சாதம், ரசம் சாதம், மோர் குழம்பு ஆகியவற்றுடன் சேர்த்துச் சாப்பிடலாம். குறிப்பாக மோர் குழம்புடன் வாழைப்பூ உசிலி சேரும்போது அதன் சுவை இன்னும் சிறப்பாக இருக்கும்.
1212
வாழைப்பூ உசிலி செய்வதற்கான முக்கியக் குறிப்புகள்
உதிரி உதிரியாக வர: பருப்பை அதிகத் தண்ணீர் சேர்த்து அரைக்க வேண்டாம்.
நிறம் மாறாமல் இருக்க: நறுக்கிய வாழைப்பூவை மஞ்சள் கலந்த தண்ணீரில் போட்டு வைக்கவும்.
சுவை அதிகரிக்க: பருப்பு கலவையை நன்றாக வதக்கிய பிறகே வாழைப்பூவைச் சேர்க்கவும்.
எண்ணெய் அளவு: பருப்பு கலவையை ஆவியில் வேக வைத்துப் பயன்படுத்துவதால், தேவையான அளவு எண்ணெயில் உசிலி செய்யலாம்.
சத்தான உணவாக: வாழைப்பூவில் நார்ச்சத்தும், பருப்புகளில் புரதமும் கிடைக்கின்றன. எனினும், சத்துகளின் அளவு பயன்படுத்தும் பொருட்கள் மற்றும் சமையல் முறையைப் பொறுத்து மாறுபடும்.
