வெளுத்து வாங்கும் இந்த கோடை வெயிலில் கர்ப்பிணி பெண்கள் ஆரோக்கியமான பானங்களை எடுத்துக் கொள்வது நல்லது. இதனால் அவர்கள் ஆரோக்கியமாக இருப்பார்கள். இது குறித்து இங்கு காணலாம்....
தற்போது, இந்தியாவின் பல பகுதிகளில் கடும் வெப்பம் நிலவுகிறது, வரும் நாட்களில் இந்த வெப்பம் மேலும் அதிகரிக்கும். எனவே, கர்ப்பிணிப் பெண்களுக்கு இந்தப் பிரச்சனை அதிகரிக்கும். அப்படியானால் இதைப் போக்க என்ன செய்யலாம்?
கொளுத்தும் இந்த கோடையில் கர்ப்பிணி பெண்கள் தங்களை நீரேற்றுத்துடன் வைத்துக் கொள்வது நல்லது. அதுவும் குறிப்பாக ஆரோக்கியமான பானத்தை அருந்துவது சிறந்தது. இதோ சில ஆரோக்கியமான பானங்கள் உங்களை குளிர்ச்சியாக்கும் மற்றும் கொளுத்தும் வெப்பத்தில் உங்களை நீரேற்றமாக வைத்திருக்கும்.
நீரிழப்பைத் தவிர்க்க இளநீர் சிறந்த வழி. இளநீர் சோர்வைப் போக்கவும் மற்றும் தாகத்தைத் தணிக்க உதவுகிறது. கர்ப்ப காலத்தில் வாந்தியெடுத்தல் (Vomit) காரணமாக உடலில் திரவங்களின் பற்றாக்குறையை சமாளிக்க இளநீர் உதவுகிறது .
எலுமிச்சையில் விட்டமின் சி உள்ளதால் இது உடலை ஈரப்பதமாக வைக்கிறது. கர்ப்ப காலத்தில் எலுமிச்சை சாப்பிடுவது குமட்டல் மற்றும் வாந்தியிலிருந்து விடுபட உதவும்.
தர்பூசணி, ஆரஞ்சு, அன்னாசி, மாதுளை மற்றும் திராட்சை ஆகியவற்றிலிருந்து புதிய பழச்சாறுகளை தயாரித்து குடிக்கலாம். பழங்கள் சாப்பிட பிடிக்கவில்லை என்றால் பழச்சாறும் அருந்தலாம். தர்பூசணி மற்றும் மாம்பழச்சாறு வெப்பமான காலநிலைக்கு நல்லது.
பாலில் கால்சியம், புரதம் மற்றும் வைட்டமின் பி12 நிறைந்துள்ளது. கோடையில் கொழுப்பு நீக்கிய பால், லஸ்ஸி, மோர் போன்றவற்றைக் குடிக்கலாம். இவை உடலை குளிர்ச்சியாகவும், நீரேற்றமாகவும் வைத்திருக்கும். இது தவிர, பால், தயிர், ஐஸ் மற்றும் பழங்களில் இருந்து தயாரிக்கப்படும் மில்க் ஷேக் (மில்க் ஷேக்) அல்லது ஃப்ரூட் ஸ்மூத்தியை குடிக்கலாம். மினரல்கள் மற்றும் சத்துக்கள் நிறைந்த இதை உணவுக்கு இடையில் சிற்றுண்டியாக எடுத்துக்கொள்வது நல்லது.
மாம்பழ பன்னா வீட்டிலேயே செய்து குடிக்கலாம். இவை உடலுக்கு குளிர்ச்சியை அளிக்கிறது மற்றும் ஈரப்பதத்துடன் வைக்க உதவுகிறது.
இதையும் படிங்க: காலை எழுந்ததும் வெறும் வயிற்றில் டீ குடிக்கும் பழக்கம் உண்டா? அப்போ இதை கண்டிப்பா தெரிஞ்சுக்கோங்க...!!
கர்ப்பிணிப் பெண்கள் உணவில் போதுமான காய்கறிகளைச் சேர்த்துக்கொள்வது சிரமமாக இருந்தால், காய்கறி சாறும் குடிக்கலாம். கோடை வெயிலில் தாகம் தணிக்க தண்ணீரைத் தவிர வேறு எதையாவது குடிப்பதற்கு பதிலாக, குளிர்ந்த காய்கறி சாறு அருந்தலாம்.
சேனலை கிளிக் செய்து பின்தொடரவும்