தொப்பையை கரைக்க உதவும் காலை உணவு..!!
First Published | Feb 14, 2023, 12:20 PM ISTஉடல் எடையைக் கட்டுப்படுத்தவும், ஆரோக்கியத்தைப் பேணவும், காலையில் எந்தெந்த உணவுப் பொருட்களைச் சாப்பிடக் கூடாது என்பதை இந்த பதிவில் விரிவாக தெரிந்துகொள்வோம்.
☰
belly fat
அன்றைய நாளின் ஆரோக்கியத்தை தீர்மானிக்ககூடிய ஆற்றல் காலை உணவுக்கு உண்டு. அதன்காரணமாகவே எப்படிப்பட்ட சூழல் இருந்தாலும், காலை உணவை தவிர்க்க வேண்டாம் என்று பலரும் கூறுகின்றனர். ஆரோக்கியமான வாழ்க்கை முறைக்கு காலை உணவை காலை 8 மணியில் இருந்து 10 மணிக்குள் சாப்பிட்டுவிட வேண்டும். அதேபோன்று காலை வேளையில் நாம் எப்படிப்பட்ட உணவை சாப்பிடுகிறோம் என்பதும் மிகவும் முக்கியமாகும். சில உணவுகள் நம் வயிற்றை நிரப்பினாலும் நம் உடலுக்கு எந்த விதமான சத்துக்களையும் தராமல் உடல் எடையை அதிகரிக்கச் செய்கிறது. உடல் எடையைக் கட்டுப்படுத்தவும், ஆரோக்கியத்தைப் பேணவும் சில உணவுகளை நாம் தவிர்க்க வேண்டும். அதுகுறித்து இந்த கட்டுரையில் விரிவாக பார்க்கலாம்.
Image: Getty Images
காபி & டீ
தொப்பையை குறைக்க வேண்டுமானால், காலை உணவில் க்ரீம் மற்றும் கூடுதல் சர்க்கரை கலந்த காபியை குடிக்க வேண்டாம். காலையில் சர்க்கரையை எடுத்துக் கொண்டால், உடல் எடை அதிகரிப்பதோடு தொப்பையும் போடும். இது பல உடல்நலப் பிரச்னைகள் உருவாக காரணமாகிவிடுகிறது. சர்க்கரை உணவுகளை விட சர்க்கரை பானங்கள் மிகவும் ஆபத்தானவை என பல்வேறு ஆய்வுகள் சுட்டிக்காட்டுகின்றன. இந்த பானங்களில் ஊட்டச்சத்துக்கள் மிகக் குறைவு. காலையில் காபி குடிக்க வேண்டும் என்றால், சர்க்கரையை குறைவாக உட்கொள்ள வேண்டும் என்றும், முடிந்தால் பிளாக் காபியை அருந்த வேண்டும் என்றும் சுகாதார நிபுணர்கள் பரிந்துரைக்கின்றனர்.
Latest Videos
பிரட் டோஸ்ட்
பிஸியான வாழ்க்கை முறை காரணமாக, பலரும் காலை உணவாக வெள்ளை பிரட் டோஸ்ட் சாப்பிடுகின்றனர். மைதாவுடன் வெள்ளை ரொட்டி தயாரிக்கப்படுகிறது.சுத்திகரிக்கப்பட்ட கார்போஹைட்ரேட் காரணமாக, எடை வேகமாக அதிகரிக்கிறது. குறிப்பாக.. வயிற்றைச் சுற்றி கொழுப்பு சேரும். முழு தானியங்களில் கொழுப்பு குறைவாக உள்ளது. காலை உணவாக ரொட்டி சாப்பிடும் பழக்கம் இருந்தால் கோதுமை பிரெட் அல்லது பிரவுன் பிரெட் சாப்பிடச் சொல்லி மருத்துவர்கள் அறிவுறுத்துகின்றனர்.
sugar candy
அதிகப்படியான சக்கரை
அதிகப்படியான சர்க்கரை உணவுகள் தொப்பை போடுவதற்கு காரணமாகிவிடுவதாக ஐரோப்பிய நாட்டின் இருதய நலன் சார்ந்த அமைப்பு கருத்து கூறியுள்ளது. சந்தையில் கிடைக்கும் ரெடிமேட் தானியங்களில் சர்க்கரை அதிகம். டிபன் செய்து சாப்பிட்டால் எடை அதிகரிக்கும். தானியங்களை வாங்கும் போது, குறைந்த சர்க்கரை, நார்ச்சத்து, புரதம் அதிகம் உள்ளவற்றைப் பார்க்கவும்.
துரித உணவுகள்
பலர் துரித உணவுகளை விரும்பி சாப்பிடுவார்கள். ஆனால் இவை ஆரோக்கியத்திற்கு மிகவும் கேடு விளைவிப்பதாக நிபுணர்கள் கூறுகின்றனர். துரித உணவுகளில் டிரான்ஸ் கொழுப்பு மிக அதிகமாக உள்ளது. இவற்றை அதிகமாக எடுத்துக் கொண்டால், உடல் பருமன் ஏற்படும் அபாயம் உள்ளது. தொப்பை கொழுப்பு, குறிப்பாக, இதய பிரச்சினைகள் மற்றும் நீரிழிவு அபாயத்தை அதிகரிக்கிறது.
இறைச்சி
பதப்படுத்தப்பட்ட இறைச்சியில் அதிக கலோரிகள் மற்றும் டிரான்ஸ் கொழுப்பு உள்ளது. இதன் காரணமாக, தொப்பை கொழுப்பு அதிகரிக்கிறது. இவற்றை அதிகம் சாப்பிட்டால் இதயநோய் மற்றும் பக்கவாதம் ஏற்படும் அபாயம் அதிகரிக்கும் என்கின்றனர் நிபுணர்கள். காலையில் தாராளமாக இறைச்சி உணவுகளை சாப்பிடலாம். ஆனால் அதற்கேற்ப உடலுழைப்பு இருந்தால் பிரச்னையில்லை. ஒருவேளை மிகவும் உழைப்பு குறைந்த வேலையில் இருந்துகொண்டு காலையில் இறைச்சி சாப்பிடுவது, உடலுக்கு கேடு விளைவிக்கும்.
சேனலை கிளிக் செய்து பின்தொடரவும்click me!