அருண் மாதேஸ்வரன் இயக்கத்தில் தனுஷ் நடிக்க உள்ள இளையராஜா பயோபிக்கில் ஏ.ஆர்.ரகுமான், வைரமுத்து கதாபாத்திரங்களில் நடிக்க உள்ள நடிகர்கள் பற்றி பார்க்கலாம்.
இசைஞானி இளையராஜாவின் வாழ்க்கைக் கதையை படமாக எடுக்க உள்ளன. அதில் இளையராஜாவாக தனுஷ் நடிக்க உள்ளார். இப்படத்தை அருண் மாதேஸ்வரன் இயக்க உள்ளார். இப்படத்திற்கு இசைஞானி இளையாராஜாவே இசையமைக்க இருக்கிறார். இப்படத்தின் பணிகள் அண்மையில் பூஜையுடன் தொடங்கியது. மேலும் இப்படத்திற்கு உலக நாயகன் கமல்ஹாசன் தான் திரைக்கதை அமைக்க உள்ளதாகவும் அறிவிக்கப்பட்டு உள்ளது.
இளையராஜாவின் வாழ்க்கையில் சாதனைகள் எந்த அளவுக்கு நிறைந்துள்ளதோ, அதே அளவுக்கு சர்ச்சைகளும் நிறைந்திருக்கின்றன. அப்படி அவர் சந்தித்த சர்ச்சைகளை எல்லாம் பயோபிக்கில் காட்டுவார்களா என்பது தான் மிகப்பெரிய கேள்விக்குறியாகவே உள்ளது. மேலும் இந்த பயோபிக்கில் ஏ.ஆர்.ரகுமான், வைரமுத்து, மணிரத்னம், ரஜினிகாந்த், கமல்ஹாசன் ஆகியோரின் கதாபாத்திரங்களும் இடம்பெற உள்ளதாக கூறப்படுகிறது.
இதையும் படியுங்கள்... Shankar : இளையராஜாவா வேண்டவே வேண்டாம் என தெறித்தோடிய ஷங்கர்! வாய்ப்பு கிடச்சும் இசைஞானி உடன் பணியாற்றாதது ஏன்?
அதன்படி கமல், ரஜினி கதாபாத்திரங்களில் அவர்களே நடிப்பார்கள் என தெரிகிறது. அதேபோல் ஏ.ஆர்.ரகுமான் கதாபாத்திரத்தில் நடிக்க நடிகர் சிம்புவிடம் பேச்சுவார்த்தை நடைபெற்று வருகிறதாம். இதுதவிர மணிரத்னம் கேரக்டரில் நடிகர் மாதவனை நடிக்க வைக்க திட்டமிட்டுள்ளதாக கூறப்படுகிறது. அதேபோல் இளையராஜாவுடன் நண்பனாக அறிமுகமாகி, ஆறே ஆண்டுகளில் சண்டை போட்டு பிரிந்த பாடலாசியர் வைரமுத்துவின் கதாபாத்திரத்தில் யார் நடிக்க உள்ளார் என்பதை தெரிந்துகொள்ள பலரும் ஆர்வமாக இருந்தனர்.
அதன்படி வைரமுத்து கேரக்டரில் நடிகர் விஷாலை நடிக்க வைக்க படக்குழு திட்டமிட்டு உள்ளதாக கூறப்படுகிறது. இதன்மூலம் இளையராஜா பயோபிக் ஒரு மல்டி ஸ்டாரர் படமாக உருவாக உள்ளது போல் தெரிகிறது. இப்படத்தின் படப்பிடிப்பு விரைவில் தொடங்க உள்ளது. தற்போது ஆரம்பக்கட்ட பணிகள் விறுவிறுப்பாக நடைபெற்று வருகிறது. விரைவில் இதில் நடிக்க உள்ள இதர நடிகர்கள் பற்றிய அறிவிப்பு வெளியாகும் என எதிர்பார்க்கப்படுகிறது.
இதையும் படியுங்கள்... Aadujeevitham Review : மலையாள சினிமாவின் மற்றுமொரு மாஸ்டர் பீஸ் படமாக அமைந்ததா ஆடுஜீவிதம்? விமர்சனம் இதோ