yashika
பிக் பாஸ் நிகழ்ச்சியின் மூலம் ரசிகர்களுக்கு அறிமுகமான யாஷிகா ஆனந்த் இன்ஸ்டாகிராமில் தனது முதல் பயணத்தை தொடங்கினார். இதில் அவர் பகிர்ந்த கவர்ச்சியான புகைப்படங்கள் மூலம் பிரபலமான யாஷிகா 2015ல் சந்தானத்துடன் இனிமே இப்படித்தான் படத்தில் திரையை பகிர்ந்துகொண்டார். ஆனால் அவர் தொடர்ந்து கலந்து கொள்ள முடியாததால் யாஷிகாவின் பாத்திரம் படத்திலிருந்து நீக்கப்பட்டது.
2018 ஆம் ஆண்டு கமல் தொகுத்து வழங்கிய பிக் பாஸ் தமிழ் இரண்டாம் சீசனில் இவர் கலந்து கொண்டார். குட்டை டவுசருடன் வலம் வந்த இவர் பட்டி தொட்டி எல்லாம் பிரபலம். அந்த நிகழ்ச்சியில் இறுதி வாரம் வரை இருந்த யாஷிகா 98 வது நாளில் வெளியேற்றப்பட்டார். இருந்தும் ஐந்தாவது இடத்தை பிடித்த பெருமை இவரை சேர்ந்தது.
மேலும் செய்திகள்: கமல்ஹாசன் - சிம்பு இணையும் திரைப்படம்..! இயக்குனர் யார்? தீயாய் பரவும் தகவல்!
yashika-anand
பிக் பாஸ் நிகழ்ச்சிக்கு பிறகு ஜாம்பி என்ற அனிமேஷன் படத்தில் நடித்தார். இந்த படத்தில் யோகி பாபு முக்கிய வேடத்தில் நடித்திருந்தார். தொலைக்காட்சியிலும் தோன்றிய இவர் சென்னை டைம்ஸுக்காக பாராட்டுகளை பெற்றிருந்தார். 2012 ஆம் ஆண்டில் மீடு பிரச்சாரத்தின் போது இது போன்ற பாலியல் தொந்தரவுகளுக்கு தான் ஆளாக்கப்பட்டதாக வெளிப்படையாக கூறியிருந்தார்.
yashika
இதற்கிடையே அவ்வபோது தனது கவர்ச்சி புகைப்படங்களை வெளியிட்டு கவர்ந்தது வரும் யாஷிகா கடந்த ஆண்டு ஜூலை மாதத்தில் மிகப்பெரிய விபத்தில் சிக்கிக்கொண்டார். இரவு பார்டியில் கலந்துகொண்டு மகாபலிபுரத்திலிருந்து திரும்பிய போது அவரது கார் பாலத்தின் மீது மோதி விபத்திற்கு உள்ளானது. இதனால் இவருடைய கால்கள் பலத்த காயமடைந்தன.
yahsika
சிகிச்சைக்கு பிறகு மீண்டும் பழைய நிலைக்கு திரும்பிய யாஷிகா தொடர்ந்து குதூகலமான புகைப்படங்களை வெளியிட்டு லைக்குகளை அள்ளி வருகிறார். இன்று தனது 23 வது பிறந்த நாளை கொண்டாடி வருகிறார் யாஷிகா. இவருக்கு ரசிகர்களும், பிரபலங்களும் வாழ்த்துக்கள் தெரிவித்து வருகின்றனர். இந்நிலையில் பிக் பாஸ் நிகழ்ச்சியில் கலந்து கொண்ட நிரூப்புடன் யாஷிகா இருக்கும் புகைப்படம் ஒன்று வெளியாகி வைரலாகி வருகிறது.