விக்ரம் இரண்டாம் பக்கமாக உருவாகியுள்ள இந்த படத்தை தொடர்ந்து மூன்றாம் பாகமும் உருவாகவுள்ளதாகவும், அதில் சூர்யா முக்கிய ரோலில் நடிப்பார் என்றும் தகவல் பரவி வருகிறது.
தற்போது கமல் நடிப்பில் வெளியாகியுள்ள விக்ரம் படத்தை, கார்த்தியின் கைதி, விஜயின் மாஸ்டர் என இரு ஹிட் படங்களை கொடுத்த லோகேஷ் கனகராஜ் உருவாக்கியுள்ளார். பகத் பாசில், விஜய் சேதுபதி, நரேன், காளிதாஸ் ஜெயராம், ஷிவானி, மைனா நந்தினி என மிகப்பெரிய நட்சத்திர பட்டாளமே நடித்துள்ளது. கமலின் விஸ்வரூபம் 2 படத்தை தொடர்ந்து நான்கு ஆண்டுகளுக்கு பிறகு இந்த படம் திரையரங்குகளில் வெளியாகவுள்ளது.
கமலின் ராஜ்கமல் பிலிம்ஸ் நிறுவனம் பிரம்மாண்டமாக தயாரித்துள்ள விக்ரம் படத்துக்கு அனிருத் இசையமைத்துள்ளார். ஒளிப்பதிவு பணிகளை கிரீஷ் கங்காதரன் மேற்கொண்டுள்ளார். அதிரடி ஆக்ஷன் கதையம்சம் கொண்ட இப்படதிலிருந்து சமீபத்தில் வெளியான பத்தல பத்தல சாங் ரசிகர்களை வெகுவாக கவர்ந்தது.
தமிழக வெளியீட்டு உரிமையை கைப்பற்றியுள்ள உதயநிதியின் ரெட் ஜெயண்ட் மூவிஸ் பட ப்ரோமோஷன்களை வேகப்படுத்தியுள்ளது. இந்நிறுவனம் தென்னக ரயில்களில் விக்ரம் பட போஸ்டரை வரைந்து விளம்பரப்படுத்தியது. வருகிற ஜூன் 3-ந் தேதி திரையரங்குகளில் ரிலீஸாக உள்ள இந்த படத்தின் ஆடியோ மற்றும் ட்ரைலர் லாஞ்ச் சமீபத்தில் சென்னையில் பிரமாண்டமாக நடைபெற்றது.
இந்த விக்ரம் படம் 1986ஆம் ஆண்டு உருவான விக்ரம் படத்தின் தொடர்ச்சி என்று கூறப்படுகிறது. அதில் போலீஸ் அதிகாரியாக கமல் நடித்திருப்பார். இந்த பக்கத்தில் கமல் ஓய்வுபெற்ற போலீஸ் அதிகாரியாக நடித்து உள்ளாராம். அதோடு முதல் பக்கத்தின் சில காட்ச்சிகள் இந்த பாகத்தில் இடம்பெற்றுள்ளதாக கூறப்படுகிறது.
இந்த பக்கத்தில் காமியோ ரோலில் வருவதாக சொல்லப்படும் சூர்யா இறுதி காட்சியில் கமலின் மகனாக வரவுள்ளாராம். இதையடுத்து மூன்றாம் பாகத்தில் தந்தைக்காக பழிவாங்கும் பிள்ளையாக சூர்யா நடிப்பார் என தகவல் சொல்கிறது.