நடிகர் ரோபோ ஷங்கர் துரும்பா இளைத்ததன் காரணம் என்ன? மனைவி கூறிய விளக்கம்..!

நடிகர் ரோபோ சங்கர் மிகவும் ஒல்லியான தோற்றத்தில் இருக்கும் புகைப்படங்கள், சமீபத்தில் வெளியாகி ரசிகர்கள் மத்தியில் பரபரப்பை ஏற்படுத்திய நிலையில், இதற்கான காரணம் குறித்து தற்போது ரோபோ சங்கரின் மனைவி விளக்கம் கொடுத்துள்ளார்.  

அசத்தப்போவது யாரு நிகழ்ச்சி மூலம் ஸ்டாண்ட் அப் காமெடியனாக அறியப்பட்ட ரோபோ சங்கரை, மிகவும் பிரபலமாக்கியது என்றால் அது விஜய் டிவியில் ஒளிபரப்பான கலக்கப்போவது யாரு நிகழ்ச்சி தான். இவர் தன்னுடையை தனித்துவமான காமெடி மூலம் ரசிகர்களை சிரிக்க வைப்பது மட்டுமின்றி சூப்பர் ஸ்டார் ரஜினிகாந்த், கார்த்தி, சிவாஜி கணேசன் போன்ற பல முன்னணி நடிகர்களின் குரல்களில் மிமிக்கிரி செய்து அசத்துவார்.

விஜய் டிவியில் இவருடைய காமெடிக்கு கிடைத்த வரவேற்பை தொடர்ந்து, வெள்ளித்திரையில் காமெடி நடிகராக அறிமுகமானார். அந்த வகையில் நடிகர் தனுஷுடன் மாரி, அஜித்துடன் விஸ்வாசம், சிவகார்த்திகேயனுடன் வேலைக்காரன், தொழிலதிபர் லெஜெண்ட் சரவணன் கதாநாயகனாக அறிமுகமான தி லெஜன்ட் படத்திலும் ரோபோ சங்கர் அவருடைய நண்பனாக மிகவும் முக்கிய கதாபாத்திரத்தில் நடித்திருந்தார்.

இவரைத் தொடர்ந்து இவருடைய மகள் மற்றும் மனைவி இருவருமே தொலைக்காட்சி நிகழ்ச்சிகள் மற்றும் திரைப்படங்களில் அவ்வபோது தலை காட்டி வருகின்றனர். குறிப்பாக ரோபோ சங்கரின் மகள் இந்திரஜா, இயக்குனர் அட்லீ இயக்கத்தில் விஜய் நடிப்பில் வெளியான பிகில் படத்தில் பாண்டியம்மா என்கிற கதாபாத்திரத்தில் நடித்து அனைவரது கவனத்தையும் ஈர்த்தார். இந்த படத்தை தொடர்ந்து... இயக்குனர் முத்தையா இயக்கத்தில், கார்த்தி - அதிதி ஷங்கர் நடிப்பில் வெளியான 'விருமன்' படத்திலும் சூரிக்கு ஜோடியாக நடித்திருந்தார்.

அப்பாவை போல் அவரின் மகள் இந்திரஜாவும் வெள்ளித்திரையில் தொடர்ந்து கவனம் செலுத்தி வரும் நிலையில், சமீபத்தில்... ரோபோ ஷங்கரின் புகைப்படம் ஒன்று வெளியாகி பார்ப்பவர்களை உச்ச கட்ட அதிர்ச்சியில் ஆழ்த்தியது. இதில் ரோபோ ஷங்கர் மிகவும் ஒல்லியான தோற்றத்திற்கு மாறி இருந்தார். எப்போதும் தெளிவான முகத்துடன், திடமான வெயிட்டில் இருக்கும் ரோபோ சங்கரா?  இது என பலரும் ஆச்சரியப்படும் அளவிற்கு இவரிடம் மாற்றம் காணப்பட்டதால், ரசிகர்கள்  ரோபோ சங்கரை பார்த்து பலர் என்ன ஆச்சு?  ஏதேனும் உடல்நல பாதிப்பை என தொடர்ந்து கேள்வி எழுப்பி வந்தனர்.

பலர் தொடர்ந்து கேள்வி எழுப்பி வந்ததால், தற்போது ரோபோ ஷங்கர் ஒல்லியானதன் பின்னணி என்ன என்பது குறித்து அவருடைய மனைவி வீடியோ மூலம் கூறியுள்ளார். இது குறித்து அவர் வெளியிட்டுள்ள வீடியோவில் கூறியுள்ளதாவது, "தன்னுடைய கணவருக்கு ரசிகர்கள் பயம் கொள்ளும் அளவிற்கு எந்த ஒரு பெரிய நோயும் இல்லை. அவர் திரைப்படத்தில் நடித்து வரும் கதாபாத்திரம் ஒன்றிற்காக உடல் எடையை குறைத்துள்ளார். மற்றபடி  அவர் மிகவும் ஆரோக்கியமாக இருக்கிறார். அவருடைய நலன் கருதி கேள்வி எழுப்பிய அனைவருக்கும் தன்னுடைய நன்றிகளையும் தெரிவித்துள்ளார் என்பது குறிப்பிடத்தக்கது.