Vishal injured: பிரபல தமிழ் நடிகர் விஷாலுக்கு திடீர் விபத்து...சிகிக்சைக்காக மருத்துவமனையில் அனுமதி...

Vishal injured: விஷால் நடிக்கும் லத்தி திரைப்படத்தின் படப்பிடிப்பின் போது திடீரென விஷாலுக்கு விபத்து ஏற்பட்டு மருத்துவமனையில் அனுமதிக்கப்பட்டுள்ளார். 

Vishal

தமிழ் திரையுலகில் முன்னணி நடிகராக வலம் விஷால் வினோத் குமார் இயக்கத்தில், லத்தி திரைப்படத்தில் நடித்து வருகிறார். இப்படத்தில் நடிகர் விஷால் போலீஸாக நடித்துள்ளார். இந்தப் படத்தின் முதல் பார்வை போஸ்டர் சமீபத்தில் வெளியாகி நல்ல வரவேற்பை பெற்றது. அதன்படி வருகிற ஆகஸ்ட் மாதம் இப்படம் திரையரங்குகளில் ரிலீசாகும் என அறிவிக்கப்பட்டு உள்ளது. 

Vishal

வீரமே வாகை சூடும் படத்திற்கு பிறகு லத்தி படத்தில் நடிக்கும் விஷால், இதையடுத்து மார்க் ஆண்டனி படத்தில் நடிக்க உள்ளார். இப்படத்தை ஆதிக் ரவிச்சந்திரன் இயக்க உள்ளார். இப்படத்தின் ஷூட்டிங் விரைவில் தொடங்க உள்ளது.

Vishal

இந்தப் படத்தை நடிகர்கள் ரமணா மற்றும் நந்தா இருவரும் இணைந்து தயாரித்துவருகின்றனர்.யுவன் ஷங்கர் ராஜா இந்தப் படத்துக்கு இசையமைக்கிறார். இந்த நிலையில், லத்தி திரைப்படத்தின் இறுதி கட்ட படப்பிடிப்பு சென்னையில் நடந்து வருகிறது. இதில், 100 ரவுடிகள் சேர்ந்து விஷாலை தாக்கும் சண்டை காட்சி படமாக்கப்பட்டது. 

Vishal

அப்போது, அவருக்கு நிஜமாகவே காலில் பலத்த அடி ஏற்பட்டுள்ளது.  இதையடுத்து, அவர் கீழே விழுந்து துடிதுடித்ததால், அவரால் மீண்டும் எழுந்து நிற்க முடியாத நிலையில், உடனடியாக முதலுதவி அளிக்கப்பட்டு மருத்துவமனைக்கு அழைத்து செல்லப்பட்டார். இதனால் படப்பிடிப்பு பாதியிலேயே நின்று போனது.