1 வயதிலேயே உலக சாதனை படைத்த விஜய் டிவி புகழின் மகள்! குவியும் வாழ்த்து!

விஜய் டிவி புகழின் மகள் ரித்தன்யா உலக சாதனை புத்தகத்தில் இடம்பிடித்துள்ளார். 1 வயதே ஆகும் ரித்தன்யா அப்படி என்ன சாதனை படைத்தார் என்று இந்த பதிவில் பார்க்கலாம். 

Actor Pugazh

விஜய் டிவியின் கலக்க போவது யாரு, சிரிப்பு டா, அது இது எது போன்ற நிகழ்ச்சிகளின் மூலம் ரசிகர்கள் மத்தியில் பிரபலமானவர் புகழ். பெண் வேடம் போட்டு தனக்கென தனி ரசிக பட்டாளைத்தை உருவாக்கிய புகழ்தனது காமெடி மூலம் கவனம் ஈர்த்தார்.

ஆனால், அனைத்து தரப்பு மக்களையும் ஈர்த்தது குக் வித் கோமாளி நிகழ்ச்சியின் மூலம் தான். அவர் போடும் கெட்டப்களுக்கும், அவரின் டைம்மிங் காமெடிக்கும் சிரிக்காத ரசிகர்களே இருக்க மாட்டார்கள். சின்னத்திரையில் பிரபலமான புகழ் வெள்ளித்திரையிலும் சில படங்களில் நடித்துள்ளார். 

Actor Pugazh

சிக்ஸர், கைதி, காக்டெயில், சபாபதி, வலிமை உள்ளிட்ட பல படங்களி புகழ் நடித்துள்ளார். இதனிடையே புகழ் இரண்டு ஆண்டுகளுக்கு முன்பு பென்ஸி ரியா என்ற பெண்ணை காதலித்து திருமணம் செய்து கொண்டார். இந்த தம்பதிக்கு ரித்தன்யா என்று பெயரிட்டுள்ள அவர் சமீபத்தில் தனது மகளின் முதல் பிறந்தநாளை கோலாகலமாக கொண்டாடினார். இதுதொடர்பான வீடியோக்களை அவர் தனது சமூக வலைதள பக்கத்தில் பதிவிட்டிருந்த நிலையில் அவரின் குழந்தைக்கு வாழ்த்துகள் குவிந்தன.

KPY Pugazh Daughter

இந்த நிலையில் புகழின் மகள் ரித்தன்யா உலக சாதனை புத்தகத்தில் இடம்பிடித்துள்ளார். ஆம். அதிக நேரம் Dumbbellஐ தூக்கிய குழந்தை என்ற சாதனை செய்து சர்வதேச சாதனை புத்தகத்தில் இடம்பிடித்துள்ளார். 

11 மாதங்கள் 16 நாட்களே ஆன ரிதன்யா, 2 கிலோ எடையுள்ள டம்ப்பெல்லை இடைவிடாமல் 17 வினாடிகள் பிடித்து சர்வதேச சாதனை புத்தகத்தில் புதிய உலக சாதனை படைத்துள்ளார் என்று உலக சாதனையின் அதிகாரப்பூர்வ இணையதளத்தில் தெரிவிக்கப்பட்டுள்ளது.

Vijay Tv Pugazh Daughter

மேலும் செப்டம்பர் 12 ஆம் தேதி காஞ்சிபுரத்தை சேர்ந்த ரித்தன்யா புகழேந்தி, 2 கிலோ டம்பல் வைத்திருக்கும் மிக நீண்ட நேரம் வைத்திருந்த குழந்தை" என்ற உலக சாதனையை படைத்ததாகவும் தெரிவிக்கப்பட்டுள்ளது. இதுதொடர்பான புகைப்படம் இணையத்தில் வைரலாகி வரும் நிலையில் பலரும் புகழுக்கும் அவரின் மகள் ரித்தயாவுக்கும் வாழ்த்துகளை தெரிவித்து வருகின்றனர்.