'கலக்க போவது யாரு' நிகழ்ச்சியின் மூலம் பிரபலமான தீனாவுக்கு நாளை திருமணம் நடைபெற உள்ளதாக தகவல் வெளியாகி உள்ளதால், ரசிகர்கள் தங்களின் வாழ்த்துக்களை தெரிவித்து வருகிறார்கள்.
கலக்கப்போவது யாரு நிகழ்ச்சியின் மூலம் ஸ்டாண்ட் அப் காமெடியனாக அறிமுகமான, சிலர் இன்று வெள்ளித்திரையில் முன்னணி நடிகர்களாக உள்ளனர். இதற்க்கு மிகப்பெரிய எடுத்து காட்டு என்றால், அது சிவகார்த்திகேயன் எனலாம்.
இவரை தொடர்ந்து, ரோபோ சங்கர், ராமர், தீனா போன்றவர்களும் பல இளம் நடிகர்களின் படங்களில் காமெடி வேடத்திலும் குணச்சித்திர வேடத்திலும் நடித்து வருகிறார்கள்.
கேன்சர் நோயாளிகளுக்காக விஜய் ஆண்டனியின் புதிய முன்னெடுப்பு! இந்த அதிரடி மாற்றத்திற்கான காரணம் இதுவா?
விஜய் டிவி பிரபலங்களின், பலருக்கும் மிகவும் பிடித்த KPY போட்டியாளராகவும், பின்னர் தொகுப்பாளராகவும் இருந்தவர் தீனா. எந்த பிரபலம் குறித்து இவரிடம் கேள்வி ஏழுப்பினாலும் மிகவும் சைலெண்டாக கமெண்ட் சொல்லி சிரிக்க வைத்து விடுவார்.
திருவாரூரை சேர்ந்த தீனா, விஜய் டிவி KPY நிகழ்ச்சியின் துணை இயக்குனராக இருந்து பின்னர், போட்டியாளராக மாறி... தற்போது நடிகராகவும் உயர்ந்துள்ளார்.
சமீபத்தில் தான் தன்னுடைய சொந்த ஊரில்... பிரமாண்டமான வீடு ஒன்றை கட்டிய தீனா. இதை தொடர்ந்து நாளை திருமண உறவிலும் இணைய உள்ளார். இவருடைய திருமணம் அவரின் சொந்த ஊரான திருவாரூரில் நடைபெற உள்ளதாகவும், இதில் சின்னத்திரை மற்றும் வெள்ளித்திரையை சேர்ந்த பலர் கலந்து கொள்வார்கள் என எதிரிபார்க்கப்படுகிறது.
மேலும் இவர் திருமணம் செய்து கொள்ள உள்ள பெண் குறித்து வெளியாகியுள்ள தகவலில், அவர் ஒரு கிராபிக் டிசைனர் என்றும், இது பெற்றோர் பார்த்து நடத்தி வைக்கும் திருமணம் என்றும், கண்டிப்பாக லவ் மேரேஜ் இல்லை என்பதையும் பிரபல ஊடகம் ஒன்றில் தெரிவித்துள்ளார். தீனாவின் திருமண தகவலை அறிந்த ரசிகர்கள் பலர் தங்களின் வாழ்த்துக்களை தெரிவித்து வருகிறார்கள் என்பது குறிப்பிடத்தக்கது.