அட கடவுளே... 'லியோ' புரோமோ கூட அட்ட காப்பியா? மீம் போட்டு வச்சு செய்யும் நெட்டிசன்கள்..!

தளபதி விஜய்யின் 62 ஆவது படத்தின் டைட்டில் 'லியோ' என்று நேற்று புரோமோ வெளியிட்டு... படக்குழு அறிவித்த நிலையில், இந்த புரோமோ கூட பல படங்களின் காப்பி என, மீம் போட்டு கலாய்த்து வருகின்றனர் நெட்டிசன்கள்.

தளபதி விஜய் இயக்குனர் லோகேஷ் கனகராஜ் இயக்கத்தில் ஏற்கனவே நடித்த 'மாஸ்டர்' திரைப்படம் ரசிகர்கள் மத்தியில் நல்ல வரவேற்ப்பை பெற்றதை தொடர்த்து, தற்போது இரண்டாவது முறையாக, மீண்டும் இந்த இரு பிரபலங்களும் 'லியோ' திரைப்படத்தின் மூலம் இணைந்துள்ளனர்.

இந்த படத்தில் நடிக்க உள்ள நடிகர் நடிகைகள், தொழில்நுட்ப கலைஞர்கள் குறித்த அறிவிப்பு வெளியானதை தொடர்ந்து, தற்போது படப்பிடிப்புக்காக தனி விமானம் மூலம் படக்குழு காஷ்மீர் சென்றுள்ளது.

இதுகுறித்த, வீடியோ மற்றும் புகைப்படங்கள் வெளியாகி வைரலானது. மேலும் நேற்று, இந்த  படத்தின் டைட்டில் , புதிய ப்ரோமோவுடன் வெளியான நிலையில், இந்த புரோமோ பல படங்களின் அட்டை காப்பி என, மீம்ஸ் போட்டு கலாய்த்து வருகிறார்கள் நெட்டிசன்கள்.

குறிப்பாக ஜெயிலர் படத்தின் புரோமோவில் இடம்பெற்ற அதே காட்சி 'லியோ' புரோமோவிலும் இடம்பெற்றுள்ளது. அதே போல் 'ஐயன் மேன்', தி கோஷ்ட போன்ற ஹாலிவுட் படங்களில் இருந்தும் சில காட்சிகள் காப்பியடிக்க பட்டுள்ளதாக அதன் புகைப்படங்களையும் வெளியிட்டு வருகிறார்கள் என்பது குறிப்பிடத்தக்கது.