2024-ல் டாப் வசூல் செய்த 6 படங்கள்! 10 நாளில் 3 ஹீரோக்களின் லைப் டைம் வசூலை முறியடித்த அமரன்!
First Published | Nov 11, 2024, 6:58 PM ISTஇந்த ஆண்டு வெளியான டாப் ஹீரோக்களின் படங்களில் அதிகம் வசூல் செய்த 6 படங்கள் பற்றி இந்த தொகுப்பில் பார்ப்போம்.
☰
Goat Movie
கோட்:
தளபதி விஜய் நடிப்பில், செப்டம்பர் 5ஆம் தேதி இந்த ஆண்டு ரிலீஸ் ஆன திரைப்படம் 'தி கிரேட்டஸ்ட் ஆஃப் ஆல் டைம்'. இந்த படத்தை இயக்குனர் வெங்கட் பிரபு இயக்க, யுவன் சங்கர் ராஜா இப்படத்திற்கு இசையமைத்திருந்தார். இந்த படத்தை ஏஜிஎஸ் என்டர்டெயின்மெண்ட் நிறுவனம் சுமார் 400 கோடி பட்ஜெட்டில் தயாரித்திருந்தது.
இரட்டை வேடத்தில் நடித்திருந்த தளபதிக்கு விஜய்க்கு ஜோடியாக, இந்த படத்தில் சினேகா, மீனாட்சி சௌத்ரி, ஆகியோர் நடித்திருந்தனர். மேலும் பிரசாந்த், பிரபுதேவா, மோகன், ஜெயராம். அஜ்மல், அமீர், வைபவ், யோகி பாபு, பிரேம் ஜி அமரன், உள்ளிட்ட பலர் முக்கிய கதாபாத்திரத்தில் நடித்திருந்தனர். இந்த திரைப்படம் வெளியாகி ஒரு மாதத்திற்கு மேல் திரையரங்கில் ஓடிய நிலையில், மொத்தம் ரூ.450 கோடிக்கு மேல் வசூல் சாதனை செய்தது.
Vettaiyan
வேட்டையன்:
இயக்குனர் டிஜே ஞானவேல் இயக்கத்தில், சூப்பர் ஸ்டார் ரஜினிகாந்த் நடிப்பில் அக்டோபர் 10ஆம் தேதி ரிலீசான திரைப்படம் 'வேட்டையன்'. லைக்கா நிறுவனம் தயாரிப்பில் வெளியான இந்த படத்திற்கு, அனிருத் ரவிச்சந்திரன் இசையமைத்திருந்தார். மேலும் அமிதாபச்சன், பகத் ஃபாஸில், ராணா டகுபதி, மஞ்சு வாரியர், ரித்திகா சிங், துஷாரா விஜயன், உள்ளிட்ட பலர் நடித்திருந்தனர். சுமார் ரூ.300 கோடி பட்ஜெட்டில் உருவான இந்த திரைப்படம், பாக்ஸ் ஆபிஸில் ரூ.292 கோடி வசூலித்ததாக கூறப்படுகிறது.
இளையராஜா - கமல் கூட்டணியில் உருவான 5 எவர்கிரீன் காதல் பாடல்கள்!
Latest Videos
Thangalaan:
தங்கலான்:
இயக்குனர் பா ரஞ்சித் இயக்கத்தில், விக்ரம் நடிப்பில் ஆகஸ்ட் 15ஆம் தேதி சுதந்திர தினத்தை முன்னிட்டு திரையரங்கில் வெளியான திரைப்படம் தங்கலான். ஸ்டுடியோ கிரீன் நிறுவனம் தயாரிப்பில் வெளியான இந்த படத்திற்கு, ஜிவி பிரகாஷ் இசையமைத்திருந்தார். மேலும் விக்ரமுக்கு ஜோடியாக நடிகை பார்வதி திருவோத்து நடித்த நிலையில், மாளவிகா மோகனன், பசுபதி, ஹரி கிருஷ்ணன் உள்ளிட்ட பலர் முக்கிய கதாபாத்திரத்தில் நடித்திருந்தனர்.
சுமார் 150 கோடி பட்ஜெட்டில் எடுக்கப்பட்ட இந்த திரைப்படம், பாக்ஸ் ஆபிஸில் ரூ.102 கோடி மட்டுமே வசூலித்தது குறிப்பிடத்தக்கது.
Indian 2
இந்தியன் 2:
இயக்குனர் ஷங்கர் இயக்கத்தில், சுமார் 26 வருடங்களுக்கு பின்னர் இரண்டாம் பாகமாக ஜூலை 12ஆம் தேதி ரிலீசான திரைப்படம் 'இந்தியன் 2. லைக்கா ப்ரொடக்ஷன்ஸ் நிறுவனம் தயாரிப்பில் வெளியான இந்த படத்தில், கமலஹாசன், சித்தார்த், எஸ்.ஜே.சூர்யா, ப்ரியா பவானி சங்கர், ரகுல் ப்ரீத் சிங், உள்ளிட்ட பலர் நடித்திருந்தனர். உலகநாயகன் கமலஹாசன் இந்தியன் தாத்தாவாக மிரட்டி இருந்த இந்த படத்திற்கு, அனிருத் இசையமைத்திருந்தார். இப்படம் இரண்டு மற்றும் மூன்றாவது பாகமாக ரூ.300 கோடி பட்ஜெட்டில் எடுக்கப்பட்ட நிலையில், ரூ.150 கோடி வசூலித்ததாக தெரிவிக்கப்பட்டது.
திருமணத்திற்கு முன்பே அக்ஷயாவுக்கு கண்டீஷன் போட்டு கஷ்டப்படுத்தினாரா நெப்போலியன் மகன் தனுஷ்?
Dhanush Raayan
ராயன்:
நடிகர் தனுஷ் நடித்து - இயக்கி இருந்த திரைப்படம் 'ராயன்'. சன் பிக்சர்ஸ் நிறுவனம் தயாரிப்பில், ஜூலை 26 ஆம் தேதி வெளியான திரைப்படம் 'ராயன்'. ரூ.100 கோடி பட்ஜெட்டில் எடுக்கப்பட்ட இந்த படம், சுமார் ரூ.160 கோடி வசூலை ஈட்டியது.
இதுவரை நடித்திராத வித்தியாசமான கதாபாத்திரத்தில், தனுஷ் நடித்திருந்த இந்த படத்தில் சந்தீப் கிஷன், காளிதாஸ் ஜெயராம், செல்வராகவன், அபர்ணா பாலமுரளி, தசரா விஜயன், உள்ளிட்ட பலர் முக்கிய கதாபாத்திரத்தில் நடித்திருந்தனர். இந்த படத்திற்கு ஏ ஆர் ரகுமான் இசையமைத்திருந்தார் என்பது குறிப்பிடத்தக்கது.
Amaran Movie
அமரன்:
இயக்குனர் ராஜ்குமார் பெரியசாமி இயக்கத்தில், சிவகார்த்திகேயன் நடிப்பில் தீபாவளியை முன்னிட்டு அக்டோபர் 31ஆம் தேதி வெளியான திரைப்படம் அமரன். மறைந்த ராணுவ அதிகாரி மேஜர் முகுந்த் வரதராஜனின் வாழ்க்கையை மையமாக வைத்து எடுக்கப்பட்டிருந்த இந்த படத்தில், சிவகார்த்திகேயன் முத்து வரதராஜன் கதாபாத்திரத்தில் நடித்த சாய் பல்லவி கதாநாயகியாக நடித்திருந்தார்.
மேலும் புவன் அரோரா, ராகுல் போஸ், உள்ளிட்ட பலர் நடித்திருந்தனர். ராஜ்கமல் பிலிம்ஸ் இன்டர்நேஷனல் சார்பில் உலகநாயகன் கமலஹாசன் இந்த படத்தை தயாரித்திருந்தார். ரூ. 100 கோடி பட்ஜெட்டில் எடுக்கப்பட்ட இந்த திரைப்படம், பத்து நாட்களில் ரூ.200 கோடிக்கு மேல் வசூலித்துள்ள நிலையில், தொடர்ந்து திரையரங்குகளில் நல்ல வரவேற்பை பெற்று வருவதால் இப்படம் ரூ.500 கோடி வசூலை எட்டுமா? என்கிற எதிர்பார்ப்புகள் எழுந்துள்ளது குறிப்பிடத்தக்கது.
எதிர்பாராத எலிமினேஷன்; பிக்பாஸ் வீட்டில் இருந்து வெளியேறிய சுனிதா இதுவரை வாங்கிய சம்பவம் எவ்வளவு?
சேனலை கிளிக் செய்து பின்தொடரவும்click me!