ஹீரோ விஜய் சேதுபதியை விட வில்லன் விஜய் சேதுபதி ரொம்ப காஸ்ட்லி.. புஷ்பா 2-வில் நடிக்க எவ்வளவு சம்பளம் தெரியுமா?

Vijay sethupathi : சுகுமார் இயக்கத்தில் உருவாக உள்ள புஷ்பா 2 படத்தில் அல்லு அர்ஜுனுக்கு வில்லனாக நடிக்க நடிகர் விஜய் சேதுபதி வாங்க உள்ள சம்பளம் குறித்த தகவல் வெளியாகி உள்ளது.

நடிகர் விஜய் சேதுபதி தற்போது இந்தியா முழுவதும் பேமஸ் ஆகிவிட்டார். தற்போது தமிழ், தெலுங்கு, மலையாளம், இந்தி என பல்வேறு மொழி படங்களை இவர் கைவசம் வைத்துள்ளார். சமீப காலமாக விஜய் சேதுபதி வில்லனாக நடிக்கும் படங்கள் சக்கைப்போடு போடுகின்றன. அந்த வகையில் இவர் வில்லனாக மிரட்டிய உப்பென்னா, மாஸ்டர், விக்ரம், பேட்ட ஆகிய படங்கள் பாக்ஸ் ஆபிஸில் ரூ.100 கோடிக்கு மேல் வசூலித்து சாதனை படைத்தன.

அவர் வில்லனாக நடித்தால் படம் கன்பார்ம் ஹிட் என்கிற நிலைமை ஆகிவிட்டது. இதனால் அவருக்கு வில்லன் வாய்ப்புகள் தொடர்ந்து குவிந்து வருகின்றன. இதனால் ஹீரோ வேடத்தில் நடிப்பதற்கு வாங்கும் சம்பளத்தை விட வில்லன் வேடத்திற்கு வாங்கும் சம்பளத்தை மளமளவென உயர்த்திவிட்டாராம் விஜய் சேதுபதி.

இதையும் படியுங்கள்... பிறந்தநாள் அதுவுமா இப்படியா... கொலைவெறியுடன் திரியும் விஷ்ணு விஷால் - பதைபதைக்க வைக்கும் வீடியோ வைரல்

நடிகர் விஜய்சேதுபதி, அடுத்ததாக புஷ்பா 2 படத்தில் வில்லனாக நடிக்க உள்ளதாக கூறப்படுகிறது. இப்படத்தின் முதல் பாகத்திலேயே அவர் வில்லனாக நடிப்பதாக இருந்தது. கால்ஷீட் பிரச்சனை காரணமாக கடைசி நேரத்தில் அப்படத்தில் இருந்து அவர் விலகினார். இதையடுத்து அவருக்கு பதில் பகத் பாசிலை நடிக்க வைத்தனர்.

இந்நிலையில், தற்போது உருவாக உள்ள புஷ்பா 2 படத்தின் கதையில் சில மாற்றங்களை செய்து மேலும் ஒரு வில்லன் கேரக்டரை சேர்த்துள்ளனர். அந்த ரோலில் விஜய் சேதுபதியை நடிக்க வைக்க உள்ளனர். இதற்காக அவர் வாங்க உள்ள சம்பளம் குறித்த தகவல் வெளியாகி உள்ளது. அதன்படி அல்லு அர்ஜுனுக்கு வில்லனாக நடிக்க அவருக்கு ரூ.35 கோடி சம்பளமாக வழங்கப்பட உள்ளதாக கூறப்படுகிறது. 

இதையும் படியுங்கள்... இரவின் நிழல் முதல் "Non Linear" படம் இல்லை..ப்ளூ சட்டை மாறனின் விமர்சனத்திற்கு பதிலளித்த பார்த்திபன்!