Jawan : அட்லீ இயக்கத்தில் பிரம்மாண்டமாக உருவாகி வரும் ஜவான் படத்தில் நடிகர் ஷாருக்கான் ஹீரோவாக நடிப்பது மட்டுமின்றி தனது ரெட் சில்லீஸ் நிறுவனம் மூலம் இப்படத்தை தயாரித்தும் வருகிறார்.
சீனு ராமசாமி இயக்கிய தென்மேற்கு பருவக்காற்று படத்தின் மூலம் தமிழ் சினிமாவில் ஹீரோவாக அறிமுகமானவர் விஜய் சேதுபதி. இதையடுத்து பீட்சா, சூது கவ்வும், நானும் ரவுடி தான், சேதுபதி என இவர் ஹீரோவாக நடித்த படங்கள் பிளாக்பஸ்டர் ஹிட் ஆனாலும், சமீப காலமாக இவர் ஹீரோவாக நடிக்கும் படங்களை விட வில்லனாக நடிக்கும் படங்களுக்கு தான் மவுசு அதிகமாக உள்ளது.
நடிகர் விஜய் சேதுபதி முதன்முதலில் வில்லனாக நடித்த படம் என்றால் அது சுந்தர பாண்டியன் தான். இதன்பின், புஷ்கர் காயத்ரி இயக்கத்தில் கடந்த 2017-ம் ஆண்டு வெளியான விக்ரம் வேதா படத்தில் மாஸான வில்லனாக நடித்ததன் மூலம் தான் மக்கள் மத்தியில் பேமஸ் ஆனார் விஜய் சேதுபதி. இப்படத்திற்கு பின்னர் தான் அவருக்கு வில்லன் வாய்ப்புகள் குவிந்து வருகின்றன.
இதையடுத்து பேட்ட படத்தில் ரஜினிக்கு வில்லனாகவும், மாஸ்டர் படத்தில் விஜய்க்கு வில்லனாகவும் மிரட்டிய விஜய் சேதுபதி, சமீபத்தில் லோகேஷ் கனகராஜ் இயக்கத்தில் வெளியான விக்ரம் படத்தில் சந்தனம் என்கிற கொடூர வில்லன் கதாபாத்திரத்தில் நடித்து மிரள வைத்தார். இப்படத்திற்கு பின் அவருக்கு ஹீரோ வாய்ப்புகளை விட வில்லன் வாய்ப்புகள் தான் குவிந்து வருகின்றன.
இதையும் படியுங்கள்... சென்னை ஏர்போர்ட்டில் 7 மணிநேரம் காத்திருப்பு... டென்ஷன் ஆன இளையராஜா - என்ன காரணம் தெரியுமா?
அந்த வகையில், விஜய் சேதுபதி தற்போது வில்லனாக நடிக்கும் படம் ஜவான். இப்படத்தில் அவர் பாலிவுட் சூப்பர்ஸ்டார் ஷாருக்கானுக்கு வில்லனாக நடிக்கிறார். தமிழில் பல்வேறு பிளாக்பஸ்டர் ஹிட் படங்களை இயக்கிய அட்லீ தான் இப்படத்தை இயக்கி வருகிறார். இதில் நயன்தாரா, தீபிகா படுகோனே, பிரியாமணி, யோகிபாபு என மிகப்பெரிய நட்சத்திர பட்டாளமே நடித்து வருகிறது.
இந்நிலையில், இப்படத்தில் வில்லனாக நடிக்க நடிகர் விஜய் சேதுபதி வாங்கிய சம்பளம் குறித்த விவரங்கள் வெளியாகி உள்ளன. அதன்படி ஜவான் படத்திற்காக அவர் ரூ.21 கோடி சம்பளமாக வாங்கி உள்ளதாக கூறப்படுகிறது. நடிகர் விஜய் சேதுபதி கெரியரில் அதிக சம்பளம் பெற்றது இந்த படத்திற்கு தானாம். இதற்கு முன்பு வரை அவர் ரூ.15 கோடி சம்பளமாக பெற்று வந்தது குறிப்பிடத்தக்கது.
இதையும் படியுங்கள்... ரசிகர்களின் ‘அந்த’ செயலால் போதைக்கு அடிமையானேன்... குடிகாரி ஆனதன் பகீர் பின்னணியை வெளியிட்ட பிக்பாஸ் நடிகை