லைகர் நாயகன் முதல் லெஜண்ட் நாயகி வரை... இந்தியா - பாக்., போட்டியை நேரில் கண்டுகளித்த பிரபலங்களின் போட்டோஸ் இதோ

IND vs PAK : இந்தியாவின் வெற்றியை பலரும் கொண்டாடி வரும் நிலையில், இந்த போட்டியை நேரில் காண வந்த சினிமா பிரபலங்கள் பற்றி இந்த தொகுப்பில் பார்க்கலாம்.

இந்தியா - பாகிஸ்தான் போட்டி என்றாலே ஸ்பெஷல் தான். உலகம் முழுவதும் உள்ள கிரிக்கெட் ரசிகர்கள் ஆவலோடு எதிர்பார்த்திருந்த இந்தியா - பாகிஸ்தான் இடையிலான ஆசியக் கோப்பை லீக் போட்டி நேற்று துபாயில் நடைபெற்றது. இப்போட்டியில் டாஸ் வென்ற இந்திய அணி கேப்டன் ரோகித் சர்மா முதலில் பந்துவீச தீர்மானித்தார்.

இதையடுத்து களமிறங்கிய பாகிஸ்தான் அணி இந்திய அணியின் பந்துவீச்சை சமாளிக்க முடியாமல் சீரான இடைவெளியில் விக்கெட்டுகளை பறிகொடுத்தது. அந்த அணி 19.5 ஓவர்களிலேயே 147 ரன்கள் குவித்து ஆல் அவுட் ஆனது. இந்தியா சார்பில் சிறப்பாக பந்துவீசிய புவனேஷ்வர் 4 விக்கெட்டுகளையும், ஹர்திக் பாண்டியா 3 விக்கெட்டுகளையும் வீழ்த்தினர்.

இதையடுத்து 148 ரன்கள் எடுத்தால் வெற்றி என்கிற எளிய இலக்குடன் களமிறங்கிய இந்திய அணி பொறுப்பான ஆட்டத்தை வெளிப்படுத்தியது. இறுதியில் 19.4 ஓவர்களில் 5 விக்கெட்டுகளை மட்டுமே இழந்து இந்திய அணி வெற்றி இலக்கை அடைந்தது. 3 பந்துகளில் 6 ரன்கள் தேவைப்பட்ட நிலையில், சிக்ஸர் அடித்து இந்திய அணியை வெற்றிப்பாதைக்கு அழைத்துச் சென்றார் ஹர்திக் பாண்டியா.

இதையும் படியுங்கள்... ஆசிய கோப்பை: ஜடேஜா - ஹர்திக் பாண்டியா பொறுப்பான பேட்டிங்..! பாகிஸ்தானை வீழ்த்தி இந்தியா அபார வெற்றி

இந்தியாவின் வெற்றியை பலரும் கொண்டாடி வரும் நிலையில், இந்த போட்டியை காண சினிமா பிரபலங்கள் சிலரும் துபாய் ஸ்டேடியத்திற்கு சென்றனர். அதில் ஒருவர் விஜய் தேவரகொண்டா, அவர் நடித்த லைகர் திரைப்படம் கடந்த சில தினங்களுக்கு முன் ரிலீசான நிலையில், நேற்றைய போட்டியை காண ஸ்டேடியத்திற்கு விசிட் அடித்த விஜய் தேவரகொண்டாவின் புகைப்படங்கள் வெளியாகி வைரலாகி வருகின்றன.

அதேபோல் இந்த போட்டியை நேரில் காண வந்த மற்றொரு பிரபலம் என்றால் அது நடிகை ஊர்வசி ரவ்துலா தான். அவரையும், ரிஷப் பண்டையும் ஒப்பிட்டு சமூக வலைதளங்களில் ஏராளமான மீம்ஸ்களும் பகிரப்பட்டு வருகின்றன. இவர் கடந்த மாதம் வெளியான தி லெஜண்ட் என்கிற தமிழ் படத்தில் ஹீரோயினாக நடித்தவர் என்பது குறிப்பிடத்தக்கது.

இதையும் படியுங்கள்... Asia Cup: இந்தியாவிற்கு எதிரான போட்டியில் கருப்பு பட்டை அணிந்து ஆடிய பாகிஸ்தான் வீரர்கள்..! இதுதான் காரணம்