Beast story leaked : பீஸ்ட் படத்தின் ரிலீசுக்கு இன்னும் ஒரு வாரம் எஞ்சியுள்ள நிலையில், அப்படத்தின் கதை லீக் ஆகி உள்ள சம்பவம் அதிர்ச்சியை ஏற்படுத்தி உள்ளது.
பீஸ்ட் திரைப்படம் வருகிற ஏப்ரல் 13-ந் தேதி திரையரங்குகளில் ரிலீசாக உள்ளது. இப்படத்தின் ரிலீசுக்கு இன்னும் ஒரு வாரமே எஞ்சி உள்ளதால் படத்தின் புரமோஷன் மற்றும் படத்திற்கான டிக்கெட் முன்பதிவு பணிகள் தொடங்கி விறுவிறுப்பாக நடைபெற்று வருகின்றன. இப்படம் தமிழ், தெலுங்கு, மலையாளம், இந்தி, கன்னடம் ஆகிய 5 மொழிகளில் ரிலீசாக உள்ளது.
பீஸ்ட் படத்தில் நடிகர் விஜய் உளவுத்துறை அதிகாரியாக நடித்திருக்கிறார். பீஸ்ட் படத்தின் ரிலீசுக்கு இன்னும் ஒரு வாரம் எஞ்சியுள்ள நிலையில், அப்படத்தின் கதை லீக் ஆகி உள்ள சம்பவம் அதிர்ச்சியை ஏற்படுத்தி உள்ளது. அமெரிக்காவில் உள்ள கேலக்ஸி திரையரங்கம் தங்களது இணையதள பக்கத்தில் பீஸ்ட் படத்தின் கதையை முழுவதுமாக வெளியிட்டுள்ளது.
அதன்படி, “நகரின் பரபரப்பான பகுதியை சர்வதேச பயங்கரவாதிகள் தங்கள் கட்டுப்பாட்டுக்குள் கொண்டுந்து, அவர்களது அமைப்பின் தலைவனை விடுவிக்கக்கோரி இந்திய அரசுக்கு மிரட்டல் விடுக்கின்றனர். ஆனால் இந்திய அரசாங்கமோ அந்த பயங்கரவாதிகள் அமைப்பின் தலைவனை விடுவிக்க மறுக்கிறது.
ஒரு கட்டத்தில் பயங்கரவாதிகளால் சிறைபிடிக்கப்பட்ட இடத்தில் ரா உளவு அமைப்பின் முன்னாள் அதிகாரியான விஜய் இருப்பது தெரியவருகிறது. இதனையடுத்து பயங்கரவாதிகளால் சிறைபிடிக்கப்பட்டுள்ள மக்களை மீட்க, அவரது உதவியை அரசு நாடுகிறது.
இதன் பின்னர் அந்த முன்னாள் அதிகாரி பயங்கரவாதிகளுக்கு எதிராக தனது மிஷனை தொடங்குகிறார். ஒரு கட்டத்தில் நிலைமை பயங்கரவாதிகளுக்கு சாதகமாக அமைய, அந்த அமைப்பின் தலைவனை அரசு விடுவிக்க சம்மதிக்கிறது. இந்தச் சூழலில் சாமர்த்தியமாக செயல்படும் அந்த முன்னாள் உளவு அதிகாரி பயங்கரவாதிகளால் சிறை பிடிக்கப்பட்ட மக்களை மீட்பதோடு, பயங்கரவாதிகளையும் தீர்த்துக்கட்டுகிறார்” என்று அதில் குறிப்பிட்டுள்ளது.
இதையும் படியுங்கள்... Actor Little John Death : நகைச்சுவை நடிகர் லிட்டில் ஜான் மாரடைப்பால் மரணம்... திரையுலகினர் அதிர்ச்சி
சேனலை கிளிக் செய்து பின்தொடரவும்