விஜய் ஆண்டனி இயக்கி, நடித்துள்ள 'பிச்சைக்காரன் 2' திரைப்படம் 11 நாட்களில் எவ்வளவு வசூல் செய்துள்ளது என்பது குறித்த தகவல் தற்போது வெளியாகி உள்ளது.
விஜய் ஆண்டனி இயக்கி, தயாரித்து, நடித்திருக்கும் திரைப்படம் 'பிச்சைக்காரன் 2'. மேலும் இந்த படத்தின் இசையமைப்பு மற்றும் படத்தொகுப்பு பணிகளையும் விஜய் ஆண்டனி தான் மேற்கொண்டார். 'பிச்சைக்காரன் 2' திரைப்படம் கடந்த மே 19ஆம் தேதி தமிழ் மற்றும் தெலுங்கு ஆகிய இரு மொழிகளில் வெளியான நிலையில், ஒரு தரப்பு ரசிகர்கள் மத்தியில் பாசிட்டிவ் விமர்சனங்களையும், மற்றொரு தரப்பு ரசிகர்கள் மத்தியில் நெகடிவ் விமர்சனங்களையும் பெற்று வருகிறது.
குறிப்பாக தமிழ் ரசிகர்களை விட, தெலுங்கில் ரசிகர்கள் மத்தியில் அதிக வரவேற்பு கிடைத்து வருகிறது. விஜய் ஆண்டனி இந்த படத்தின் வெற்றியை, படக்குழுவினருடன் எப்போதும் போல் கேக் வெட்டி கொண்டாடாமல், சற்று வித்தியாசமாக, பட்டினி தினமான மே 28 ஆம் தேதி, பிச்சைக்காரனை சிலருக்கு, 5 ஸ்டார் ஹோட்டலில் ட்ரீட் கொடுத்து கொண்டாடினார். இவரின் இந்த செயல், சமூக வலைதளத்தில் அனைவரது கவனத்தை ஈர்த்த நிலையில், பலரும் தங்கள் பாராட்டுகளை தெரிவித்தனர்.
மேலும் சுமார் 15 கோடி பட்ஜெட்டில் எடுக்கப்பட்ட பிச்சைக்காரன் 2 திரைப்படம், 11 நாட்களில் எவ்வளவு வசூல் செய்துள்ளது என்பது குறித்த தகவல் வெளியாகி உள்ளது. அந்த வகையில் தற்போது வெளியாகி உள்ள தகவலின் படி, 'பிச்சைக்காரன் 2' திரைப்படம் உலக அளவில் 35 கோடி வசூல் செய்துள்ளதாக கூறப்படுகிறது. எனவே எப்படியும் பார்த்தால் சுமார் 20 கோடி இந்த படத்தின் மூலம், லாபம் பார்த்துள்ளார் விஜய் ஆண்டனி. இதைத் தொடர்ந்து டிஜிட்டல் ரைட்ஸ், சாட்டிலைட் போன்ற விற்பனையிலும் இவருக்கு லாபமே கிடைத்துள்ளது.
தன்னுடைய முதல் படத்தை இயக்கி, நடிகராக மட்டுமில்லாமல் இயக்குநராகவும், தயாரிப்பாளராகவும் ஜெய்த்துவிட்டார் விஜய் ஆண்டனி. 'பிச்சைக்காரன்' படத்தின் முதல் பாகத்தை, பிரபல இயக்குனர் சசி இயக்கி இருந்தார். இப்படம் கடந்த 2016 ஆம் ஆண்டு வெளியாகி, ரசிகர்கள் மத்தியில் நல்ல வரவேற்பை பெற்றது. விஜய் ஆண்டனி திரையுலக வாழ்க்கையில் மிகப்பெரிய சிறப்புமுனையாக பிச்சைக்காரன் படம் அமைந்ததால், இந்த படத்தின் இரண்டாம் பாகத்தை நடித்து, தயாரிக்க முடிவு செய்தார் விஜய் ஆண்டனி.
பக்கா பொருக்கி மாதிரி இருக்க? அனிதா சம்பத்தை அசிங்கப்படுத்திய நெட்டிசன்! வேற லெவல் பதிலடி!
'பிச்சைக்காரன் 2' படத்தை, இயக்குனர் சசி தான் முதலில் இயக்கம் இருந்த நிலையில் தற்போது அவர் வேறு ஒரு படத்தை இயக்கி வருவதால், இப்படத்தை இயக்க மறுத்துவிட்டார். எனவே மற்ற சில இயக்குனர்களை வைத்து படத்தை இயக்க விஜய் ஆண்டனி திட்டமிட்டார். ஆனால் பேச்சுவார்த்தையிலேயே அந்த விஷயம் சரிப்பட்டு வராததால் ஒரு கட்டத்தில் தானே இந்த படத்தில் இயக்குனராக மாற முடிவு செய்தார்.
அதன் படி விஜய் ஆண்டனி இயக்கிய இப்படத்தில், பல லாஜிக் மீறல்கள் மற்றும் குறைகள் இருந்தாலும் ஒரு படமாக பார்ப்பதற்கு அனைத்து கமர்சியல் இடம்பெற்றுள்ள ஒரு படமாகவே அமைந்துள்ளது. காதல், காமெடி, ஆக்சன், சென்டிமென்ட் என அனைத்தும் கலந்த கலவையாக இப்படத்தை இயக்கி வெற்றியும் பெற்றுள்ளார் விஜய் ஆண்டனி என்பது குறிப்பிடத்தக்கது.
விஜய்யுடன் 'லியோ' படத்தில் நடிக்கும் நாசரின் சகோதரர் ஜவஹர்! அச்சு அசல் அவரை போலவே இருக்காரே..!