நடிகர் விஜய் படமும், அஜித் படமும் ஒரே நாளில் ரிலீஸ் ஆக உள்ளதால் ரசிகர்கள் கொண்டாட்டத்துக்கு தயாராகி வருகின்றனர். அது என்ன படம் என்பதை இந்த தொகுப்பில் விரிவாக பார்க்கலாம்.
தமிழ் திரையுலகில் முன்னணி மாஸ் நடிகர்களாக வலம் வருபவர்கள் தான் விஜய் - அஜித். இவர்கள் இருவரும் நெருங்கிய நண்பர்களாக இருந்தாலும் இவர்களது ரசிகர்கள் எப்போதும் எலியும் பூனையுமாக சண்டை போடுவது வழக்கம். அஜித் படமோ அல்லது விஜய் படமோ தியேட்டரில் ரிலீஸ் ஆனால் அன்றைய தினம் தமிழ்நாடு திருவிழா போல காட்சியளிக்கும். அதுவே அவர்கள் இருவரின் படமும் ஒரே நாளில் ரிலீஸ் ஆனால், அன்றைய தினம் தல தளபதி திருவிழாவாக மாறிவிடும். கடைசியாக கடந்த 2023 ஆம் ஆண்டு விஜய் நடித்த வாரிசு படமும் அஜித்தின் துணிவு படமும் பொங்கலுக்கு போட்டி ரிலீஸ் ஆனது.
24
விஜய் - அஜித் படங்கள் மோதல்
அதன் பின்னர் இருவரது படங்களும் ஒரே நாளில் ரிலீஸ் ஆகவில்லை. இதனிடையே விஜய் ஜனநாயகன் படத்தோடு சினிமாவை விட்டு விலகுவதாக அறிவித்துள்ளதால் இனி தல தளபதி மோதலுக்கு வாய்ப்பே இல்லை என அனைவரும் கருதி வந்தனர். ஆனால் யாரும் எதிர்பாராத விதமாக வருகிற ஜனவரி 23ஆம் தேதி அஜித் விஜய் படங்கள் போட்டி போட்டு ரிலீஸ் ஆக உள்ளன. அது குறித்த அதிகாரப்பூர்வ அறிவிப்பும் வெளியாகி விட்டதால் ரசிகர்கள் செம்ம குஷியில் இருக்கிறார்கள். ஆனால் இம்முறை புது படத்தோடு வராமல் இருவரும் தங்களது பழைய படத்தை ஒரே நாளில் ரீ ரிலீஸ் செய்ய உள்ளனர்.
34
தெறி vs மங்காத்தா
அதன்படி வெங்கட் பிரபு இயக்கத்தில் அஜித் நடித்து பிளாக்பஸ்டர் ஹிட்டான மங்காத்தா திரைப்படம் வருகிற ஜனவரி 23ஆம் தேதி ரீ ரிலீஸ் ஆக உள்ளது. அதற்குப் போட்டியாக அட்லீ இயக்கத்தில் விஜய் நடித்து மாஸ் ஹிட் அடித்த தெறி திரைப்படமும் அன்றைய தினம் ரீ ரிலீஸ் செய்யப்பட உள்ளது. இப்படம் ஜனவரி 15ஆம் தேதி பொங்கல் பண்டிகைக்கு ரீ ரிலீஸ் செய்யப்பட இருந்தது. ஆனால் பொங்கலுக்கு ரிலீசான புது படங்களின் தயாரிப்பாளர்கள் வேண்டுகோளுக்கிணங்க தெறி படத்தின் ரீ ரிலீஸ் தள்ளி வைக்கப்படுவதாக அறிவித்திருந்தார் அதன் தயாரிப்பாளர் கலைபுலி எஸ் தாணு.
அப்படத்தை தான் தற்போது ஜனவரி 23ஆம் தேதி வெளியிட இருப்பதாக அறிவித்துள்ளனர். அஜித்தின் மங்காத்தா படமும் விஜயின் தெறி படமும் ஒரே நாளில் ரீ ரிலீஸ் ஆக உள்ளதால் அன்றைய தினம் திரையரங்குகள் திருவிழாவாக மாறும் என எதிர்பார்க்கப்படுகிறது. விஜயின் ஜனநாயகன் படம் ரிலீஸ் ஆகாமல் முடங்கி கிடப்பதால் அப்செட்டில் இருக்கும் ரசிகர்களுக்கு தெறி ரீ ரிலீஸ் சற்று ஆறுதல் கொடுக்கும் என எதிர்பார்க்கப்படுகிறது. இந்த இரண்டு படங்களும் பாக்ஸ் ஆபிஸில் எந்த அளவு வசூலை வாரிக் குவிக்கின்றன என்பதை பொறுத்திருந்து பார்க்கலாம்.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
