வனிதா மற்றும் பவர் ஸ்டார் ஸ்ரீனிவாசன் இவருவரும் மாலையும் கழுத்துமாக ஏற்கனவே ஒரு புகைப்படம் வெளியாகி வைரலான நிலையில், அதை தொடர்ந்து தற்போது... வனிதா கழுத்தில் பவர் ஸ்டார் தாலி கட்டும் புகைப்படம் வெளியாகி வைரலாக பார்க்கப்பட்டு வருகிறது.
நன்றாக சென்று கொண்டிருந்த வாழ்க்கையில், பூகம்பமாக வந்தது வனிதாவின் மூன்றாவது காதல். பல பிரச்சனைகளை கடந்து, பீட்டர் பால் என்பவரை திருமணம் செய்து, அதே வேகத்தில் அவரிடம் இருந்து பிரிந்தார்.
மேலும் பிக்பாஸ் ஜோடி நிகழ்ச்சியில் கலந்து கொண்டு நடன திறமையை வெளிப்படுத்தி வந்த இவர், ரம்யா கிருஷ்ணன் தன்னுடைய நடனத்தை, மற்றொருவருடன் ஒப்பிட்டு பேசியதை தாங்க முடியாமல் அவரிடம் வாக்குவாதத்தில் ஈடுபட்டதோடு, நிகழ்ச்சியில் இருந்தே வெளியேறுவதாக கூறி அறிக்கை ஒன்றையும் வெளியிட்டார். இந்த நிகழ்ச்சியின் முழு பகுதி, வரும் ஞாயிற்று கிழமை வெளியாக உள்ளது.
தொலைக்காட்சி நிகழ்ச்சிகள் கைவசம் இல்லை என்றாலும், அடுத்தடுத்து பல படங்களில் பிசியாக நடித்து கொண்டிருக்கும் வனிதா தற்போது வெளியிட்டுள்ள புகைப்படம் பார்பவர்களையே அதிர்ச்சியடைய வைத்தது.
அதில், பவர் ஸ்டார் ஸ்ரீனிவாசனுடன் மாலையும் கழுத்துமாக கல்யாண கோலத்தில் இருந்தார். ஏற்கனவே கடந்த ஓரிரு தினங்களுக்கு முன், வனிதா பிரபல யூ டியூப் தொலைக்காட்சியில் பேட்டி கொடுத்த போது, அவரது ஜாதகத்தை ஆராய்ந்த ஜோதிடர்... வனிதாவின் ஜாதகத்தில் இன்னும் திருமண யோகம் உள்ளதாகவும் எனவே இந்த வருடம் அவர் வேறு நான்காவதாக ஒருவரை திருமணம் செய்து கொள்ள வாய்ப்புள்ளதாக கூறி இருந்த நிலையில் இந்த புகைப்படம் தீயாக பரவியது.
தற்போது பவர் ஸ்டார் வனிதா கழுத்தில் தாலி கட்டும், ஒரு புகைப்படம் வெளியாகியுள்ளது. இந்த புகைப்படத்தையும் தாறுமாறாக ரசிகர்கள் வைரலாக்கி வருகிறார்கள். இது அனைத்தும் பட புரொமோஷனுக்கு வெளியிடப்படும் புகைப்படங்கள் என்பது குறிப்பிடத்தக்கது.