Valimai :10 ரூபாய்க்கு ‘வலிமை’ டிக்கெட்! அஜித் ரசிகர்கள் குவிந்ததால் கதிகலங்கி போன தியேட்டர் - எங்கு தெரியுமா?

வலிமை திரைப்படம் பொங்கலுக்கு திரைகாண உள்ளது. படத்தின் ரிலீஸ் நெருங்கி வருவதால், படத்தின் புரமோஷன் பணிகளும் விறுவிறுப்பாக நடைபெற்று வருகின்றன.

நேர்கொண்ட பார்வை படத்தின் வெற்றியை தொடர்ந்து எச்.வினோத் இயக்கத்தில் அஜித் நடிக்கும் 2-வது படம் வலிமை. இப்படத்தை மறைந்த நடிகை ஸ்ரீதேவியின் கணவர் போனி கபூர் தயாரித்துள்ளார்.

குடும்ப செண்டிமெண்ட் நிறைந்த அதிரடி ஆக்‌ஷன் திரைப்படமாக வலிமை தயாராகி உள்ளது. இதில் அஜித் போலீஸ் அதிகாரி கதாபாத்திரத்தில் நடித்துள்ளார். இப்படத்தில் ஹீரோயினாக காலா பட நடிகை ஹூமா குரேஷி நடித்துள்ளார்.

valimai

அஜித்தின் தாயாக ஜெயசுதா நடித்துள்ளார். மேலும் இப்படத்தில் வில்லன் கேரக்டரில் பிரபல தெலுங்கு நடிகர் கார்த்திகேயா நடித்துள்ளார். இதுதவிர மற்றொரு முக்கிய கதாபாத்திரமான அஜித்தின் தம்பி வேடத்தில் ராஜூ ஐய்யப்பா நடித்துள்ளார்.

அமராவதி படத்தில் அஜித்தின் நண்பராக நடித்த பானு பிரகாஷின் மகன் தான் ராஜூ ஐயப்பா என்பது குறிப்பிடத்தக்கது. படத்தின் பெயருக்கு ஏற்றார்போல் இப்படத்திற்கு மேலும் வலிமை சேர்த்திருப்பது யுவன் தான்.

அவரின் இசை இப்படத்திற்கு மிகப்பெரிய பலமாக அமைந்துள்ளதாக படக்குழுவினர் பல்வேறு பேட்டிகளில் தெரிவித்திருந்தனர். நீரவ் ஷா ஒளிப்பதிவாளராகவும், திலீப் சுப்பராயன் ஸ்டண்ட் மாஸ்டராகவும் பணியாற்றி உள்ளனர். 

வலிமை திரைப்படம் பொங்கலுக்கு திரைகாண உள்ளது. படத்தின் ரிலீஸ் நெருங்கி வருவதால், படத்தின் புரமோஷன் பணிகளும் விறுவிறுப்பாக நடைபெற்று வருகின்றன.

அந்த வகையில் நேற்று வலிமை படத்தின் டிரெய்லர் யூடியூபில் வெளியிடப்பட்டது. இந்த டிரெய்லர் அஜித் ரசிகர்களிடையே அமோக வரவேற்பை பெற்று வருகிறது. யூடியூப் டிரெண்டிங்கில் தொடர்ந்து முதலிடத்தில் நீடித்து வருகிறது.

இந்நிலையில், வலிமை டிரெய்லர் ரிலீசை திண்டுக்கல் அஜித் ரசிகர்கள் வித்தியாசமான முறையில் கொண்டாடி உள்ளனர். அதன்படி திண்டுக்கல்லில் உள்ள திரையரங்கில் டிரெய்லரை திரையிட்டு மாஸ் காட்டி உள்ளனர்.

இந்த டிரெய்லர் திரையிடலை காண வந்த ரசிகர்களிடம் தியேட்டர் நிர்வாகம் ரூ.10 வசூலித்துள்ளது. இந்த டிக்கெட் புகைப்படம் சமூக வலைதளங்களில் வைரலாகி வருகிறது. இதுதவிர நெல்லை, சென்னை மற்றும் வேலூரில் இலவசமாக திரையரங்கில் வலிமை டிரெய்லர் திரையிடப்பட்டுள்ளது குறிப்பிடத்தக்கது.