சொல்லிக்காட்டும் லைகா... மல்லுக்கட்டும் வடிவேலு... திடீர் மோதலால் பரபரப்பு - நாய்சேகர் ரிட்டர்ன் வருவாரா?

Naaisekar returns movie : சுராஜ் இயக்கத்தில் உருவாகும் நாய்சேகர் ரிட்டர்ன்ஸ் (naaisekar returns) படத்தில் நடித்து வருகிறார். முழுக்க முழுக்க நகைச்சுவை படமாக தயாராக உள்ள இப்படத்திற்கு சந்தோஷ் நாராயணன் இசையமைக்கிறார். 

தமிழ் திரையுலகில் முன்னணி நகைச்சுவை நடிகராக வலம் வருபவர் வடிவேலு (vadivelu). இம்சை அரசன் 24-ம் புலிகேசி படத்தில் நடித்தபோது அப்படத்தின் தயாரிப்பாளர் ஷங்கருடன் வடிவேலுவுக்கு மோதல் ஏற்பட்டது. இதன் காரணமாக படத்தில் நடிக்க மறுத்த வடிவேலு மீது ஷங்கர் தயாரிப்பாளர் சங்கத்தில் புகார் அளித்திருந்தார். இதையடுத்து வடிவேலுவுக்கு ரெட் கார்டு கொடுக்கப்பட்டு, அவர் படங்களில் நடிக்க தடை விதிக்கப்பட்டது.

இதன் காரணமாக கடந்த சில ஆண்டுகளாக படங்களில் நடிக்காமல் இருந்து வந்தார் வடிவேலு. சில ஆண்டுகள் படங்களில் நடிக்காவிட்டாலும் மீம்ஸ் மூலம் தினந்தோறும் மக்களை மகிழ்வித்து வந்தார் வடிவேலு. கடந்தாண்டு வடிவேலு மீதான ரெட் கார்டு நீக்கப்பட்டு, அவர் மீண்டும் படங்களில் நடிக்க அனுமதி அளிக்கப்பட்டது.

தற்போது வடிவேலுவுக்கு பட வாய்ப்புகள் குவிந்து வருகின்றன. அவர் முதலாவதாக சுராஜ் இயக்கத்தில் உருவாகும் நாய்சேகர் ரிட்டர்ன்ஸ் (naaisekar returns) படத்தில் நடித்து வருகிறார். இப்படத்தில் வடிவேலு உடன் குக் வித் கோமாளி பிரபலம் சிவாங்கி, டாக்டர் பட பிரபலம் ரெடின், நடிகர் ஆனந்தராஜ், ஆர்.ஜே.விக்னேஷ் காந்த், ராமர் என மிகப்பெரிய நட்சத்திர பட்டாளமே நடித்து வருகிறது.

முழுக்க முழுக்க நகைச்சுவை படமாக தயாராக உள்ள இப்படத்திற்கு சந்தோஷ் நாராயணன் இசையமைக்கிறார். லைகா புரொடக்ஷன்ஸ் சார்பில் தயாரிப்பாளர் சுபாஷ்கரன் பிரம்மாண்டமான பொருட்செலவில் தயாரித்து வரும் இந்தப்படத்தின் படப்பிடிப்பு கடந்தாண்டு இறுதியில் தொடங்கி விறுவிறுப்பாக நடைபெற்று வந்தது.

இந்நிலையில் நடிகர் வடிவேலுவுக்கும், தயாரிப்பு நிறுவனத்திற்கும் மனக்கசப்பு ஏற்பட்டுள்ளதாக தகவல் வெளியாகி உள்ளது. ஏனெனில் படத்தின் பட்ஜெட் சற்று நாளுக்குநாள் எகிறுவதால் லைகா நிறுவனம் கடுப்பில் உள்ளதாம். இதனால் பார்த்து செலவு செய்யச்சொல்லி ஒரு ஆர்டர் போட்டுள்ளனர். இந்த விஷயம் வடிவேலு காதுக்கு போக, அவரோ படம் நல்லா வரனும்னா பட்ஜெட்ட முன்ன பின்ன வரதான் செய்யும், இதுக்கெல்லாம் கண்டிஷன் போடலாமா என சொல்லிவிட்டாராம். இதனால் தயாரிப்பு தரப்புக்கும், வடிவேலுவுக்கும் இடையே மனக்கசப்பு ஏற்பட்டுள்ளதாக கூறப்படுகிறது.

இதையும் படியுங்கள்... Adipurush release date : சிவராத்திரி ஸ்பெஷல் அப்டேட்.. ஆதிபுருஷ் படத்தின் புதிய ரிலீஸ் தேதியை அறிவித்த பிரபாஸ்