ஆத்தாடி... மஞ்சள் வீரன் படத்தில் நடிக்க டிடிஎப் வாசனுக்கு இத்தனை கோடி சம்பளமா? காஸ்ட்லி ஹீரோவா இருக்காரேப்பா!

மஞ்சள் வீரன் என்கிற திரைப்படத்தின் மூலம் ஹீரோவாக அறிமுகமாக இருக்கும் யூடியூபர் டிடிஎப் வாசனின் சம்பள விவரம் வெளியாகி உள்ளது.

TTF Vasan

யூடியூப் அசுர வளர்ச்சி கண்டுள்ளதால், அதன் மூலம் சம்பாதிப்பவர்களும் நாளுக்கு நாள் அதிகரித்த வண்ணம் உள்ளனர். யூடியூப் மூலம் பேமஸ் ஆன சிலர் சினிமாவிலும் காலடி எடுத்து வைத்து கலக்கிக் கொண்டிருக்கிறார்கள். குறிப்பாக யூடியூப்பில் ஸ்பூப் வீடியோ போட்டு பேமஸ் ஆன கோபி, சுதாகர் தற்போது படம் ஒன்றில் நடித்து வருகின்றனர். அதேபோல் யூடியூபர் எருமசாணி விஜய் முதலில் சினிமாவில் சின்ன சின்ன வேடங்களில் நடித்து வந்த இவர் கடந்தாண்டு அருள்நிதி நடிப்பில் வெளிவந்த டி பிளாக் படம் மூலம் இயக்குனராகவும் அவதாரம் எடுத்தார்.

TTF Vasan

இதுதவிர புகழ்பெற்ற யூடியூபரான டியூடு விக்கி என்பவர் விரைவில் இயக்குனராக களமிறங்க உள்ளார். இவர் இயக்க உள்ள முதல் படத்தில் நடிகை நயன்தாரா தான் கதையின் நாயகியாக நடிக்க உள்ளாராம். இப்படத்தை பிரின்ஸ் பிக்சர்ஸ் நிறுவனம் தயாரிக்க உள்ளது. இப்படி யூடியூப் மூலம் பேமஸ் ஆகி சினிமாவில் காலடி எடுத்து வைத்த பிரபலங்களின் லிஸ்ட் நீண்டுகொண்டே செல்கிறது.

இதையும் படியுங்கள்... வடிவேலு கிட்ட சான்ஸ் கேட்டு போனா இதுதான் பண்ணுவாரு... வைகைப்புயல் பற்றி நடிகை சொன்ன ஷாக்கிங் சீக்ரெட்

Manjal Veeran

இந்த லிஸ்ட்டில் புதிதாக இணைந்துள்ளவர் தான் டிடிஎப் வாசன். இவர் மஞ்சள் வீரன் என்கிற திரைப்படத்தின் மூலம் தமிழ் சினிமாவில் நாயகனாக அறிமுகமாக உள்ளார். இப்படத்தை செல்அம் என்பவர் இயக்க உள்ளார். இப்படத்திற்கான பூஜை அண்மையில் நடைபெற்றது. அதேபோல் புல்லட்டில் வீலிங் செய்தபடி வெளியான மஞ்சள் வீரன் படத்தின் பர்ஸ்ட் லுக் போஸ்டரும் டுவிட்டர், இன்ஸ்டாகிராம், பேஸ்புக் போன்ற சமூக வலைதளங்களில் படு வைரல் ஆனது.

TTF Vasan

இந்நிலையில், மஞ்சள் வீரன் படத்துக்காக டிடிஎப் வாசன் வாங்கிய சம்பளம் குறித்த தகவல் ஒன்று வெளியாகி இணையத்தில் வைரலாகி வருகிறது. அதன்படி இப்படத்தில் நடிக்க அவருக்கு ரூ.1.8 கோடி சம்பளமாக வழங்கப்பட்டு உள்ளதாக கூறப்படுகிறது. இது எந்த அளவுக்கு உண்மை என்பது தெரியவில்லை. யூடியூப் மூலம் லட்சக்கணக்கில் சம்பாதித்து வந்த டிடிஎப் வாசன் தற்போது சினிமாவில் முதல் படத்திலேயே கோடிகளில் சம்பளம் வாங்கும் தகவல் கோலிவுட்டில் ஹாட் டாப்பிக் ஆக மாறி உள்ளது.

இதையும் படியுங்கள்... இதென்னடா மஞ்சள் வீரனுக்கு வந்த சோதனை... டிடிஎப் வாசன் சென்ற கார் விபத்தில் சிக்கியது - போலீசார் வழக்குப்பதிவு