Trisha : சர்ச்சைக்கு முற்றுப்புள்ளி வைத்த நடிகை த்ரிஷா... திடீர் லண்டன் விசிட் பின்னணி என்ன?

Trisha London Visit : சினிமாவை விட்டு த்ரிஷா விலகப் போறதா கோலிவுட்ல ஒரு பேச்சு ஓடிட்டு இருந்துச்சு. இதனால் ரசிகர்கள் கவலையில் இருந்தாங்க. இப்போ எல்லாத்துக்கும் த்ரிஷா முற்றுப்புள்ளி வைத்திருக்கிறார்.

Trisha London Visit

தென்னிந்தியாவின் 'குந்தவை' த்ரிஷா கிருஷ்ணன் மீண்டும் செய்திகளில் இடம்பிடித்துள்ளார். செப்டம்பர் மாதம் தொடங்கியதும், லண்டன் தெருக்களில் இருந்து ஒரு சூடான செய்தியை வெளியிட்டுள்ளார். சோஷியல் மீடியாவில் எப்போதும் டிரெண்டிங்கில் இருக்கும் த்ரிஷா, தனது ரசிகர்களுக்கு ஒரு பெரிய சர்ப்ரைஸ் கொடுத்து புதிய இன்னிங்ஸை தொடங்கியுள்ளார். சினிமாவை விட்டு த்ரிஷா விலகப் போகிறாரா? ஏன் புதிய படங்களை ஒப்புக்கொள்ளவில்லை? போன்ற வதந்திகளுக்கு த்ரிஷா இந்த அறிவிப்பின் மூலம் முற்றுப்புள்ளி வைத்துள்ளார்.

சர்ச்சைக்கு முற்றுப்புள்ளி வைத்த த்ரிஷா

இது வெறும் பட அறிவிப்பு மட்டுமல்ல, ரசிகர்களை இருக்கையின் நுனியில் உட்கார வைக்கும் ஒரு 'சைக்கலாஜிக்கல் த்ரில்லர்' என்பதுதான் ஸ்பெஷல். பாலிவுட்டின் புகழ்பெற்ற 'பனோரமா ஸ்டுடியோஸ்' ('த்ரிஷ்யம்' பட நிறுவனம்) இந்த படத்தின் மூலம் தமிழ் சினிமாவிற்குள் நுழைகிறது. இதில் த்ரிஷாவுடன் சீனியர் நடிகை ராதிகா சரத்குமார் மற்றும் திறமையான நடிகை அபர்ணா பாலமுரளி இணைந்துள்ளனர். இந்த மூன்று பெண் சக்திகளும் ஒரே ஃபிரேமில் வருவது, படத்தில் தரமான கன்டென்ட் இருப்பதை உறுதி செய்கிறது.

லண்டன் சென்றது ஏன்?

அக்‌ஷய் குமாரின் 'ஏர்லிஃப்ட்', சைஃப் அலி கானின் 'செஃப்' போன்ற படங்களை இயக்கிய ராஜா கிருஷ்ண மேனன் இந்தப் படத்திற்கு ஆக்‌ஷன்-கட் சொல்கிறார். இது அவருடைய முதல் தமிழ் திரைப்படம் மற்றும் முதல் சைக்கலாஜிக்கல் ஹாரர் படம் என்பது குறிப்பிடத்தக்கது. தற்போது இந்தப் படத்தின் படப்பிடிப்பு பனி சூழ்ந்த நகரமான லண்டனில் சத்தமில்லாமல் நடந்து வருகிறது. இதற்காக தான் லண்டனில் முகாமிட்டுள்ளார் த்ரிஷா. மர்மம், திகில் மற்றும் சஸ்பென்ஸ் நிறைந்த காட்சிகள் ரசிகர்களை நிச்சயம் கவரும் என எதிர்பார்க்கப்படுகிறது.

சினிமாவில் பிசியான த்ரிஷா

சமீபத்தில் த்ரிஷா நடித்த கருப்பு திரைப்படம் பாக்ஸ் ஆபிஸில் 300 கோடி ரூபாய்க்கு மேல் வசூலித்து சாதனை படைத்தது. அதன் தொடர்ச்சியாக இப்போது இந்த புதிய ப்ராஜெக்ட்டை அறிவித்துள்ளனர். ஒருபுறம் மெகாஸ்டார் சிரஞ்சீவியுடன் த்ரிஷா நடித்துள்ள 'விஸ்வம்பரா' திரைப்படம் ரிலீசுக்கு தயாராகி வருகிறது. அப்படம் வருகிற அக்டோபர் மாதம் திரைக்கு வர உள்ளது. அதன் ரிலீஸ் ஒருபுறம் இருக்க, மறுபுறம் லண்டனில் தனது புதிய ஹாரர் த்ரில்லர் படத்தின் படப்பிடிப்பில் நடிகை த்ரிஷா பிஸியாக நடித்து வருகிறார்.

காத்திருக்கும் ரசிகர்கள்

'த்ரிஷ்யம்' போன்ற அற்புதமான படங்களைக் கொடுத்த தயாரிப்பு நிறுவனம் இதைத் தயாரிப்பதால், படத்தின் மீதான எதிர்பார்ப்பு விண்ணை முட்டியுள்ளது. மொத்தத்தில், செப்டம்பர் மாதம் த்ரிஷாவுக்கு ஒரு அதிர்ஷ்டமான மாதமாக அமைந்துள்ளது. அவரது ரசிகர்கள் இந்த சஸ்பென்ஸ் உலக பயணத்திற்காக இப்போதே காத்திருக்கத் தொடங்கிவிட்டனர். இப்படம் அடுத்த ஆண்டு திரைக்கு வர வாய்ப்பு உள்ளதாக கூறப்படுகிறது. இப்படத்தின் மூலம் த்ரிஷா சினிமாவை விட்டு விலகப் போகிறார் என்கிற வதந்திக்கு முற்றுப்புள்ளி வைக்கப்பட்டு உள்ளது.