ஆடை வடிவமைப்பாளர் நகரின் ஆடம்பரமான பஞ்சாராரா ஹில்ஸ் பகுதியில் அமைந்துள்ள தனது பூட்டிக்கில் ஏதேனும் விஷ ரசாயனத்தை சுவாசித்து தனது வாழ்க்கையை முடித்துக்கொண்டதாக சந்தேகிக்கப்படுகிறது.
சனிக்கிழமையன்று தற்கொலை செய்து கொண்ட பிரபல ஆடை வடிவமைப்பாளர் பிரத்யுஷா கரிமெல்லா, தனது வாழ்க்கையை முடிக்க கார்பன் மோனாக்சைடை உள்ளிழுத்ததாக சந்தேகிக்கப்படுகிறது, ஆனால் இது குறித்த அறிக்கை இன்னும் கிடைக்கவில்லை என்று போலீசார் இன்று தெரிவித்தனர். 36 வயதான கரிமெல்லா சனிக்கிழமை பிற்பகல் அவரது பூட்டிக் கழிவறையில் \குடும்ப உறுப்பினர்களால் பிணமாக கண்டெக்கப்பட்டார்.
பிரபல வடிவமைப்பாளர், 'பிரத்யுஷா கரிமெல்லா' என்ற பெயரில் தனது சொந்த பூட்டிக்கை நடத்தி வந்தார், மேலும் சில இந்தி மற்றும் தெலுங்கு சினிமா பிரபலங்களுக்கு ஆடை வடிவமைப்பாளராகவும் பணியாற்றினார். ஜூன் 10 ஆம் தேதி பாதிக்கப்பட்ட பெண் தனது நண்பரின் இடத்தில் தங்கப் போவதாகவும், மறுநாள் திரும்பி வருவதாகவும் தனது குடும்ப உறுப்பினர்களுக்குத் தெரிவித்துவிட்டு வீட்டை விட்டு வெளியேறியதாகக் கூறப்படுகிறது.
இருப்பினும், சனிக்கிழமை காலை அவரது தந்தை தொலைபேசியில் தொடர்பு கொள்ள முயன்றபோது, எந்த பதிலும் இல்லை. இதையடுத்து சனிக்கிழமை நண்பகலில், பூட்டிக் காவலாளியிடமிருந்து அவருக்கு அழைப்பு வந்தது. அதில் கரிமெல்லா கதவு நீண்ட நேரமாக திறக்கவில்லை மணிக்கு பதிலளிக்கவில்லை என்று கூறப்பட்டுள்ளது. பின்னர் அவரின் தந்தை பூட்டிக்கிற்கு சென்று பூட்டப்பட்டிருந்த கதவை உடைத்து உள்ளே சென்று பார்த்த போது அவரது மகள் கையில் தற்கொலை கடிதத்துடன் இறந்து கிடந்தார் என்று போலீசார் தெரிவித்தனர்.