அப்போ தேசிங்குக்கு டாடாவா? Thug Life முடியும் முன்பே அடுத்த பட பேச்சுவார்த்தையை துவங்கிய STR?

Actor Silambarasan : பிரபல இயக்குனர் மணிரத்னம் இயக்கத்தில் சிலம்பரசன் நடித்து வந்த Thug Life திரைப்பட ஷூட்டிங் பணிகள் இப்பொது முடிந்துள்ளது.

Silambarasan

சுமார் 36 ஆண்டுகள் கழித்து மீண்டும் உலக நாயகன் கமல்ஹாசன் மற்றும் பிரபல இயக்குனர் மணிரத்தினம் இணைந்து பணிபுரிந்து வரும் திரைப்படம் தான் Thug Life. இந்த ஆண்டு துவக்கத்தில் இப்படத்திற்கான அறிவிப்பு வெளியானது. முற்றிலும் மாறுபட்ட சில உண்மை சம்பவங்களை கொண்ட கதையம்சம் உள்ள படமாக இது உருவாக தொடங்கியது. 

அண்மையில் தான் இந்த திரைப்படத்தின் படப்பிடிப்பு பணிகள் முழுமையாக முடிவடைந்ததும் குறிப்பிடத்தக்கது. ஏற்கனவே பிரபல நடிகர் கமல்ஹாசன் உடன் விருமாண்டி திரைப்படத்தில் நடித்து அசத்திய பிரபல நடிகை அபிராமி இந்த திரைப்படத்தில் ஒரு முக்கிய கதாபாத்திரமேற்று நடந்திருக்கிறார். பிரபல நடிகர் நாசர் உள்ளிட்ட நல்ல பல நடிகர்கள் இந்த திரைப்படத்தில் நடித்து வரும் நிலையில் கமலின் மகனாக இந்த திரைப்படத்தில் நடிகர் சிலம்பரசன் நடித்து வருவதாக கூறப்படுகிறது.

Nayagan movie

இறுதியாக கடந்த 2023ம் ஆண்டு பிரபல இயக்குனர் என். கிருஷ்ணன் இயக்கத்தில் வெளியான "பத்து தல" திரைப்படத்தில் சிம்பு நடித்திருந்தார். அதற்கு முன்னதாக அவர் நடிப்பில் வெளியான பல திரைப்படங்கள் தொடர்ச்சியாக பெரிய அளவில் வெற்றி பெறாத நிலையில், "10 தல" திரைப்படமும் சுமாரான விமர்சனங்களை தான் பெற்றது. இந்த சூழலில் தான் தேசிங்கு பெரியசாமியுடன் ஒரு திரைப்படத்தில் நடிகர் சிம்பு இணைந்தார். 

ஏற்கனவே துல்கர் சல்மானை வைத்து "கண்ணும் கண்ணும் கொள்ளையடித்தால்" என்கின்ற மெகா ஹிட் கமர்சியல் வெற்றி திரைப்படத்தை கொடுத்தவர் தேசிங்கு என்பது குறிப்பிடத்தக்கது. மேலும் உலகநாயகன் கமல்ஹாசனின் ராஜ்கமல் நிறுவனம் அந்த திரைப்படத்தை தயாரித்து வழங்கும் என்று அறிவிக்கப்பட்ட நிலையில் எஸ்டிஆர் 48வது திரைப்பட பணிகள் துவங்கியது.

Kamalhaasan

வெளிநாடுகளுக்கு சென்று தனது 48வது திரைப்படத்திற்காக பிரத்தியங்கமாக பல பயிற்சிகளை சிம்பு மேற்கொண்டு வந்தார். மேலும் அந்த திரைப்படத்தில் சிம்பு இரட்டை வேடங்களில் நடிக்க உள்ளதாகவும், அதில் ஒரு கதாபாத்திரத்தில் திருநங்கையாக அவர் நடிக்க உள்ளதாகவும் தகவல்கள் பரவியது. ஆனால் இந்த சூழலில் நான் மணிரத்தினம் இயக்கத்தில் உருவாகி வரும் தக் லைப் திரைப்படத்தில் நடிக்க ஒப்பந்தமான சிம்பு உடனடியாக தனது 48வது திரைப்பட பணிகளை பாதியில் நிறுத்தினார். அதன் பிறகு கடந்த ஓராண்டாக அந்த படத்தின் பணிகள் என்னவானது என்பதே தெரியவில்லை. 

Ashwanth Marimuthu

மேலும் இப்பொது Thug Life படத்திற்கான படப்பிடிப்பு பணிகள் முடிந்தாலும் இன்னும் தனது 48 வது திரைப்பட பணிகளை அவர் துவங்காமல் இருக்கிறார். இந்த சூழலில் பிரபல இயக்குனர் அஸ்வந்த் மாரிமுத்து இயக்கத்தில் நடிகர் சிலம்பரசன் நடிக்க உள்ளதாகவும், அந்த படத்தை பிரபல ஏஜிஎஸ் நிறுவனம் தயாரித்து வளர்ந்து உள்ளதாகவும் தகவல்கள் வெளியாகி வருகிறது. இந்த சூழ்நிலையில் அவர் ஏற்கனவே ஒப்புக்கொண்ட தேசிங்கு பெரியசாமியின் திரைப்படம் என்ன ஆனது என்பது மிகப்பெரிய கேள்விக்குறியாகியுள்ளது.