SK20 First look : சிவகார்த்திகேயன் தற்போது நடித்து வரும் எஸ்.கே 20 படத்திற்கான பர்ஸ்ட் லுக் போஸ்டர் தற்போது வெளியாகியுள்ளது.
சிவகார்த்திகேயன் நடிப்பில் கடந்த மே 13-ந் தேதி வெளியான டான் படம், ரசிகர்கள் மத்தியில் மாபெரும் வரவேற்பை பெற்றதோடு பாக்ஸ் ஆபிஸிலும் 100 கோடிக்கு மேல் வசூலித்து சாதனை படைத்தது. சிவகார்த்திகேயன் நடிப்பில் கடைசியாக வெளிவந்த டாக்டர், டான் ஆகிய படங்கள் அடுத்தடுத்து ரூ.100 கோடிக்கு மேல் வசூலித்ததால் அவர் நடிக்கும் அடுத்த படங்கள் மீதான எதிர்பார்ப்பும் அதிகரித்துள்ளது.
டான் படத்தை தொடர்ந்து அயலான், எஸ்.கே 21மற்றும் கமல் தயாரிப்பில் மாவீரன் உள்ளிட்ட திட்டங்களில் இணைந்துள்ளார். இதில் எஸ்.கே என பெயரிடப்பட்டிருந்த படத்தை டோலிவுட் பிரபலமான அனுதீப் இயக்குகிறார். சிவகார்த்திகேயனுக்கு ஜோடியாக உக்ரைன் நாட்டு நடிகை மரியா நடித்து வருகிறார். மேலும் சத்யராஜ், பிரேம்ஜி ஆகியோர் இப்படத்தில் முக்கிய கதாபாத்திரங்களில் நடிக்கின்றனர்.
முதல் முறையாக தமிழ்-தெலுங்கு என இருமொழிகளில் உருவாகும் படத்தில் நடிக்கிறார் சிவகார்த்திகேயன். படத்தின் 90% படப்பிடிப்பு முடிவடைந்துள்ள நிலையில், படம் விரைவில் வெளியாகும் எதிர்பார்க்கப்படுகிறது. இப்படத்தின் முதற்கட்ட படப்பிடிப்பு காரைக்குடியில் நடந்தது, அதன்பிறகு தமிழகத்தின் பல இடங்களில் படப்பிடிப்பை நடத்தியுள்ளனர்.
தமன் இசையமைக்கும் இந்த படத்தின் பர்ஸ்ட் லுக் போஸ்டர் வெளியாகியுள்ளது. கையில் பூமி பந்துடன் இருக்கிறார் சிவகார்த்திகேயன் இவருக்கு பின்னல் வேர்ல்ட் மேப்.சுற்றிலும் கலர்கள் பூசிய கைகள் உள்ளன. அதோடு எஸ்.கே 20 க்கு பிரின்ஸ் என பெயரிடப்பட்டுள்ளதாகவும் அறிவிக்கப்பட்டுள்ளது.