Varisu movie update : வம்சி இயக்கத்தில் விஜய், ராஷ்மிகா, குஷ்பு, சரத்குமார் என மிகப்பெரிய நட்சத்திர பட்டாளமே நடித்து வரும் வாரிசு படம் குறித்த புதிய அப்டேட் வெளியாகி உள்ளது.
கோலிவுட்டில் டாப் நடிகராக வலம் வருபவர் தளபதி விஜய். இவர் நடிப்பில் தற்போது வாரிசு திரைப்படம் தயாராகி வருகிறது. இப்படத்தில் நடிகர் விஜய்க்கு ஜோடியாக ராஷ்மிகா நடிக்கிறார். வம்சி இயக்கும் இப்படத்தில் சரத்குமார், குஷ்பு, ஷியாம், சங்கீதா, சம்யுக்தா, பிரகாஷ் ராஜ், பிரபு என மிகப்பெரிய நட்சத்திர பட்டாளமே நடித்து வருகிறது.
இப்படத்திற்கு தமன் இசையமைக்கிறார். விஜய்யுடன் அவர் கூட்டணி அமைப்பது இதுவே முதன்முறை ஆகும். தில் ராஜு பிரம்மாண்டமாக தயாரிக்கும் இப்படம் குடும்ப செண்டிமெண்டை மையமாக வைத்து உருவாக்கப்பட்டு வருகிறதாம். இப்படத்தின் படப்பிடிப்பு தற்போது ஐதராபாத்தில் விறுவிறுப்பாக நடைபெற்று வருகிறது.
இதையும் படியுங்கள்... வீரா முதல் மாவீரன் வரை... ரிப்பீட் செய்யப்பட்ட ரஜினியின் கிளாசிக் ஹிட் பட தலைப்புகளின் முழு லிஸ்ட் இதோ
வாரிசு படத்தின் போஸ்டர்கள் நடிகர் விஜய்யின் பிறந்தநாளன்று வெளியிடப்பட்டன. அதன்படி இப்படம் அடுத்தாண்டு ஜனவரி மாதம் பொங்கல் பண்டிகையையொட்டி திரையரங்குகளில் பிரம்மாண்டமாக ரிலீஸ் செய்யப்படும் என அறிவிக்கப்பட்டு உள்ளது. இப்படத்தின் ஷூட்டிங்கே இன்னும் முடியாத நிலையில், இதன் வியாபாரம் சூடுபிடிக்க தொடங்கி உள்ளதாக கூறப்படுகிறது.
அதன்படி வாரிசு படத்தின் ஓடிடி உரிமையை அமேசான் பிரைம் நிறுவனம் ரூ.100 கோடி கொடுத்து வாங்கி உள்ளதாக கூறப்படுகிறது. அதுமட்டுமின்றி, இதன் சாட்டிலைட் உரிமை ரூ.65 கோடிக்கும், இந்தி டப்பிங் உரிமை ரூ.40 கோடிக்கும் விற்பனை செய்யப்பட்டு உள்ளதாம். இதன்மூலம் ரிலீசுக்கு முன்பே வாரிசு படம் அதன் மொத்த பட்ஜெட்டையும் எடுத்து விட்டதாக கூறப்படுகிறது. இதனால் தயாரிப்பாளர் தில் ராஜுவும் படு குஷியில் உள்ளாராம்.
இதையும் படியுங்கள்... கவர்ச்சியை வாரி இறைக்கும் ‘வாரிசு’ நடிகை... விருது விழாவிற்கு ரெட் ஹாட் உடையில் வந்து அதகளப்படுத்திய ராஷ்மிகா