ஏஜிஎஸ் நிறுவனம் தயாரிப்பில் பிரம்மாண்டமாக உருவாகி உள்ள திரைப்படம் கோட். விஜய் ஹீரோவாக நடித்துள்ள இப்படத்தை வெங்கட் பிரபு இயக்கி உள்ளார். இப்படத்தில் நடிகர் விஜய்க்கு ஜோடியாக இளம் நடிகை மீனாட்சி செளத்ரி நடித்துள்ளார். மேலும் சினேகா, லைலா, மோகன், பிரசாந்த், பிரபுதேவா, நிதின் சத்யா, அஜ்மல், பிரேம்ஜி, வைபவ், பார்வதி நாயர், யோகிபாபு என மிகப்பெரிய நட்சத்திர பட்டாளமே இப்படத்தில் நடித்துள்ளது.
24
GOAT Movie
கோட் படத்திற்கு யுவன் சங்கர் ராஜா இசையமைத்து இருக்கிறார். அவர் இசையில் நடிகர் விஜய் இரண்டு பாடல்களை பாடி உள்ளார். அதில் முதல் பாடலான விசில் போடு கடந்த ஏப்ரல் மாதம் ரிலீஸ் ஆனது. அப்பாடலுக்கு பெரியளவில் வரவேற்பு கிடைக்காததை அடுத்து, சின்ன சின்ன கண்கள் என்கிற மெலடி பாடலை அடுத்ததாக வெளியிட்டனர். அப்பாடலை விஜய்யுடன் சேர்ந்து பவதாரிணி பாடி இருந்தார். அவரது குரலை ஏஐ தொழில்நுட்பத்தின் மூலம் பயன்படுத்தி இருந்தனர்.
இதன்பின்னர் கோட் படத்தின் மூன்றாவது பாடலாக யுவன் சங்கர் ராஜா பாடிய ஸ்பார்க் பாடல் கடந்த சில தினங்களுக்கு முன்னர் வெளியிட்டனர். அப்படத்தில் நடிகர் விஜய்யின் டீஏஜிங் லுக்கை பார்த்த நெட்டிசன்கள் கடுமையாக ட்ரோல் செய்து வருகின்றனர். நடிகர் விஜய் இப்படத்தில் இரட்டை வேடத்தில் நடித்துள்ளார். அதில் இளம் வயது கதாபாத்திரமும் ஒன்று, அதை டீ ஏஜிங் டெக்னாலஜியை பயன்படுத்தி விஜய்யை இளமையாக காட்டி இருக்கின்றனர்.
44
GOAT Movie Trailer Update :
கோட் திரைப்படம் வருகிற செப்டம்பர் 5-ந் தேதி விநாயகர் சதுர்த்தி பண்டிகையை ஒட்டி ரிலீஸ் ஆக உள்ளது. தமிழ்நாட்டில் உள்ள அனைத்து திரையரங்குகளிலும் கோட் படம் ரிலீசாக வாய்ப்புள்ளது. இந்நிலையில், அப்படத்தின் டிரைலர் ரிலீஸ் பற்றிய அப்டேட் கசிந்துள்ளது. அதன்படி வருகிற ஆகஸ்ட் 15-ந் தேதி சுதந்திர தினத்தன்று கோட் பட டிரைலர் வெளியிடப்பட உள்ளதாம். அதற்கான அதிகாரப்பூர்வ அப்டேட் நாளை வெளியாகும் என எதிர்பார்க்கப்படுகிறது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
