விஜய்யின் வாரிசு மற்றும் அஜித்தின் துணிவு படக்குழு திடீரென போஸ்டர்களை வெளியிட்டு ரசிகர்களிடையே சண்டையை மூட்டிவிட்டு உள்ளனர்.
தீபாவளி, பொங்கல் போன்ற பெரிய பண்டிகைகளுக்கு முன்னணி நடிகர்களின் படங்கள் ரிலீசாவது வழக்கம். அந்த வகையில் வருகிற 2023-ம் ஆண்டு பொங்கல் பண்டிகைக்கு விஜய் நடித்துள்ள வாரிசு படமும், அஜித் நடித்துள்ள துணிவு படமும் நேருக்கு நேர் மோதிக்கொள்ள உள்ளன. 9 ஆண்டுகளுக்கு பின்னர் இருவரின் படங்களும் ஒரே நாளில் ரிலீஸ் ஆவதால், இந்த போட்டியில் வெல்லப்போவது யார் என்கிற எதிர்பார்ப்பு தற்போது எகிறத் தொடங்கி உள்ளது.
இதில் விஜய் நடித்துள்ள வாரிசு படத்தை தெலுங்கு இயக்குனர் வம்சி இயக்கி உள்ளார். அதேபோல் அஜித்தின் துணிவு படத்தை எச்.வினோத் இயக்கி இருக்கிறார். இரண்டுமே பெரிய படங்கள் என்பதால் தியேட்டர்கள் சரி சமமாக ஒதுக்கப்படும் என கூறப்படுகிறது. இதில் விஜய்யின் வாரிசு படம் மூன்று மொழிகளில் ரிலீஸ் செய்யப்படும் என அறிவிக்கப்பட்டு விட்டது. ஆனால் துணிவு படக்குழு அதுகுறித்து எந்தவித அறிவிப்பையும் வெளியிடவில்லை.
இதையும் படியுங்கள்... தோல்விக்கு பின்னும் தொடரும் லைகர் பட பஞ்சாயத்து... அமலாக்கத்துறை விசாரணைக்கு விஜய் தேவரகொண்டா ஆஜர்
இந்நிலையில், வாரிசு மற்றும் துணிவு படக்குழு திடீரென போஸ்டர்களை வெளியிட்டு ரசிகர்களிடையே சண்டையை மூட்டிவிட்டு உள்ளனர். நேற்று துணிவு படத்தின் போஸ்டர் ஒன்று வெளியிடப்பட்டு அதில் பொங்கல் ரிலீஸ் என்றும் குறிப்பிடப்பட்டு இருந்தது. உடனே அதற்கு போட்டியாக வாரிசு படக்குழுவும் போஸ்டர் ஒன்றை வெளியிட்டு இருந்தது.
வாரிசு படக்குழு வெளியிட்ட போஸ்டரில் நடிகர் விஜய் கையில் டீ கிளாஸ் உடன் கார் மீது கெத்தாக அமர்திருக்கும் படியான புகைப்படம் இடம்பெற்று இருந்தது. இதனையடுத்து இரு தரப்பு ரசிகர்களும் இந்த இரு போஸ்டர்களில் எந்த படத்தின் போஸ்டர் மாஸாக இருக்கிறது என கேட்டு டுவிட்டரில் சண்டையிட்டுக் கொண்டனர். இதைப்பார்க்கும்போது போஸ்டருக்கே இப்படி சண்டை போட்டால், படம் ரிலீசன்று என்னென்ன கூத்து நடக்கப்போகிறதோ என்றுதான் எண்ணத் தோன்றுகிறது.
இதையும் படியுங்கள்... சந்திரமுகி 2-வில் ஜோதிகாவுக்கு பதில் இவரா..? சர்ச்சைக்குரிய நடிகையை சந்திரமுகியாக்கும் பி.வாசு!