ஹரிஷ் கல்யாணின் LGM.. நாளை ஆடியோ மற்றும் ட்ரைலர் ரிலீஸ் - வெளியிடுபவர் உங்கள் அன்பு "தல" தோனி!

பிரபல கிரிக்கெட் வீரர் தோனி தயாரித்து வழங்கும் முதல் திரைப்படமான LGM (Lets Get Married) படத்தில் கதாநாயகனாக ஹரிஷ் கல்யாண் நடித்துள்ளார்.

தமிழ் மற்றும் தெலுங்கு ஆகிய இரு மொழிகளிலும் சிறப்பாக நடித்து வரும் நடிகர் தான் ஹரிஷ் கல்யாண். 2010ம் ஆண்டு வெளியான சிந்து சமவெளி என்ற திரைப்படம் தான் இவர் தமிழில் முதல் முதலில் நடித்த திரைப்படம். ஹரிஷ் கல்யாணின் தந்தை 5 ஸ்டார் கல்யாண் தமிழ் திரை உலகில் பிரபலமாக இருந்த ஒரு திரைப்பட விநியோகஸ்தர் என்பது குறிப்பிடத்தக்கது. 

சிறு வயது முதலே நடிப்பில் ஆர்வம் கொண்டிருந்த காரணத்தினால் கடந்த 12 ஆண்டுகளாக சிறு சிறு கதாபாத்திரங்களாக ஏற்று நடித்து, இன்று ஒரு நல்ல ஹீரோ என்ற பெயரை பெற்றுள்ளார் ஹரிஷ். தற்பொழுது ஐந்து திரைப்படங்கள் அவருடைய நடிப்பில் வெளியாக உள்ளது. அதில் 100 கோடி வானவில் மற்றும் டீசல் ஆகிய இரு திரைப்படங்களின் படப்பிடிப்பு பணிகள் முடிந்துள்ளது. 

பிரபல கிரிக்கெட் வீரர் தோனி தயாரித்து வழங்கும் முதல் திரைப்படமான LGM (Lets Get Married) படத்தில் கதாநாயகனாக ஹரிஷ் கல்யாண் நடித்துள்ளார். இந்நிலையில் நாளை இந்த திரைப்படத்தின் இசை வெளியீட்டு விழாவும், டிரைலர் வெளியீடும் சென்னையில் உள்ள ஒரு தனியார் கல்லூரியில் நடைபெற உள்ளது.

இதற்காக தல தோனி அவர்களும் அவரது மனைவி சாக்ஷியும் இன்று சென்னை வந்துள்ளனர், அவர்களுக்கு விமான நிலையத்தில் உற்சாக வரவேற்பு அளிக்கப்பட்டது. இருவரும் முன்னின்று LGM திரைப்படத்தின் டிரைலர் மற்றும் இசையை வெளியிடுகிறார். ரமேஷ் தமிழ்மணி இயக்கும் இந்த படத்தில் மூத்த நடிகை நதியா, நடிகை இவனா மற்றும் யோகி பாபு ஆகியோர் நடித்துள்ளனர்.