Tamilisai About TVK Vijay : பிரபல அரசியல் தலைவர் தமிழிசை சவுந்தரராஜன், தமிழக வெற்றிக்கழகம் தலைவர் விஜய் குறித்த விமர்சனத்தை முன்வைத்துள்ளார்.
வருகின்ற அக்டோபர் மாதம் 27ம் தேதி ஞாயிற்றுக்கிழமை விக்கிரவாண்டியில் தனது தமிழக வெற்றிக் கழகம் கட்சியின் முதல் மாநில மாநாட்டை நடத்த இருக்கிறார் தளபதி விஜய். இந்த ஆண்டின் துவக்கமே தளபதி விஜயின் ரசிகர்களுக்கு கொண்டாட்டம் மிகுந்த ஆண்டாகவே தொடங்கியது. காரணம் தான் அரசியலில் களம் இறங்க உள்ளதாக அதிகாரப்பூர்வமாக அறிவித்து, தன்னுடைய தமிழக வெற்றிக்கழகம் கட்சியின் அறிவிப்பை வெளியிட்டார் தளபதி விஜய். உண்மையில் அவர் எடுத்த அந்த முடிவு பலர் எதிர்பார்த்தது தான் என்றாலும் கூட, யாருமே கொஞ்சம் கூட எதிர்பார்க்காத ஒரு மாஸ்டர் ஸ்ட்ரோக்கை முன் வைத்தார் தளபதி விஜய்.
மருத்துவமனையில் இருந்து டிஸ்சார்ஜ் ஆன கையேடு உணர்வு பூர்வமாக நன்றி கூறிய ரஜினிகாந்த்!
அது தான் ஏற்கனவே அவர் ஒப்பந்தம் செய்யப்பட்டுள்ள இரண்டு திரைப்பட பணிகளை முடித்த பிறகு, தன்னுடைய கலை பயணத்திலிருந்து முற்றிலும் விலகி, முழு நேர அரசியல் தலைவராக பயணிக்க உள்ளதாக அவர் வெளியிட்ட அறிவிப்பு. அவரை அரசியல் ரீதியாக பின் தொடரும் பலருக்கும் மிகப்பெரிய உத்வேகம் அளித்த ஒரே விஷயம் இதுவென்றால் அது மிகையல்ல. உண்மையில் தமிழ் சினிமாவை பொறுத்தவரை 150 கோடி ரூபாய்க்கு மேல் சம்பளம் வாங்கும் உச்ச நடிகராக அவர் பயணித்து வந்த இந்த நேரத்தில், சினிமாவை விட்டு விலகுவது உண்மையில் மிகப்பெரிய முன்னெடுப்பாக பார்க்கப்படுகிறது.
தனது த.வெ.க கட்சியின் பொதுச் செயலாளராக, தனக்கு வலதுகரமாக செயல்பட்டு வந்த புஷி ஆனந்தை தளபதி விஜய் நியமித்துள்ள நிலையில், இன்று மாநாட்டிற்கான பந்தக்கால் நடும் விழா, 3 மதங்களையும் ஒன்றிணைத்து சம்பிரதாயங்களை கடைபிடித்து நடத்தப்பட்டது. ஏற்கனவே இந்த மாநாட்டில் பங்கேற்க வரும் தங்களுடைய கட்சியினருக்கு தேவையான அறிவுரைகளை தொடர்ச்சியாக அக்கட்சி வழங்கி வருவதும் குறிப்பிடத்தக்கது. இது குறித்த ஒரு அறிவிப்பு ஒன்றையும் நேற்று அக்கட்சிய தலைவர் தளபதி விஜய் வெளியிட்டு இருந்தார்.
சினிமா உலகில் இருந்து மட்டுமல்லாமல், ஏற்கனவே அரசியல் களத்தில் இருந்தும் பல முக்கிய தலைவர்கள் தளபதி விஜய்க்கு தங்களுடைய வரவேற்புகளை தெரிவித்து வருகின்றனர். குறிப்பாக விடுதலை சிறுத்தைகள் கட்சி தலைவர் திருமாவளவன் மற்றும் நாம் தமிழர் கட்சி தலைவர் சீமான் ஆகிய இருவரும் தமிழக வெற்றிக் கழகம் கட்சி தலைவர் விஜய்க்கு தங்களுடைய வரவேற்புகளை பெரிய அளவில் தெரிவித்து வருகின்றனர்.
அண்மையில் பெரியாரின் பிறந்தநாளுக்கு அவருடைய சிலைக்கு மாலை அணிவித்த விஜயை பாராட்டி "யாருமே அண்ணாவையும் பெரியாரையும் தொடாமல் அரசியலுக்குள் நுழைய முடியாது" என்று கூறி உதயநிதி ஸ்டாலின் தன்னுடைய கருத்தினை வெளிப்படுத்தி இருந்தார். அதேபோல அவர் அரசியல் தலைவராக தமிழ் தமிழக அரசியல் களத்தில் களமிறங்குவதற்கு தன்னுடைய வரவேற்புகளையும் அவர் கொடுத்திருந்தது குறிப்பிடத்தக்கது. தொடர்ச்சியாக அரசியல் தலைவர்களின் பலர் அவரை நல்ல விதமாக பேசி வரும் நிலையில், பாஜக தலைவரும் மூத்த அரசியல் தலைவருமான தமிழிசை சௌந்தரராஜன் சில கருத்துக்களை வெளியிட்டு இருக்கிறார்.
இன்று ஒரு செய்தியாளர் சந்திப்பில் பங்கேற்ற பாஜக மூத்த தலைவர் தமிழிசை சௌந்தர்ராஜனிடம் விஜயின் அரசியல் வருகை குறித்தும், இனி அவர் திரைப்படங்களில் நடிக்க மாட்டார் என்று அறிவித்திருப்பது குறித்தும் கேள்விகள் எழுப்பப்பட்டது. அதற்கு "தளபதி விஜய் இந்த திரைப்படம் தான் தன்னுடைய கடைசி திரைப்படம் என்று சொல்லுவதை, தண்ணீரில் தான் எழுத வேண்டும். அவர் அரசியலுக்கு வந்துவிட்டார் என்பது மகிழ்ச்சிதான். ஆனால் இதுதான் அவருடைய கடைசி படமா என்பதெல்லாம் எனக்கு தெரியாது. இவர்கள் சொல்வதை எல்லாம் நாம் தண்ணீரில் தான் எழுதி வைக்க வேண்டும்".
"மாநாட்டை பொருத்தவரை அதை அவர் சிறப்பாக நடத்தி விடுவார், அதில் எந்தவித பிரச்சனையும் இல்லை. காரணம் சினிமா துணைவினருக்கு எப்பொழுதுமே ஒரு கூட்டம் கூடும், மக்கள் சினிமாவுக்கு வருவது போல அந்த மாநாட்டிற்கும் வந்து விடுவார்கள். ஆனால் அவர் அரசியலில் எப்படி செயல்படுகிறார் என்பது இனிதான் தெரியும்" என்று கூறியிருக்கிறார்.
மயக்கும் மெட்டு போட்ட இளையராஜா.. இரண்டே வரியில் ராமாயணத்தை சொன்ன வாலி - எந்த பாட்டில் தெரியுமா?