முதல் தேசிய விருது... தாய், தந்தையின் கழுத்தில் மாட்டி அழகுபார்த்த சூர்யா - வைரலாகும் போட்டோஸ்
Suriya : நடிகர் சூர்யா தனது தேசிய விருதை தனது தந்தை சிவகுமாருக்கும், தாய் லட்சுமிக்கும் மாட்டிவிட்டு அழகு பார்த்த புகைப்படம் வெளியாகி சமூக வலைதளங்களில் வைரலாகி வருகிறது.
சுதா கொங்கரா இயக்கத்தில் சூர்யா நடித்த படம் சூரரைப் போற்று. ஏர் டெக்கான் நிறுவனர் கோபிநாத்தின் வாழ்க்கையில் நிகழ்ந்த சில சுவாரஸ்ய சம்பவங்களை அடிப்படையாக வைத்து இப்படத்தை இயக்கி இருந்தார் சுதா கொங்கரா. இப்படத்தில் நெடுமாறன் ராஜாங்கம் என்கிற கதாபாத்திரத்தில் நடித்திருந்தார் சூர்யா. இப்படம் கடந்த 2020-ம் ஆண்டு தீபாவளி பண்டிகைக்கு நேரடியாக ஓடிடி-யில் ரிலீஸ் ஆனது.
வெளியானது முதல் அமோக வரவேற்பை பெற்ற இப்படத்திற்கு 5 தேசிய விருதுகள் வழங்கப்பட்டுள்ளது. சிறந்த படம், சிறந்த நடிகை, சிறந்த நடிகர், சிறந்த திரைக்கதை, சிறந்த பின்னணி இசை ஆகிய 5 பிரிவுகளின் கீழ் இப்படத்திற்கு விருதுகள் வழங்கப்பட்டன. நேற்று டெல்லியில் நடைபெற்ற நிகழ்வில் கலந்துகொண்டு குடியரசுத் தலைவர் கையால் தேசிய விருதை பெற்றுக்கொண்டார் சூர்யா.
இதையும் படியுங்கள்... ஜோவின் முடிவு எப்பவுமே ஜோராக இருக்கும்... காதல் மனைவி குறித்து சூர்யா நெகிழ்ச்சி