Prince : அனுதீப் இயக்கத்தில் சிவகார்த்திகேயன், சத்யராஜ், பிரேம்ஜி நடிப்பில் உருவாகி இருக்கும் பிரின்ஸ் படத்தின் புதிய போஸ்டரை படக்குழு வெளியிட்டுள்ளது.
சிவகார்த்திகேயன் நடிப்பில் கடைசியாக வெளிவந்த டாக்டர் மற்றும் டான் ஆகிய படங்கள் ரூ.100 கோடிக்கு மேல் வசூலித்து பிளாக்பஸ்டர் ஹிட் ஆகின. இதனால் அவர் நடிப்பில் தற்போது உருவாகி வரும் பிரின்ஸ் படத்துக்கும் அதிகளவில் எதிர்பார்ப்பு உள்ளது. பிரின்ஸ் படத்தை தெலுங்கு இயக்குனர் அனுதீப் இயக்கி உள்ளார்.
தமிழ் மற்றும் தெலுங்கு ஆகிய இரு மொழிகளில் இப்படம் தயாராகி உள்ளது. இப்படத்தில் நடிகர் சிவகார்த்திகேயனுக்கு ஜோடியாக வெளிநாட்டு நடிகை மரியா நடித்துள்ளார். மேலும் பிரேம்ஜி, சத்யராஜ் ஆகியோர் முக்கிய கதாபாத்திரங்களில் நடித்துள்ளனர். தமன் இசையமைத்துள்ள இப்படத்தின் மூலம் சிவகார்த்திகேயன் தெலுங்கு திரையுலகில் அறிமுகமாக உள்ளார்.
இதையும் படியுங்கள்... 100 நாட்களை கடந்து வெள்ளி விழா கண்ட சிவாஜி கணேசனின் கிளாசிக் ஹிட் படங்களின் தொகுப்பு இதோ...
பிரின்ஸ் படத்தில் நடிகர் சிவகார்த்திகேயன் டூரிஸ்ட் கைடாக நடித்துள்ளார். இப்படத்தின் ஷூட்டிங் முடிந்து ரிலீசுக்கு தயாராக உள்ளது. ஏற்கனவே இப்படத்தில் இருந்து பிம்பிலிகா பிலாபி என்கிற பாடல் வெளியாகி வரவேற்பை பெற்ற நிலையில், விரைவில் இசை வெளியீட்டு விழாவும் பிரம்மாண்டமாக நடத்தப்பட உள்ளது.
இந்நிலையில், பிரின்ஸ் படத்தின் புதிய போஸ்டர் ஒன்றை படக்குழு வெளியிட்டுள்ளது. அதில் மாஸ்டர் பட விஜய் போல் சிவகார்த்திகேயனின் தோற்றம் அமைந்துள்ளது. மேலும் அந்த போஸ்டரில் இப்படம் வருகிற தீபாவளி பண்டிகைக்கு ரிலீசாகும் என அறிவிக்கப்பட்டு உள்ளது. இதன்மூலம் கார்த்தியின் சர்தார் படத்துடன் பிரின்ஸ் படம் மோத உள்ளது உறுதியாகி உள்ளது.
இதையும் படியுங்கள்... எட்டனா இருந்தா எட்டூரும் என் பாட்ட கேட்கும் - அதே பாடி லாங்குவேஜ் உடன் பாட்டுப்பாடி அசத்திய வடிவேலு