தமிழ் சினிமாவில் முன்னணி நடிகராக இருக்கும் சூர்யா, தன்னுடைய ஒவ்வொரு திரைப்படங்களையும் கவனமாக தேர்வு செய்து நடித்து வருகிறார். இவர் நடிப்பில் உருவாகியுள்ள 'கங்குவா' திரைப்படம் அடுத்த மாதம் வெளியாக உள்ள நிலையில், இதைத்தொடர்ந்து தன்னுடைய 44 வது திரைப்படத்தை கார்த்திக் சுப்புராஜ் இயக்கத்தில் நடித்து வருகிறார்.
24
Actor Suriya Kanguva Film
இந்த படத்தை ஸ்டோன் பெஞ்ச் பிலிம்ஸ் மற்றும் சூர்யாவின் சொந்த நிறுவனமான 2d எண்டெர்டெயின்மெண்ட் நிறுவனம் இணைந்து தயாரிக்கிறது. இப்படத்தில் சூர்யாவுக்கு ஜோடியாக பூஜா ஹெக்டே நடிக்கிறார். இப்படத்தின் படப்பிடிப்பு தற்போது பரபரப்பாக நடந்து வரும் நிலையில், சூர்யா நடிக்க உள்ள 45-வது திரைப்படத்தின் அதிகாரப்பூர்வ அறிவிப்பு வெளியாகி உள்ளது.
சூர்யாவின் 45 ஆவது திரைப்படத்தை, பிரபல நடிகரும் மூக்குத்தி அம்மன், வீட்டுல விசேஷம் ஆகிய படங்களை இயக்கிய... ஆர் ஜே பாலாஜி இயக்க உள்ளார். இப்படத்தை ஜோக்கர், அருவி, தீரன் அதிகாரம் ஒன்று, கைதி, போன்ற தரமான ஹிட் படங்களை தயாரித்த ட்ரீம் வாரியார் பிக்சர்ஸ் நிறுவனம் தயாரிக்க உள்ளது. ஆர் ஜே பாலாஜி தன்னுடைய அடுத்த படமாக, மூக்குத்தி அம்மன் பார்ட் 2 திரைப்படத்தை இயக்க உள்ளதாக கூறப்பட்ட நிலையில், தற்போது இந்த படத்தின் அறிவிப்பு வெளியாகி சூர்யா ரசிகர்களை உற்சாகப்படுத்தி உள்ளது.
44
RJ Balaji
இப்படத்திற்கு இசையமைப்பாளர் ஏ ஆர் ரகுமான் இசையமைக்க உள்ளதாக தெரிவிக்கப்பட்டுள்ளது. ஏற்கனவே ஏ ஆர் ரகுமான் இசையில் சூர்யா... சில்லுனு ஒரு காதல், ஆயுத எழுத்து, 24, போன்ற படங்களில் நடித்துள்ளார். மேலும் இந்த படங்களில் இடம்பெற்ற அனைத்து பாடல்களும் நல்ல வரவேற்பை பெற்றன.
தற்போது ஆர்.ஜே.பாலாஜி, ட்ரீம் வாரியார் பிக்சர்ஸ், சூர்யா என பக்காவான இந்த காம்போ ரசிகர்கள் மத்தியில் படம் மீதான எதிர்பார்ப்பை தூண்டி உள்ளது. இந்த படத்தின் படப்பிடிப்பு கூடிய விரைவில் துவங்க உள்ளதாகவும், 2025 ஆம் ஆண்டு இப்படம் ரிலீசாகும் என தெரிவிக்கப்பட்டுள்ளது. அதேபோல் கூடிய விரைவில் இந்த படத்தின் நாயகி, மற்ற நடிகர்கள், மற்றும் தொழில்நுட்ப கலைஞர்களின் விவரம் வெளியாகும் என தெரிவிக்கப்பட்டுள்ளது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
