விஜய் டிவியில் ஒளிபரப்பாகி வரும் சூப்பர் சிங்கர் நிகழ்ச்சியில் கலந்துகொண்டதன் மூலம் பேமஸ் ஆன பூஜா, நீச்சல் உடையில் போஸ் கொடுத்த புகைப்படம் வைரலாகி வருகிறது.
விஜய் டிவியில் ஒளிபரப்பாகும் நிகழ்ச்சிகளில் மிகவும் பேமஸ் ஆனது சூப்பர் சிங்கர் நிகழ்ச்சி. இந்நிகழ்ச்சி இதுவரை 8 சீசன்கள் முடிந்துள்ளது. தற்போது சூப்பர் சிங்கர் நிகழ்ச்சியின் 9-வது சீசன் விறுவிறுப்பாக நடைபெற்று வருகிறது. இந்நிகழ்ச்சி தற்போது இறுதிக்கட்டத்தை எட்டி இருக்கிறது. இந்த நிகழ்ச்சியின் டாப் 5 பைனலிஸ்ட் தேர்வாகி உள்ளனர். அந்த டாப் 5-ல் அபிஜித், பூஜா, அருணா, ப்ரியா மற்றும் பிரசன்னா ஆகியோர் இடம்பெற்று உள்ளனர்.
சூப்பர் சிங்கர் நிகழ்ச்சி பாடல்களோடு காமெடி கலாட்டாவும் நிறைந்திருக்கும். ஒவ்வொரு சீசனிலும் ஒரு சில போட்டியாளர்களை டார்கெட் செய்து அவர்களை அந்நிகழ்ச்சியின் தொகுப்பாளர்களான மா.கா.பா ஆனந்தும், பிரியங்காவும் கலாய்ப்பது வழக்கம். அந்த வகையில் இந்த சீசனில், மா.கா.பா மற்றும் பிரியங்காவிடம் சிக்கி படாத பாடு பட்ட போட்டியாளர் என்றால் அது பூஜா தான்.
இதையும் படியுங்கள்... டபுள் ட்ரீட் கன்பார்ம்! விஜய் பிறந்தநாளன்று சர்ப்ரைஸாக வரவுள்ள லியோ & தளபதி 68 அப்டேட்ஸ் என்னென்ன? முழு விவரம்
அழகு பதுமையோடு இருக்கும் பூஜாவுக்கு முதல் எபிசோடில் இருந்தே ரசிகர் பட்டாளமே உருவானது. அந்நிகழ்ச்சியில் டிஜேவாக இருக்கும் பிளாக், பூஜா வரும்போதெல்லாம் காதல் பாடல்களை போட்டு அவர்மீதுள்ள அன்பை வெளிப்படுத்தி வந்தார். இந்த காம்போ வேறலெவலில் ரீச் ஆனது. இதனால் வாரந்தோறும் பூஜா மற்றும் டிஜே பிளாக் இருவரையும் பிரியங்காவும், மா.கா.பாவும் கலாய்க்கும் வீடியோக்கள் சமூக வலைதளங்களில் வைரலானது.
இப்படி சூப்பர் சிங்கர் சீசன் 9 நிகழ்ச்சி மூலம் பிரபலமான பாடகி பூஜா கடற்கரையோரம் நீச்சல் உடையணிந்து போஸ் கொடுத்த புகைப்படம் ஒன்று வைரலாகி வருகிறது. அலைச்சறுக்கு விளையாட்டிற்கு பயன்படுத்தப்படும் பலகையை கையில் பிடித்தபடி அதற்கேற்ற நீச்சல் உடையும் அணிந்தபடி இருக்கும் பாடகி பூஜாவின் இந்த புகைப்படத்தை பார்த்த நெட்டிசன்கள் உங்களுக்கு இப்படி ஒரு திறமை இருக்கிறதா என ஆச்சர்யத்துடன் கேட்டு வருகின்றனர்.
இதையும் படியுங்கள்... இசை அசுரன் ஜிவி பிரகாஷிற்கு இத்தனை கோடி சொத்து உள்ளதா? - பலரும் அறிந்திடாத ஆச்சர்ய தகவல் இதோ
சேனலை கிளிக் செய்து பின்தொடரவும்