இளவரசிகளாக வந்து ரசிகர்களின் மனதில் குடிகொண்டு. அந்த கதாபாத்திரத்தை அப்படியே பிரதிபலித்த தென்னிந்திய நாயகிகள் குறித்த பதிவை இங்கு காணலாம்....
கார்த்தியின் வித்யாசமான நடிப்பில் வெளியாகியிருந்த காஷ்மோரா படத்தில் நயன்தாரா இளவரசியாக நடித்திருப்பார். தனக்கு கிடைக்கும் வேடங்களை சேலஞ்சாக எடுத்துக் கொண்டு அதில் மாஸ் கட்டுவதால் தான் நயன்தாராவிற்கு லேடி சூப்பர் ஸ்டார் என பெயர். இந்த படத்தில் பறந்து பறந்து வால் சண்டையிடும் நயன்தாராவை ரசிகர்கள் வெகுவாகவே பாராட்டி வந்தனர். கார்த்தி இரட்டை வேடத்தில் நடித்திருந்த காஷ்மோரா படம் கோகுல் இயக்கத்தில் கடந்த 2016 ஆம் ஆண்டு திரையரங்குகளில் வெளியாகியிருந்தது.
இளவரசி என்றாலே அது இவர் தான் என்னும் பெயர் எடுத்தவர் அனுஷ்கா ஷெட்டி. முன்னதாக அருந்ததி படத்தில் இளவரசி, பின்னர் ராணியாக வந்து ரசிகர்களை கவர்ந்த இவர் பாகுபலி பாகம் ஒன்று மற்றும் இரண்டில் தேவசேனாவாக நடித்து தென்னிந்த சினிமா உலகை திரும்பி பார்க்க வைத்தார். இதில் இரண்டாம் பாகத்தில் இளவரசி தேவசேனா ரசிகர்களின் மனதில் தனி இடத்தை பிடித்து விட்டார். அழகிய பெண்களை தேவசேனா என வர்ணிக்கும் அளவிற்கு அவர் கதாபாத்திரம் புகழ்பெற்று விட்டது.
மேலும் செய்திகளுக்கு...பொழச்சு போகட்டுமுனு தான் விடுறேன்... கோபிக்கு நோஸ் கட் கொடுத்த பாக்கியா
கடந்த 2018 ஆம் ஆண்டு பொன்ராம் இயக்கத்தில் வெளியான சிவகார்த்திகேயன் படம் தான் சீமராஜா. இந்த படத்தில் சிவகார்த்திகேயன் ஜமீன் இளவரசராக நடித்திருப்பார். இதில் சமந்தா, கீர்த்தி சுரேஷ், சிம்ரன் உள்ளிட்டோர் முக்கிய வேடங்கள் நடித்திருப்பர். கீர்த்தி சுரேஷ்வுக்கு காமியோ ரோல் தான்.ஆனால் ஃபிளாஸ்பேக் காட்சியில் ராஜாவாக இருக்கும் சிவகார்த்திகேயனின் மனைவியாக வந்து சிறிது நேரத்திலேயே ரசிகர்களின் பார்வையை தன் பக்கம் ஈர்த்து இருப்பார்.
மேலும் செய்திகளுக்கு...வெற்றிமாறன் கூறியபடி ராஜ ராஜ சோழன் இந்து கிடையாதா?... பின் எதற்காக சிவன் கோவிலை கட்டினார்? - உண்மை பின்னணி
சமீபத்தில் வெளியான பொன்னியின் செல்வனில் குந்தவையாக நடித்து வரலாற்று புகழ் பெற்று விட்டார் திரிஷா. இளவரசி கதாபாத்திரத்தில் இவர் நடித்து தமிழர்களை வெகுவாகவே ஈர்த்துவிட்டார் என்று கூட கூறலாம். சோழர் குல பெண்களுக்கு உரிய இவருடைய தோற்றமும் நடிப்பும் பெருமளவு பாராட்டுகளை பெற்று வருகிறது.
உலகநாயகி ஐஸ்வர்யா ராய் பொன்னியின் செல்வனில் நந்தினி கதாபாத்திரம் கலக்கி உள்ளார். மிகவும் முக்கியத்துவம் வாய்ந்த ரோலில் இவர் தோன்றியுள்ளார். ராஜாங்க உடையில் இவர் வருவது நல்ல விமர்சனங்களை பெற்று வருகிறது.
இதையும் படியுங்கள்... சூப்பர்ஸ்டார் நடிக்க மறுத்த கட்டப்பா கேரக்டர்... சத்யராஜுக்கு கிடைத்த சுவாரஸ்ய பின்னணி